Cofnodion

Roedd Rhodri Glyn Thomas yn dirprwyo ar ran Jocelyn Davies, a anfonodd ei ymddiheuriadau.

Nodwyd y cofnodion gan y Pwyllgor i’w cyhoeddi.

Ddydd Mawrth, bydd y Cyfnod Pleidleisio ar ôl yr eitem olaf o fusnes. Cytunodd y Pwyllgor Busnes y byddai’r Cyfnod Pleidleisio cyn y Ddadl Fer ddydd Mercher.

Nododd y Pwyllgor amserlen busnes y Llywodraeth ar gyfer y tair wythnos nesaf.

Cytunodd y Pwyllgor Busnes i drefnu amser ar gyfer yr eitem o fusnes a ganlyn:

Dydd Mercher 28 Mawrth 2012

·         Dadl ar adroddiad y Pwyllgor Menter a Busnes ar Adfywio Canol Trefi (60 munud)

Penderfynodd y Pwyllgor ar drefn busnes y Cynulliad.

Trafododd y Pwyllgor Busnes a ddylai sefydlu pwyllgor a fyddai’n gyfrifol am graffu ar waith y Prif Weinidog. Gofynnodd y Rheolwyr Busnes am bapur gan yr ysgrifenyddiaeth cyn toriad y Pasg yn nodi’r opsiynau ar gyfer cylch gwaith y pwyllgor, ei faint a’r amseroedd cyfarfod arfaethedig. Bydd y mater yn cael ei drafod ymhellach yn ystod yr adolygiad 12 mis o strwythur y pwyllgor y tymor nesaf.

Trafododd y Pwyllgor Busnes bapur yn nodi’r confensiynau a oedd ar waith ar gyfer gweithredu pwyllgorau deddfwriaeth y Trydydd Cynulliad.

Cytunodd y Rheolwyr Busnes y dylid defnyddio’r confensiynau diwygiedig yn y Pedwerydd Cynulliad, oherwydd bod y pwyllgorau pwnc perthnasol bellach yn craffu ar Filiau. Bydd yr ysgrifenyddiaeth yn paratoi adroddiad drafft ar y confensiynau diwygiedig i’r Pwyllgor Busnes ei gymeradwyo yr wythnos nesaf.  

Nododd y Pwyllgor Busnes y ddau Femorandwm Cydsyniad a osodwyd mewn perthynas â’r Gorchmynion o dan Ddeddf Cyrff Cyhoeddus 2011. Cytunodd yr ysgrifenyddiaeth i hysbysu’r Rheolwyr Busnes pe bai’r Pwyllgor Materion Cyfansoddiadol a Deddfwriaethol yn penderfynu gwahodd pwyllgorau eraill i graffu ar y Gorchmynion.

Trafododd y Pwyllgor Busnes y posibilrwydd y bydd gweithredu diwydiannol ddydd Mercher 28 Mawrth 2012. Bydd yr ysgrifenyddiaeth yn paratoi papur ar gyfer cyfarfod y Pwyllgor Busnes yr wythnos nesaf yn nodi’r opsiynau os bydd gweithredu diwydiannol gan PCS.