Agenda a Chofnodion

Gweld trawsgrifiad o’r cyfarfod.

1.1 Croesawodd y Cadeirydd Simon Thomas AC i'w gyfarfod cyntaf o'r Pwyllgor hwn.

Eitemau 3, 4, 5, a 8.

4.1 Cytunodd y Pwyllgor ar y cynnig.

FIN(4)-16-13 Papur 1

3.1 Roedd Peter Black AC yn absennol ar gyfer yr eitem hon gan ei fod yn aelod o Gomisiwn y Cynulliad.

3.2 Trafododd y Pwyllgor yr adroddiad drafft a chytunodd arno.

FIN(4)-16-13 Papur 2

4.1 Trafododd y Pwyllgor yr adroddiad drafft a chytunodd arno.

5.1 Bu'r Pwyllgor yn trafod y papur a chytunodd ar y rhestr arfaethedig o dystion, gan ychwanegu'r Prif Gynghorwr Gwyddonol at y rhestr.

Jane Hutt AC, y Gweinidog Cyllid, Cynulliad Cenedlaethol Cymru

Jo Salway, Dirprwy Cyfarwyddwr, Cyllido Strategol

Jeff Andrews, Ymgynghorydd Polisi Arbenigol

6.1 Bu'r Pwyllgor yn craffu ar waith y Gweinidog Cyllid yng nghyswllt cyllideb ddrafft Llywodraeth Cymru ar gyfer 2014-15.

Camau gweithredu:

Cytunodd y Gweinidog Cyllid i ysgrifennu at y Pwyllgor i roi eglurhad o'r modd y gallai prosiect arfaethedig HS2 effeithio ar symiau canlyniadol Barnett, os bydd y prosiect yn mynd yn ei flaen.

Cytunodd y Gweinidog Cyllid i egluro lefel yr incwm a ddisgwylir o ardrethi annomestig.

Cytunodd y Gweinidog Cyllid i rannu rhagor o wybodaeth ynghylch y terfyn uchaf y mae'r Llywodraeth yn ei bennu o ran y ffioedd y gall awdurdodau lleol eu codi.

Cytunodd y Gweinidog Cyllid i ddarparu ffurflenni monitro ynghylch gwariant cyfalaf ar gyfer ysgolion.

Cytunodd y Gweinidog Cyllid i anfon nodyn ynghylch y gyllideb a ddyrennir i ddatblygu'r Asiantaeth Fabwysiadu Genedlaethol yn ystod y flwyddyn ariannol hon.

Cytunodd y Gweinidog Cyllid i anfon nodyn a rhif yng nghyswllt pa arbedion y mae Llywodraeth Cymru yn eu gwneud o fewn ei gweinyddiaeth ganolog.

Cytunodd y Gweinidog Cyllid i anfon nodyn ynghylch y modd arbennig o ymdrin â gwariant ataliol.

Cytunodd y Gweinidog Cyllid i anfon eglurhad ynghylch pam y bu toriad yn y gyllideb ar gyfer y Gymraeg heb yr asesiad o effaith gwariant Llywodraeth Cymru yr addawodd y Prif Weinidog ym mis Chwefror 2013 y byddai'n cael ei gynnal.  

7.1 Nodwyd y papurau.

8.1 Bu'r Pwyllgor yn trafod y dystiolaeth a gafwyd gan y Gweinidog Cyllid heddiw a chytunodd i ysgrifennu ati i ofyn am eglurhad ynghylch nifer o faterion a gododd yn ystod y sesiwn.