Agenda a Chofnodion

1.1 Croesawodd y Cadeirydd yr Aelodau a’r cyhoedd i’r cyfarfod.

1.2 Cafwyd ymddiheuriadau gan Ann Jones; bu Jenny Rathbone yn dirprwyo ar ei rhan.

FIN(4) 11-12 – Papur 1 – Cyllideb Atodol ar gyfer 2012-2013 - Nodyn esboniadol

FIN(4) 11-12 – Papur 2 - Cynnig Cyllideb Atodol 2012-2013

Jane Hutt, Y Gweinidog Cyllid
Jeff Andrews, Cynghorydd Polisi Arbenigol
Margaret Davies, Pennaeth Polisi Cyllidebu
Matthew Denham-Jones, Pennaeth Rheoli a Chofnodi Cyllidebau

2.1 Croesawodd y Cadeirydd Jane Hutt AC, y Gweinidog Cyllid; Jeff Andrews, Cynghorydd Polisi Arbenigol; Margaret Davies, Pennaeth Polisi’r Gyllideb; a Matthew Denham Jones, Pennaeth Rheoli a Chofnodi Cyllidebau.

2.2 Bu’r Aelodau’n craffu ar waith y Gweinidog.

Camau i’w cymryd:

Cytunodd Llywodraeth Cymru i:

·         Gyhoeddi manylion y prosiectau sy’n cael cyllid gan rownd 6 o’r gronfa buddsoddi i arbed, gan gynnwys faint a gafodd pob prosiect, yr arbedion a ragwelir, manylion y proffil talu’n ôl, a manylion y gwerthusiad sydd ar y gweill o’r gronfa buddsoddi i arbed;

·         Darparu gwybodaeth eglurhaol am y buddsoddiad o £1 miliwn yn yr un corff amgylcheddol, a grybwyllwyd gan y Pwyllgor Amgylchedd a Chynaliadwyedd yn ei gyfarfod ar 27 Mehefin 2012;

·         Cadarnhau pryd y bydd y Pwyllgor yn cael adroddiad diwedd y flwyddyn sy’n rhoi manylion ynghylch amrywiadau rhwng y gwariant gwirioneddol a chyllideb atodol olaf y flwyddyn.

FIN(4) 11-12 – Papur 3 – Ymgynghoriad ar bwerau benthyca newydd yr Alban

FIN(4) 11-12 – Papur 4 – Gohebiaeth gan Gyfarwyddwyr Cyllid Sefydliad Siartredig Cyllid Cyhoeddus a Chyfrifyddiaeth yr Alban – Cyllid Datganoledig: Pwerau Benthyg a Dulliau Arloesol o Ddefnyddio Arian Cyfalaf

FIN(4) 11-12 – Papur 5 – Ymgynghoriad ar Gweinidog Iechyd a Gwasanaethau Cymdeithasol – Cyllideb Atodol ar gyfer 2011-2012 (Gwanwyn 2012)

Cofnodion y cyfarfod a gynhaliwyd ar 20 Mehefin 2012.

3.1 Cytunodd y Pwyllgor i ateb yr ohebiaeth gan Drysorlys ei Mawrhydi ynghylch yr ymgynghoriad ar bwerau benthyca newydd i’r Alban, gan amlinellu’r hyn a ganfu’r ymchwiliad i Fenthyca Darbodus a Dulliau Arloesol o Ddefnyddio Arian Cyfalaf.

3.2 Nododd y Pwyllgor yr ohebiaeth ynghylch ei ymchwiliad i Gyllid Datganoledig: Pwerau Benthyg a Dulliau Arloesol o Ddefnyddio Arian Cyfalaf. 

3.3 Nododd y Pwyllgor yr ohebiaeth gan y Gweinidog Iechyd a Gwasanaethau Cymdeithasol ynghylch cyllideb atodol 2011-2012 (gwanwyn 2012), a fyddai’n llywio’i waith o graffu ar gyllideb atodol 2012-2013.

3.4 Cadarnhaodd y Pwyllgor gofnodion y cyfarfod blaenorol.

Eitem 5.

Eitemau 5 a 6.

5.1 Bu’r Pwyllgor yn trafod y dystiolaeth ar gyllideb atodol Llywodraeth Cymru ar gyfer 2012-2013 (haf 2012).

6.1 Cytunodd y Pwyllgor i benodi cynghorydd technegol i gynorthwyo â’i waith o graffu ar gyllideb Llywodraeth Cymru ar gyfer 2013-2014.

Gweld trawsgrifiad o'r cyfarfod.