Agenda a Chofnodion

1.1 Cafodd yr Aelodau sesiwn friffio anffurfiol ar gynigion cyllideb ddrafft Llywodraeth Cymru ar gyfer 2013-14.

2.1 2.1 Croesawodd y Cadeirydd bawb i’r cyfarfod. Cafwyd ymddiheuriadau gan Keith Davies AC, yr oedd Gwyn Price AC yn dirprwyo ar ei ran. Cafwyd ymddiheuriadau hefyd gan Julie James AC, yr oedd Jenny Rathbone AC yn dirprwyo ar ei rhan.

Leighton Andrews, y Gweinidog Addysg a Sgiliau

Jeff Cuthbert, y Dirprwy Weinidog Sgiliau

Carla Lyne, Dirprwy Gyfarwyddwr Gwasanaethau Cyllid a Chorfforaethol

Owen Evans, Cyfarwyddwr Grŵp Sgiliau, Addysg Uwch a Dysgu Gydol Oes

3.1 Croesawodd y Cadeirydd y Gweinidog a’i swyddogion i’r cyfarfod. Holodd yr Aelodau y tystion.

Camau i’w cymryd:

Cytunodd y Gweinidog Addysg a Sgiliau a’r Dirprwy Weinidog Sgiliau i:

·         roi’r ffigurau diweddaraf ar nifer y bobl nad ydynt mewn addysg, cyflogaeth na hyfforddiant, a’u cymharu hefyd â’r ffigurau ar gyfer Rhanbarthau Lloegr;

·         darparu nodyn ar yr adnoddau a’r canlyniadau ar gyfer y Coleg Cymraeg Cenedlaethol, gan gynnwys nifer y myfyrwyr sy’n astudio gyda’r coleg;

·         darparu nodyn ar ba gynlluniau peilot sy’n treialu’r model cymorth ar hyn o bryd lle mae ‘person a enwir’ ar gael i blant y mae risg iddynt ddod yn bobl ifanc nad ydynt mewn addysg, cyflogaeth na hyfforddiant, gan gynnwys plant a waharddwyd o’r ysgol;

·         darparu nodyn yn amlinellu pa raglenni cyflogaeth a sgiliau y bydd y gostyngiad o £3.3 miliwn yn y gyllideb cyflogaeth a sgiliau yn effeithio arnynt fwyaf;

·         darparu ffigurau ar ba gyfran o gyllideb Grantiau Dysgu’r Cynulliad a neilltuir i gymorth rhan amser o’i gymharu â chymorth llawn amser.

4.1 Cytunodd y Pwyllgor ar y cynnig.

6.1 Trafododd y Pwyllgor y dystiolaeth a gafwyd ar gynigion cyllideb ddrafft Llywodraeth Cymru ar gyfer 2013-14.

View the meeting transcript.