Agenda a Phenderfyniadau

 

Gweld y cwestiynau

Dechreuodd yr eitem am 13.30

Gofynnwyd cwestiynau 1 i 4 a 6 i 15. Tynnwyd cwestiwn 5 yn ôl.

 

Gweld y cwestiynau

Dechreuodd yr eitem am 14.15

Gofynnwyd cwestiynau 1 i 5 a 7 i 15. Cafodd cwestiynau 4 a 5 eu grwpio. Tynnwyd cwestiwn 6 yn ôl.

 

NDM5323 William Graham (Dwyrain De Cymru)

 

Mae Cynulliad Cenedlaethol Cymru:

 

1. Yn cydnabod gwerth cyfartal addysg alwedigaethol ac academaidd;

 

2. Yn credu bod economi ffyniannus yn cael budd o fyfyrwyr â sgiliau cynhwysfawr; a

 

3. Yn galw ar Lywodraeth Cymru i ymgynghori â rhanddeiliaid a gweithio gyda hwy i gynllunio cwricwlwm galwedigaethol sy'n annog cydraddoldeb ag addysg academaidd yng Nghymru.

 

Cyflwynwyd y gwelliannau a ganlyn:

 

Gwelliant 1 - Aled Roberts (Gogledd Cymru)

 

Cynnwys pwynt 2 newydd ac ailrifo yn unol â hynny:

 

Yn nodi bod Llywodraeth Glymblaid y DU wedi creu 1.2 miliwn o brentisiaethau yn Lloegr ers 2010, tra bo nifer y bobl ar brentisiaethau yng Nghymru wedi gostwng bron i 30% rhwng 2006 a 2012.

 

Gwelliant 2 - Elin Jones (Ceredigion)

 

Ychwanegu pwynt 3 newydd ac ailrifo yn unol â hynny:

 

Yn croesawu cytundeb cyllideb Plaid Cymru i greu dros 5,500 o brentisiaethau ac, yn benodol, dros 2,500 o brentisiaethau uwch.

 

Gwelliant 3 - Aled Roberts (Gogledd Cymru)

 

Ym mhwynt 3, dileu ‘cwricwlwm galwedigaethol sy’n annog cydraddoldeb’ ac yn lle hynny, rhoi:

 

‘strategaeth sgiliau sy’n annog cydraddoldeb o ran parch a chyfle’

 

Gwelliant 4 - Aled Roberts (Gogledd Cymru)

 

Rhoi pwynt newydd ar ddiwedd y cynnig:

 

Yn galw ar Lywodraeth Cymru i edrych ar ffyrdd o wella mynediad at brentisiaethau a goresgyn y rhwystrau ymarferol a chanfyddiadol sy’n atal pobl ifanc rhag chwilio am raglen brentisiaeth a gwneud cais amdani yng Nghymru.

Dechreuodd yr eitem am 14.53

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

Cynhaliwyd pleidlais ar y cynnig heb ei ddiwygio:

NDM5323 William Graham (Dwyrain De Cymru)

Mae Cynulliad Cenedlaethol Cymru:

1. Yn cydnabod gwerth cyfartal addysg alwedigaethol ac academaidd;

2. Yn credu bod economi ffyniannus yn cael budd o fyfyrwyr â sgiliau cynhwysfawr; a

3. Yn galw ar Lywodraeth Cymru i ymgynghori â rhanddeiliaid a gweithio gyda hwy i gynllunio cwricwlwm galwedigaethol sy'n annog cydraddoldeb ag addysg academaidd yng Nghymru.

O blaid	Ymatal	Yn erbyn	Cyfanswm
40	0	14	54

Derbyniwyd y cynnig heb ei ddiwygio.

