Agenda a Chofnodion

1.1 Croesawodd y Cadeirydd bawb i’r cyfarfod. Cafwyd ymddiheuriadau gan Jocelyn Davies.

Keith Towler, Comisiynydd Plant Cymru

Eleri Thomas, Prif Weithredwr

2. 1 Croesawodd y Cadeirydd Keith Towler ac Eleri Thomas. Holodd yr Aelodau’r tystion ynghylch adroddiad blynyddol y comisiynydd plant.

Camau i’w cymryd:

Cytunodd y comisiynydd plant i ddarparu rhagor o wybodaeth am:

·         yr arbedion effeithlonrwydd a wnaed gan ei swyddfa mewn ymateb i’r gostyngiad mewn incwm ar gyfer blwyddyn ariannol 2011-12.

·         yr amser a gymerwyd i ddatrys yr astudiaeth achos ar dudalen 26 adroddiad blynyddol y Comisiynydd ynghylch plentyn mewn gofal maeth nad yw mewn addysg.

·         statws presennol y fframwaith gwasanaeth cenedlaethol (NSF) ar gyfer gwasanaethau plant, pobl ifanc a mamolaeth, unwaith y daw i law gan Lywodraeth Cymru;

·         fesur tlodi plant.

3.1 Cytunodd y pwyllgor â’r cynnig.

Bil Addysg Bellach ac Uwch (Cymru)

·         Neil Surman, Pennaeth yr Is-adran Addysg Uwch, Llywodraeth Cymru

·         Jane Ellis, Uwch Swyddog Llywodraethu Addysg Uwch, Llywodraeth Cymru

4.1 Ymatebodd y swyddogion i gwestiynau aelodau o’r pwyllgor am y Papur Gwyn ar Fil addysg bellach ac uwch (Cymru).

5.1 Cytunwyd â’r adroddiad drafft.

Gweld trawsgrifiad o'r cyfarfod.