Cofnodion

Y Pwyllgor Busnes - Y Pedwerydd Cynulliad (Preifat) - Dydd Mawrth, 15 Hydref 2013 08.30

Lleoliad arfaethedig: Swyddfa’r Llywydd, 4ydd llawr - Tŷ Hywel. Cyfarwyddiadau

Cyswllt: Aled Elwyn Jones (Clerk) 

Eitemau
Rhif Eitem

1.

Ymddiheuriadau a chyhoeddiadau

2.

Cofnodion y Cyfarfod Blaenorol

Cofnodion:

Nododd y Pwyllgor y cofnodion ar gyfer eu cyhoeddi.

 

3.

Trefn Busnes

3(i)

Busnes yr wythnos hon

Cofnodion:

Cytunodd y Pwyllgor Busnes y bydd cynnig i newid aelodaeth y blaid Lafur o'r Pwyllgor Craffu ar Waith y Prif Weinidog, sef dewis Ann Jones yn lle Ken Skates, yn cael ei wneud ar ôl y Datganiad a Chyhoeddiad Busnes ddydd Mawrth.

 

Nododd y Rheolwyr Busnes y byddai'r Llywydd yn cynnig y dylai'r ddau gynnig ddydd Mercher sy'n ymwneud â phenodiadau i Swyddfa Archwilio Cymru a chydnabyddiaeth ariannol ei aelodau gael eu grwpio ar gyfer trafodaeth, ond gyda phleidleisiau ar wahân.

 

Ddydd Mawrth, byddai'r Cyfnod Pleidleisio ar ôl yr eitem olaf o fusnes. Ddydd Mercher, cytunodd y Pwyllgor Busnes y dylid cynnal y Cyfnod Pleidleisio cyn y Ddadl Fer.

 

3(ii)

Busnes y Llywodraeth ar gyfer y tair wythnos nesaf

Cofnodion:

Nododd y Pwyllgor Busnes amserlen busnes y Llywodraeth ar gyfer y tair wythnos nesaf.

 

3(iii)

Amserlen busnes y Cynulliad ar gyfer y tair wythnos nesaf

Cofnodion:

Cytunodd y Pwyllgor Busnes ar drefn y busnes a chytunodd i drefnu'r eitemau o fusnes a ganlyn:

 

Dydd Mercher 23 Hydref 2013

 

  • Cynnig i ddirymu Rheoliadau Addysg (Hysbysiadau Cosb) (Cymru) 2013 (30 munud)

 

Dydd Mercher 13 Tachwedd 2013

 

  • Dadl ar Adroddiad y Pwyllgor Plant a Phobl Ifanc ar yr Ymchwiliad i Bresenoldeb ac Ymddygiad (60 munud)

 

  • Amser a neilltuwyd i'r Ceidwadwyr Cymreig (60 munud)

 

  • Amser a neilltuwyd i Ddemocratiaid Rhyddfrydol Cymru (60 munud)

 

4.

Pwyllgorau

4(i)

Y Pwyllgor Amgylchedd a Chynaliadwyedd: Cais i gynnal cyfarfod oddi ar y safle

Cofnodion:

Cytunodd y Pwyllgor Busnes â chais y Pwyllgor Amgylchedd a Chynaliadwyedd i gynnal cyfarfod ffurfiol yn Llanfair-ym-Muallt ar 24 Hydref 2013.

 

5.

Deddfwriaeth

5(i)

Memorandwm Cydsyniad Deddfwriaethol Atodol: y Bil Gofal

Cofnodion:

Trafododd y Pwyllgor Busnes bapur gan y llywodraeth ynghylch Memorandwm Cydsyniad Deddfwriaethol atodol mewn perthynas â'r Bil Gofal.

 

Cytunodd y Rheolwyr Busnes i gyfeirio'r Memorandwm atodol at y Pwyllgor Iechyd a Gofal Cymdeithasol er mwyn iddo graffu arno. Cytunodd y Pwyllgor Busnes hefyd y dylai’r Pwyllgor gyflwyno adroddiad ar y ddau Femorandwm sy'n ymwneud â'r Bil Gofal erbyn 21 Tachwedd 2013, er mwyn i’r ddau Gynnig Cydsyniad Deddfwriaethol gael eu trafod yn y Cyfarfod Llawn ar 26 Tachwedd 2013.

 

Unrhyw Fusnes Arall

Gofynnwyd i'r Rheolwyr Busnes atgoffa Aelodau, yn dilyn nifer y cwestiynau sydd wedi'u tynnu'n ôl yn ddiweddar, os bydd Aelodau'n gwybod na fyddant yn bresennol yn y Cynulliad ar ddiwrnod penodol, y dylent dynnu eu henwau'n ôl o'r balot, neu o leiaf beidio â chyflwyno cwestiwn ar gyfer y diwrnod hwnnw. Mae tynnu cwestiynau'n ôl ar ôl i'r Swyddfa Gyflwyno gynnal y balot a'r hapddewis yn atal Aelodau eraill rhag cael y cyfle i ofyn cwestiynau i'r Gweinidogion.

 

 

Pynciau

Lincs defnyddiol

Perthnasol