Cofnodion

Y Pwyllgor Busnes - Y Pedwerydd Cynulliad (Preifat) - Dydd Mawrth, 13 Mawrth 2012 08.30

Lleoliad arfaethedig: Swyddfa’r Llywydd, 4ydd llawr - Tŷ Hywel. Cyfarwyddiadau

Cyswllt: Anna Daniel (Clerk) 

Eitemau
Rhif Eitem

1.

Ymddiheuriadau a chyhoeddiadau

2.

Cofnodion y Cyfarfod Blaenorol

Cofnodion:

Cafodd y cofnodion eu nodi gan y Pwyllgor ar gyfer eu cyhoeddi.

3.

Trefn Busnes

3(i)

Busnes yr wythnos hon

Cofnodion:

Cynhelir y Cyfnod Pleidleisio ddydd Mawrth ar ôl yr eitem olaf o fusnes. Cytunodd y Pwyllgor Busnes y cynhelir y Cyfnod Pleidleisio ddydd Mercher cyn y Ddadl Fer.

3(ii)

Busnes y Llywodraeth ar gyfer y tair wythnos nesaf

Cofnodion:

Nododd y Pwyllgor amserlen dair wythnos Busnes y Llywodraeth.

3(iii)

Amserlen busnes y Cynulliad ar gyfer y tair wythnos nesaf

Cofnodion:

Cytunodd y Pwyllgor Busnes i amserlennu’r eitemau canlynol o fusnes:

 

Dydd Mercher 21 Mawrth 2012

 

·         Cynnig i ddirymu Gorchymyn Awdurdodau Lleol Ynys Môn (Newid Blynyddoedd Etholidau Cyffredin) 2012 (30 munud)

 

Dydd Mercher 25 Ebrill 2012

 

Dadl ar adroddiad y Pwyllgor Deisebau ar Asiantaeth y Môr a Gwylwyr y Glannau yng Nghymru (60 munud)

 

Penderfynodd y Pwyllgor ar drefn Busnes y Cynulliad.

4.

Deddfwriaeth

4(i)

Confensiynau Deddfwriaethol yn y Pedwerydd Cynulliad

Cofnodion:

Ystyriodd y Pwyllgor Busnes adroddiad drafft yn nodi’r confensiynau diwygiedig a ddylai gael eu cymhwyso wrth i bwyllgorau ystyried deddfwriaeth a chytunodd ar yr adroddiad.

5.

Busnes Arall

5(i)

Gweithredu Diwydiannol - Effaith ar fusnes ffurfiol Busnes y Cynulliad

Cofnodion:

Rhoddodd y Pwyllgor Busnes ystyriaeth bellach i’w gynlluniau wrth gefn pe bai gweithredu diwydiannol yn digwydd ar 28 Mawrth.

 

Dywedodd Arweinydd y Tŷ y bydd y Llywodraeth yn symud y Cwestiynau i Weinidogion i ddydd Mawrth 27 Mawrth.

 

Dywedodd William Graham mai dewis ei grŵp ef fyddai cadw at yr holl fusnes ddydd Mercher 28 Mawrth. Cytunodd y Rheolwyr Busnes eraill mai eu dewis hwy fyddai rhoi lle i ddwy ddadl y gwrthbleidiau mewn Cyfarfod Llawn estynedig ddydd Mawrth 27 Mawrth. Awgrymodd Arweinydd y Tŷ y gallai’r cyfarfod ddechrau yn gynt nag arfer er mwyn cynnwys yr eitemau ychwanegol hyn o fusnes.

 

Cytunodd y Rheolwyr Busnes y dylai’r ddadl ynghylch adroddiad y Pwyllgor Menter a Busnes a’r Ddadl Fer gael eu gohirio tan ar ôl toriad y Pasg.

 

Cytunodd y Pwyllgor Busnes hefyd y dylid neilltuo amser cyfarfod amgen i’r Pwyllgor Cyllid.

 

Bydd yr ysgrifenyddiaeth yn paratoi Datganiad Busnes drafft i adlewyrchu’r trafodaethau hyn, er mwyn eu hystyried yn y cyfarfod yr wythnos nesaf.

 

Pynciau

Lincs defnyddiol

Perthnasol