 

NDM5324 Elin Jones (Ceredigion)

 

Cynnig bod Cynulliad Cenedlaethol Cymru:

 

1. Yn condemnio bwriad Llywodraeth y DU i breifateiddio'r Post Brenhinol;

 

2. Yn cydnabod bod preifateiddio yn agor y drws i fygythiadau i wasanaethau post yng Nghymru wledig a threfol yn y dyfodol;

 

3. Yn nodi pwysigrwydd y Post Brenhinol i Rwydwaith Swyddfa’r Post;

 

4. Yn galw ar Lywodraeth Cymru i:

 

a) cyflwyno sylwadau i Lywodraeth y DU ar bwysigrwydd gwasanaethau post sy'n atebol i'r cyhoedd i economi Cymru ac i gymunedau Cymru; a

 

b) ystyried cynnig Plaid Cymru ar gyfer datganoli gwasanaethau post er mwyn diogelu gwasanaeth cyffredinol a fforddiadwy.

 

Cyflwynwyd y gwelliannau a ganlyn:

 

Gwelliant 1 - William Graham (Dwyrain De Cymru)

 

Dileu’r cyfan a rhoi yn ei le:

 

Cynnig bod Cynulliad Cenedlaethol Cymru:

 

1) Yn nodi bwriad Llywodraeth y DU i breifateiddio’r Post Brenhinol.

 

2) Yn cydnabod:

 

a) y bydd preifateiddio yn diogelu’r gwasanaeth cyffredinol, yn galluogi’r Post Brenhinol i gasglu arian yn yr un modd â'i gystadleuwyr, ac yn rhoi cyfranddaliadau am ddim i’r 150,000 o bobl sy’n gweithio i’r Post Brenhinol; a

 

b) y bydd gan y Post Brenhinol wedi’i breifateiddio gyfrifoldeb cyfreithiol o hyd i ddanfon i bob cyfeiriad, boed mewn ardal drefol neu wledig, o dan ofynion sylfaenol y Gwasanaeth Cyffredinol.

 

3) Yn cydnabod pa mor bwysig yw’r Post Brenhinol i rwydwaith Swyddfa’r Post, nad yw Swyddfa’r Post ar werth, ac na fydd cynllun i gau Swyddfeydd Post o dan Lywodraeth bresennol y DU. 

 

4) Yn gresynu bod 7,000 o Swyddfeydd Post wedi cael eu cau o dan Lywodraeth Lafur ddiwethaf y DU.

 

5) Yn galw ar Lywodraeth Cymru i weithio gyda Llywodraeth y DU ar ei rhaglen £1.34 biliwn i gynnal rhwydwaith sy’n cynnwys o leiaf 11,500 o ganghennau Swyddfa’r Post ledled y DU.

 

[Os derbynnir gwelliant 1, bydd gwelliant 2 yn cael ei ddad-ddethol]

 

Gwelliant 2 - Aled Roberts (Gogledd Cymru)

 

Ym mhwynt 1, dileu “Yn condemnio” a rhoi “Yn nodi” yn ei le. 

 

Gwelliant 3 - Lesley Griffiths (Wrecsam)

 

Cynnwys pwynt 2 newydd ac ailrifo yn unol â hynny:

 

Yn rhannu pryderon yr undebau llafur ynghylch y bygythiad posibl i weithlu’r Post Brenhinol yng Nghymru;

 

[Os derbynnir gwelliant 1, bydd gwelliant 4 yn cael ei ddad-ddethol]

 

Gwelliant 4 - Aled Roberts (Gogledd Cymru)

 

Dileu pwynt 2 a rhoi yn ei le:

 

Yn croesawu'r ffaith bod Llywodraeth y DU yn trosglwyddo rhwymedigaethau hanesyddol o oddeutu £37.5 biliwn o Gynllun Pensiwn y Post Brenhinol i Gynllun Pensiwn Statudol newydd y Post Brenhinol. 

 

Gwelliant 5 - Aled Roberts (Gogledd Cymru)

 

Cynnwys pwynt 3 newydd ac ailrifo yn unol â hynny:

 

Yn croesawu ymrwymiad Llywodraeth y DU i wasanaeth post cyffredinol, chwe diwrnod yr wythnos, a ddiogelir gan y gyfraith yn Neddf Gwasanaethau Post 2011.

