1.1 Ni chafwyd ymddiheuriadau. Croesawodd y Cadeirydd Aled Roberts i’w gyfarfod swyddogol cyntaf o’r Pwyllgor Plant a Phobl Ifanc.

Dr Sue Greening, Cadeirydd Cymdeithas Ddeintyddol Prydain - Cyngor Cymru

Stuart Geddes, Cyfarwyddwr Cymdeithas Ddeintyddol Prydain Cymru

2.1 Croesawodd y Cadeirydd Dr Sue Greening a Stuart Geddes i’r cyfarfod. Holwyd y tystion gan Aelodau.

2.2 Cytunodd y Pwyllgor i ysgrifennu at y tystion er mwyn gofyn y cwestiynau nas cyrhaeddwyd yn ystod y cyfarfod.

Karen Jones; Rheolwr Dechrau’n Deg, Gogledd Cymru

Nia McIntosh; Rheolwr Dechrau’n Deg, Gorllewin Cymru

Fran Dale; Rheolwr Dechrau’n Deg, Dwyrain Cymru

Chris Koukos; Rheolwr Dechrau’n Deg, De Cymru

3.1 Croesawodd y Cadeirydd y tystion i’r cyfarfod. Holwyd y tystion gan Aelodau.

3.2 Cytunodd y Pwyllgor i ysgrifennu at Blant yng Nghymru ynghylch y mater yn ymwneud â’r gofrestr amddiffyn plant a godwyd ym mhapur y sefydliad.

3.3 Cytunodd cydgysylltwyr Dechrau’n Deg i ddarparu nodyn i’r Pwyllgor ar yr elfennau y gellid eu cynnwys wrth greu fersiwn lai o Dechrau’n Deg.

3.4 Cytunodd y Pwyllgor i ysgrifennu at y tystion er mwyn gofyn y cwestiynau nas cyrhaeddwyd yn ystod y cyfarfod.

4.1 Cynigiodd y Cadeirydd gynnig o dan Reol Sefydlog 17.42(ix) i wahardd y cyhoedd o weddill y cyfarfod er mwyn trafod materion yn ymwneud â threfniadau mewnol y Pwyllgor.

4.2 Derbyniwyd y cynnig gan y Pwyllgor.

5.1 Trafododd y Pwyllgor bynciau posibl ar gyfer ei waith yn y dyfodol.

Gohebiaeth gan Gwenda Thomas, Y Dirprwy Weinidog Plant a Gwasanaethau Cymdeithasol, Ynghylch Cyfarfod y Pwyllgor Plant a Phobl Ifanc ar 14 Gorffennaf 2011

6.1 Nododd y Pwyllgor yr ohebiaeth gan y Dirprwy Weinidog Plant a Gwasanaethau Cymdeithasol.

Gweld trawsgrifiad o'r cyfarfod.