Agenda a chofnodion drafft

1.1.1. Croesawodd y Cadeirydd aelodau’r Pwyllgor, y tystion ac aelodau o’r cyhoedd i’r cyfarfod.

1.1.2. Cafwyd ymddiheuriadau ar gyfer eitem 2 gan Rhodri Glyn Thomas a Peter Black oherwydd eu swyddi yng Nghomisiwn y Cynulliad. Fodd bynnag, roedd Rhodri Glyn Thomas yn bresennol i roi tystiolaeth i’r Pwyllgor yn rhinwedd ei swydd fel Comisiynydd y Cynulliad sydd â chyfrifoldeb dros y Gymraeg ac fel yr Aelod â chyfrifoldeb dros y Bil.

1.1.3. Croesawodd y Cadeirydd Alun Ffred Jones ac Eluned Parrott i’r cyfarfod, a oedd yn dirprwyo ar eu rhan, yn unol â Rheol Sefydlog 17.48.

1.1.4. Croesawodd y Cadeirydd Peter Black a Rhodri Glyn Thomas a oedd yn bresennol ar gyfer eitemau 3, 4 a 5.

Rhodri Glyn Thomas, y Comisiynydd sydd â chyfrifoldeb dros yr iaith Gymraeg

2.1 Clywodd y Pwyllgor dystiolaeth gan Rhodri Glyn Thomas AC, y Comisiynydd sydd â chyfrifoldeb dros y Gymraeg.

2.2 Cytunodd y Comisiynydd i ddarparu gwybodaeth ychwanegol i’r Pwyllgor.

3.1 Cytunodd y Pwyllgor i benderfynu gwahardd y cyhoedd o’r cyfarfod ar gyfer eitemau 4 a 5.

4.1 Cytunodd y Pwyllgor ar yr adroddiad a nododd y bydd yn cael ei osod gerbron y Cynulliad.

5.1 Cytunodd y Pwyllgor ar yr adroddiad drafft.

Gweld trawsgrifiad o'r cyfarfod.