 

Mae Deddf Gwasanaethau Post 2011 ar gael drwy ddilyn y linc a ganlyn:

 

http://www.legislation.gov.uk/ukpga/2011/5/contents

 

[Os derbynnir gwelliant 1, bydd gwelliant 6 yn cael ei ddad-ddethol]

 

Gwelliant 6 - Aled Roberts (Gogledd Cymru)

 

Cynnwys ar ddiwedd pwynt 3:

 

‘ac nad yw’r bwriad i breifateiddio yn cynnwys Swyddfa’r Post.’

 

Gwelliant 7 - Aled Roberts (Gogledd Cymru)

 

Cynnwys pwynt 4 newydd, ac ailrifo yn unol â hynny:

 

Yn nodi ymdrechion niferus y Blaid Lafur i breifateiddio’r Post Brenhinol hyd at 2009 a'r rhaglen i gau Swyddfeydd Post, lle cafodd 216 o swyddfeydd post eu cau yng Nghymru o dan y Blaid Lafur rhwng mis Hydref 2007 a mis Ionawr 2009;

 

Gwelliant 8 - Aled Roberts (Gogledd Cymru)

 

Cynnwys pwynt 4 newydd, ac ailrifo yn unol â hynny:

 

Yn croesawu’r ffaith nad oes unrhyw swyddfeydd post wedi cau ers 2010 o ganlyniad i bolisi Llywodraeth Glymblaid y DU.

 

[Os derbynnir gwelliant 1, bydd gwelliant 9 yn cael ei ddad-ddethol]

 

Gwelliant 9 - Lesley Griffiths (Wrecsam)

 

Dileu is-bwynt 4b.

 

[Os derbynnir gwelliant 1 neu cynigir gwelliant 9, bydd gwelliant 10 yn cael ei ddad-ddethol]

 

Gwelliant 10 - Aled Roberts (Gogledd Cymru)

 

Dileu is-bwynt 4(b).

Dechreuodd yr eitem am 16.28

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

Cynhaliwyd pleidlais ar y cynnig heb ei ddiwygio:

NDM5324 Elin Jones (Ceredigion)

Cynnig bod Cynulliad Cenedlaethol Cymru:

1. Yn condemnio bwriad Llywodraeth y DU i breifateiddio'r Post Brenhinol;

2. Yn cydnabod bod preifateiddio yn agor y drws i fygythiadau i wasanaethau post yng Nghymru wledig a threfol yn y dyfodol;

3. Yn nodi pwysigrwydd y Post Brenhinol i Rwydwaith Swyddfa’r Post;

4. Yn galw ar Lywodraeth Cymru i:

a) cyflwyno sylwadau i Lywodraeth y DU ar bwysigrwydd gwasanaethau post sy'n atebol i'r cyhoedd i economi Cymru ac i gymunedau Cymru; a

b) ystyried cynnig Plaid Cymru ar gyfer datganoli gwasanaethau post er mwyn diogelu gwasanaeth cyffredinol a fforddiadwy.

O blaid	Ymatal	Yn erbyn	Cyfanswm
9	0	45	54

Gwrthodwyd y cynnig heb ei ddiwygio.

Cyflwynwyd y gwelliannau a ganlyn:

Gwelliant 1 - William Graham (Dwyrain De Cymru)

Dileu’r cyfan a rhoi yn ei le:

Cynnig bod Cynulliad Cenedlaethol Cymru:

1) Yn nodi bwriad Llywodraeth y DU i breifateiddio’r Post Brenhinol.

