Agenda a Chofnodion

Trawsgrifiad o’r cyfarfod.

Cafwyd ymddiheuriadau gan Ken Skates a Rhodri Glyn Thomas. Roedd Leighton Andrews yn dirprwyo ar ran Ken Skates, a Jocelyn Davies ar ran Rhodri Glyn Thomas.

Diolchodd y Cadeirydd i Ken Skates am ei gyfraniad i’r Pwyllgor a’i longyfarch ar ei benodiad yn Ddirprwy Weinidog. 

CELG(4)-21-13 – Papur 1

John Griffiths – Y Gweinidog Diwylliant a Chwaraeon
Huw Brodie – Cyfarwyddwr, yr Adran Diwylliant a Chwaraeon
Jon Beynon – Uwch Gynghorydd Polisi Chwaraeon

Clywodd y Pwyllgor dystiolaeth gan y Gweinidog Diwylliant a Chwaraeon. Cytunodd y Gweinidog i ddarparu’r wybodaeth ganlynol:

rhagor o wybodaeth am yr arolwg o hamdden awyr agored yng Nghymru a nodyn ar y prosiect gemau stryd.

CELG(4)-21-13 – Papur 2

Edwina Hart – Gweinidog yr Economi, Gwyddoniaeth a Thrafnidiaeth

Rob Holt - Pennaeth Strategaeth Twristiaeth

Clywodd y Pwyllgor dystiolaeth gan Weinidog yr Economi, Gwyddoniaeth a Thrafnidiaeth. Cytunodd y Gweinidog i ddarparu’r wybodaeth ganlynol:

y diffiniadau o ddigwyddiadau chwaraeon mawr a ddefnyddiwyd gan yr uned i gategoreiddio digwyddiadau yng Nghymru a chan Adran Diwylliant, Cyfryngau a Chwaraeon y DU i werthuso effaith gemau Olympaidd 2012 ac yn benodol o ran y canlyniadau ehangach.

Eitemau 5 a 6

Cytunodd y Pwyllgor â’r cynnig.

CELG(4)-21-13 – Papur preifat 3

Ystyriodd y Pwyllgor yr adroddiad drafft a nodi y byddai’n cael ei ystyried ymhellach yn y cyfarfod nesaf. 

CELG(3)-21-13 – Papur preifat 4

Cytunodd y Pwyllgor i gynnal ei ymchwiliad nesaf i gydweithrediad llywodraeth leol. Caiff cylch gorchwyl drafft ei ystyried yn y cyfarfod nesaf.