Cofnodion

Nododd y Pwyllgor y cofnodion ar gyfer eu cyhoeddi.

Rhoddodd y Gweinidog Llywodraeth Leol a Busnes y Llywodraeth y wybodaeth ddiweddaraf i’r Pwyllgor am y newidiadau ym musnes y Llywodraeth.

Rhoddodd y Llywydd wybod i’r Pwyllgor Busnes ei bod wedi cytuno i gynnig i newid aelodaeth Plaid Cymru o’r Pwyllgor Cyllid (Alun Ffred Jones i gymryd lle Simon Thomas), Y Pwyllgor Cyfrifon Cyhoeddus (Alun Ffred Jones i gymryd lle Jocelyn Davies), Y Pwyllgor Menter a Busnes (Dafydd Elis-Thomas i gymryd lle Alun Ffred Jones), a’r Pwyllgor Craffu ar Waith y Prif Weinidog (Jocelyn Davies i gymryd lle Elin Jones) gael ei gymryd yn union ar ôl y Datganiad a’r Cyhoeddiad Busnes ddydd Mawrth.

Cynhelir y Cyfnod Pleidleisio ddydd Mawrth ar ôl yr eitem olaf o fusnes. Cytunodd y Pwyllgor Busnes y dylid cynnal y Cyfnod Pleidleisio ddydd Mercher cyn y Ddadl Fer.

Nododd y Pwyllgor Busnes y byddai’r cwestiynau i’r Cwnsler Cyffredinol a drefnwyd ar gyfer dydd Mercher 12 Chwefror 2014 yn cael eu symud i ddydd Mercher 5 Chwefror, a chytunwyd nad oedd angen atal y Rheolau Sefydlog dros dro er mwyn i hynny ddigwydd.

Bu’r Rheolwyr Busnes yn trafod y trefniadau ar gyfer Dadl Cyfnod 3 sydd ar ddod ar y Bil Gwasanaethau Cymdeithasol a Llesiant (Cymru)

Nododd y Pwyllgor Busnes amserlen busnes y Llywodraeth ar gyfer y tair wythnos nesaf.

Penderfynodd y Pwyllgor Busnes ar drefn y busnes a chytunodd i amserlennu’r eitemau canlynol o fusnes:

Dydd Mercher 12 Chwefror 2014

• Dadl gan Aelodau Unigol o dan Reol Sefydlog 11.21(iv) (60 munud)

• Dadl ar Adroddiad y Pwyllgor Cyllid ar Barthau Menter (60 munud)

• Amser a neilltuwyd i’r Ceidwadwyr Cymreig (60 munud)

• Dadl Fer - Peter Black (Gorllewin De Cymru) (30 munud)