2) Yn cydnabod:

a) y bydd preifateiddio yn diogelu’r gwasanaeth cyffredinol, yn galluogi’r Post Brenhinol i gasglu arian yn yr un modd â'i gystadleuwyr, ac yn rhoi cyfranddaliadau am ddim i’r 150,000 o bobl sy’n gweithio i’r Post Brenhinol; a

b) y bydd gan y Post Brenhinol wedi’i breifateiddio gyfrifoldeb cyfreithiol o hyd i ddanfon i bob cyfeiriad, boed mewn ardal drefol neu wledig, o dan ofynion sylfaenol y Gwasanaeth Cyffredinol.

3) Yn cydnabod pa mor bwysig yw’r Post Brenhinol i rwydwaith Swyddfa’r Post, nad yw Swyddfa’r Post ar werth, ac na fydd cynllun i gau Swyddfeydd Post o dan Lywodraeth bresennol y DU.  

4) Yn gresynu bod 7,000 o Swyddfeydd Post wedi cael eu cau o dan Lywodraeth Lafur ddiwethaf y DU.

5) Yn galw ar Lywodraeth Cymru i weithio gyda Llywodraeth y DU ar ei rhaglen £1.34 biliwn i gynnal rhwydwaith sy’n cynnwys o leiaf 11,500 o ganghennau Swyddfa’r Post ledled y DU.

Cynhaliwyd pleidlais ar welliant 1:

O blaid	Ymatal	Yn erbyn	Cyfanswm
18	0	36	54

Gwrthodwyd gwelliant 1.

Gwelliant 2 - Aled Roberts (Gogledd Cymru)

Ym mhwynt 1, dileu “Yn condemnio” a rhoi “Yn nodi” yn ei le. 

Cynhaliwyd pleidlais ar welliant 2:

O blaid	Ymatal	Yn erbyn	Cyfanswm
18	0	36	54

Gwrthodwyd gwelliant 2.

Gwelliant 3 - Lesley Griffiths (Wrecsam)

Cynnwys pwynt 2 newydd ac ailrifo yn unol â hynny:

Yn rhannu pryderon yr undebau llafur ynghylch y bygythiad posibl i weithlu’r Post Brenhinol yng Nghymru;

Cynhaliwyd pleidlais ar welliant 3:

O blaid	Ymatal	Yn erbyn	Cyfanswm
36	13	5	54

Derbyniwyd gwelliant 3.

Gwelliant 4 - Aled Roberts (Gogledd Cymru)

Dileu pwynt 2 a rhoi yn ei le:

Yn croesawu'r ffaith bod Llywodraeth y DU yn trosglwyddo rhwymedigaethau hanesyddol o oddeutu £37.5 biliwn o Gynllun Pensiwn y Post Brenhinol i Gynllun Pensiwn Statudol newydd y Post Brenhinol. 

Cynhaliwyd pleidlais ar welliant 4:

O blaid	Ymatal	Yn erbyn	Cyfanswm
45	0	9	54

Derbyniwyd gwelliant 4.

Gwelliant 5 - Aled Roberts (Gogledd Cymru)

Cynnwys pwynt 3 newydd ac ailrifo yn unol â hynny:

Yn croesawu ymrwymiad Llywodraeth y DU i wasanaeth post cyffredinol, chwe diwrnod yr wythnos, a ddiogelir gan y gyfraith yn Neddf Gwasanaethau Post 2011.

Cynhaliwyd pleidlais ar welliant 5:

O blaid	Ymatal	Yn erbyn	Cyfanswm
45	0	9	54

Derbyniwyd gwelliant 5.

Gwelliant 6 - Aled Roberts (Gogledd Cymru)

Cynnwys ar ddiwedd pwynt 3:

‘ac nad yw’r bwriad i breifateiddio yn cynnwys Swyddfa’r Post.’

Cynhaliwyd pleidlais ar welliant 6:

O blaid	Ymatal	Yn erbyn	Cyfanswm
18	0	36	54

Gwrthodwyd gwelliant 6.

