Lleoliad arfaethedig: Swyddfa’r Llywydd, 4ydd llawr - Tŷ Hywel. Cyfarwyddiadau
Cyswllt: Anna Daniel (Clerk)
Eitemau
Rhif |
Eitem |
1. |
Ymddiheuriadau a chyhoeddiadau
|
2. |
Cofnodion y Cyfarfod Blaenorol
Cofnodion:
Nodwyd y
cofnodion gan y Pwyllgor i’w cyhoeddi.
|
3. |
Trefn Busnes
|
3(i) |
Busnes yr wythnos hon
Cofnodion:
Ddydd Mawrth,
cynhelir y Cyfnod Pleidleisio ar ôl yr eitem olaf o fusnes. Cytunodd y Pwyllgor
Busnes y byddai’r Cyfnod Pleidleisio yn cael ei gynnal cyn y Ddadl Fer ddydd
Mercher.
Nododd y Pwyllgor
Busnes y byddai angen ethol Dirprwy Lywydd Dros Dro ar gyfer Cyfarfod Llawn
dydd Mercher yn absenoldeb y Dirprwy Llywydd.
|
3(ii) |
Busnes y Llywodraeth ar gyfer y tair wythnos nesaf
Cofnodion:
Cytunodd Arweinydd y Tŷ i
ddarparu rhagor o wybodaeth am Reoliadau Dynodi Nodweddion (Apelau) (Cymru)
2012. Cynhelir dadl ar y rheoliadau hyn ar 10 Gorffennaf.
Nododd y Pwyllgor
amserlen Busnes y Llywodraeth ar gyfer y tair wythnos nesaf.
|
3(iii) |
Amserlen busnes y Cynulliad ar gyfer y tair wythnos nesaf
Cofnodion:
Cytunodd y
Pwyllgor Busnes i amserlennu’r eitemau a ganlyn o fusnes:
Dydd Mercher 11 Gorffennaf 2012 -
·
Dadl ar ymchwiliad y Pwyllgor Iechyd a Gofal Cymdeithasol
i’r cyfraniad a wneir gan fferyllfeydd cymunedol i wasanaethau iechyd yng
Nghymru (45 munud)
·
Dadl ar adroddiad Grŵp Gorchwyl a
Gorffen y Pwyllgor Cymunedau, Cydraddoldeb a Llywodraeth Leol ar ddyfodol y
cyfryngau yng Nghymru (45 munud)
·
Dadl ar adroddiad y Pwyllgor Deisebau ar Reoli Sŵn
Tyrbinau Gwynt (45 munud)
Penderfynodd y
Pwyllgor ar drefn Busnes y Cynulliad.
|
4. |
Deddfwriaeth
|
4(i) |
Bil Archwilio Cyhoeddus (Cymru)
Cofnodion:
Cytunodd y Pwyllgor Busnes i gyfeirio Bil Archwilio
Cyhoeddus (Cymru) i’r Pwyllgor Cyfrifon Cyhoeddus i’w ystyried. Cytunodd y
Pwyllgor Busnes y dylai’r Pwyllgor gyflwyno adroddiad ar egwyddorion
cyffredinol y Bil erbyn 23 Tachwedd 2012. Yn amodol ar sicrhau cytundeb y
Cynulliad ar y Bil yng Nghyfnod 1, cytunodd y Pwyllgor Busnes y dylid cwblhau
trafodion Pwyllgor Cyfnod 2 erbyn 1 Tachwedd 2013.
Nododd y Pwyllgor
Busnes lythyr gan Gadeirydd y Pwyllgor Cyfrifon Cyhoeddus, a oedd yn mynegi
pryder ynghylch y dyddiad cau arfaethedig ar gyfer cwblhau trafodion Cyfnod 1
ar y Bil, o gofio’r anawsterau y mae’r Pwyllgor Cyfrifon Cyhoeddus wedi’u
dioddef mewn perthynas â’i gyfarfodydd ar fore dydd Mawrth, a’r galwadau
parhaus ar y Pwyllgor i wneud gwaith cyffredinol ar ymchwiliadau. Cytunodd y
Pwyllgor Busnes i ystyried y slotiau hynny ar gyfer cyfarfodydd y Pwyllgor
Cyfrifon Cyhoeddus fel rhan o’r adolygiad o strwythur y pwyllgorau.
|
4(ii) |
Cynnig Cydsyniad Deddfwriaethol: Y Bil Menter a Diwygio Rheoleiddio
Cofnodion:
Bu’r Pwyllgor
Busnes yn trafod papur gan y Llywodraeth ynghylch Memorandwm Cymhwysedd
Deddfwriaethol mewn perthynas â’r Bil Menter a Diwygio Rheoleiddio.
Cytunodd y
Rheolwyr Busnes i gyfeirio’r Memorandwm Cydsyniad Deddfwriaethol i’r Pwyllgor
Amgylchedd a Chynaliadwyedd i’w ystyried. Cytunodd y Pwyllgor Busnes y dylai’r
Pwyllgor gyflwyno adroddiad ar y Memorandwm Cydsyniad Deddfwriaethol erbyn dydd
Gwener 27 Gorffennaf 2012, fel y gellir cynnal dadl ar y Memorandwm Cydsyniad
Deddfwriaethol yn y Cyfarfod Llawn ar 25 Medi 2012.
|
4(iii) |
Ymateb y Pwyllgor Busnes i ymchwiliad y Pwyllgor Materion Cyfansoddiadol a Deddfwriaethol i roi pwerau i Weinidogion Cymru yn Neddfau’r DU
Cofnodion:
Trafododd y
Pwyllgor Busnes ei ymateb drafft i ymchwiliad y Pwyllgor Materion
Cyfansoddiadol a Deddfwriaethol i roi pwerau i Weinidogion Cymru yn Neddfau’r
DU, a chytunodd y Pwyllgor arno. Caiff yr ymateb hwn ei osod gerbron y Cynulliad
a’i anfon at y Pwyllgor Materion Cyfansoddiadol a Deddfwriaethol cyn y cynhelir
dadl ar y mater hwn yn y Cyfarfod Llawn ar 27 Mehefin.
|
5. |
Pwyllgorau
|
5(i) |
Y Pwyllgor Menter a Busnes: Cais i ymweld â Phrifysgol Glyndŵr ac Airbus ar 28 Mehefin 2012
Cofnodion:
Cytunodd y Pwyllgor Busnes i gymeradwyo cais gan y
Pwyllgor Menter a Busnes i gynnal cyfarfodydd anffurfiol ym Mhrifysgol Glyndŵr a’r
cyffiniau ddydd Iau 28 Mehefin 2012.
|
6. |
Cyfarfod Llawn
|
6(i) |
Ailwampio sesiynau Cyfarfod Llawn dydd Mercher
Cofnodion:
Rhoddodd Rheolwyr
Busnes ystyriaeth bellach i gynigion ar gyfer ailwampio busnes y Cynulliad ar
brynhawniau Mercher, a chytunodd y rheolwyr i ymchwilio i’r posibilrwydd o
gyflwyno cwestiynau ar faterion amserol.
|