Gwelliant 7 - Aled Roberts (Gogledd Cymru)

Cynnwys pwynt 4 newydd, ac ailrifo yn unol â hynny:

Yn nodi ymdrechion niferus y Blaid Lafur i breifateiddio’r Post Brenhinol hyd at 2009 a'r rhaglen i gau Swyddfeydd Post, lle cafodd 216 o swyddfeydd post eu cau yng Nghymru o dan y Blaid Lafur rhwng mis Hydref 2007 a mis Ionawr 2009;

Cynhaliwyd pleidlais ar welliant 7:

O blaid	Ymatal	Yn erbyn	Cyfanswm
26	0	27	53

Gwrthodwyd gwelliant 7.

Gwelliant 8 - Aled Roberts (Gogledd Cymru)

Cynnwys pwynt 4 newydd, ac ailrifo yn unol â hynny:

Yn croesawu’r ffaith nad oes unrhyw swyddfeydd post wedi cau ers 2010 o ganlyniad i bolisi Llywodraeth Glymblaid y DU.

Cynhaliwyd pleidlais ar welliant 8:

O blaid	Ymatal	Yn erbyn	Cyfanswm
17	0	36	53

Gwrthodwyd gwelliant 8.

Gwelliant 9 - Lesley Griffiths (Wrecsam)

Dileu is-bwynt 4b.

Cynhaliwyd pleidlais ar welliant 9:

O blaid	Ymatal	Yn erbyn	Cyfanswm
45	1	8	54

Derbyniwyd gwelliant 9.

Gan fod gwelliant 9 wedi’i dderbyn, cafodd gwelliant 10 ei ddad-ddethol.

Cynhaliwyd pleidlais ar y cynnig wedi’i ddiwygio:

NDM5324 Elin Jones (Ceredigion)

Cynnig bod Cynulliad Cenedlaethol Cymru:

1. Yn condemnio bwriad Llywodraeth y DU i breifateiddio'r Post Brenhinol;

2. Yn rhannu pryderon yr undebau llafur ynghylch y bygythiad posibl i weithlu’r Post Brenhinol yng Nghymru;

3. Yn croesawu'r ffaith bod Llywodraeth y DU yn trosglwyddo rhwymedigaethau hanesyddol o oddeutu £37.5 biliwn o Gynllun Pensiwn y Post Brenhinol i Gynllun Pensiwn Statudol newydd y Post Brenhinol;

4. Yn croesawu ymrwymiad Llywodraeth y DU i wasanaeth post cyffredinol, chwe diwrnod yr wythnos, a ddiogelir gan y gyfraith yn Neddf Gwasanaethau Post 2011;

5. Yn nodi pwysigrwydd y Post Brenhinol i Rwydwaith Swyddfa’r Post;

6. Yn galw ar Lywodraeth Cymru i:

a) cyflwyno sylwadau i Lywodraeth y DU ar bwysigrwydd gwasanaethau post sy'n atebol i'r cyhoedd i economi Cymru ac i gymunedau Cymru.

O blaid	Ymatal	Yn erbyn	Cyfanswm
36	0	18	54

Derbyniwyd y cynnig wedi’i ddiwygio.

Dechreuodd yr eitem am 17.26

 

 

NDM5320 Eluned Parrott (Canol De Cymru): Dewisiadau Cadarnhaol – rhoi'r sgiliau a'r profiad i bobl ifanc ddatblygu gyrfa.

Dechreuodd yr eitem am 17.31

NDM5320 Eluned Parrott (Canol De Cymru): Dewisiadau Cadarnhaol – rhoi'r sgiliau a'r profiad i bobl ifanc ddatblygu gyrfa.

 

NDM5322 Andrew RT Davies (Canol De Cymru): Gwasanaethau Bws Gwledig yng Nghymru – Ar y Ffordd i Nunlle

Dechreuodd yr eitem am 17.49

NDM5322 Andrew RT Davies (Canol De Cymru): Gwasanaethau Bws Gwledig yng Nghymru – Ar y Ffordd i Nunlle