Cyfarfodydd

Trafododd y Pwyllgor yr ohebiaeth gan y deisebydd a chytunwyd i gau’r ddeiseb.  Wrth wneud hynny, diolchodd yr Aelodau i'r deisebydd am gyflwyno'r ddeiseb ac fe hysbyswyd y deisebydd fod modd cyflwyno deiseb arall yn y dyfodol, pe dymunai.

Trafododd y Pwyllgor yr ohebiaeth ynghylch y ddeiseb a chytunodd i gadw golwg ar y mater.

Ystyriodd y Pwyllgor yr ohebiaeth ynghylch y ddeiseb a chytunodd i:

·         ofyn i'r Gweinidog hysbysu'r Pwyllgor yn gyson iawn o unrhyw ddatblygiadau yn y maes hwn a chadw golwg ar y mater; ac

·         wrth wneud hynny, gofyn i'r Gweinidog ystyried ac egluro sut y bydd yn newid y broses ar gyfer ymgynghoriadau yn y dyfodol er mwyn sicrhau bod ystyriaeth o farn a phrofiad y rhai yr effeithir arnynt yn uniongyrchol gan hyn. 

Trafododd y Pwyllgor yr ohebiaeth ynghylch y ddeiseb a chytunodd i:

1.   ofyn i’r deisebydd roi gwybod i’r Pwyllgor am y datblygiadau ar ôl bod mewn cysylltiad â swyddogion y Gweinidog ac i ystyried y ddeiseb eto ar ôl cael y wybodaeth ddiweddaraf gan y deisebydd; ac

2.   ysgrifennu at y Gweinidog yn gofyn iddo ystyried ehangu ymgynghoriadau tebyg yn y dyfodol i bobl yr effeithir arnynt yn uniongyrchol.  

Trafododd y Pwyllgor yr ohebiaeth ynghylch y ddeiseb a chytunodd i ysgrifennu ar frys at y Gweinidog i:

·         gyfleu sylwadau'r deisebydd a gofyn pa gamau a gymerwyd i gynnwys y deisebydd yn y Grwpiau Gorchwyl a Gorffen a'r ymgynghoriad, fel y nodwyd yn llythyr 3 Awst; a

·         gofyn a yw'n bosibl o hyd i ystyried barn y deisebydd.

Trafododd y Pwyllgor yr ohebiaeth ar y ddeiseb a chytunodd i:

·         ofyn i'r Gweinidog am y wybodaeth ddiweddaraf o ran cynnydd yr adolygiad o Fframwaith Gofal Iechyd Parhaus y GIG; a

·         phan geir yr ymateb hwnnw, ystyried tynnu sylw'r Pwyllgor Iechyd a Gofal Cymdeithasol at y ddeiseb.

Trafododd y Pwyllgor yr ohebiaeth ynghylch y ddeiseb a chytunodd i:

• ofyn am farn y deisebydd ar ohebiaeth y Gweinidog; ac 
• aros i weld canlyniadau'r ymgynghoriad ar yr adolygiad o'r fframwaith.

Trafododd yr Aelodau y sesiwn dystiolaeth ar 2 Gorffennaf, a chytunwyd i ysgrifennu at y Gweinidog Iechyd a Gwasanaethau Cymdeithasol, gan anfon copi at Gadeirydd y Pwyllgor Iechyd a Gofal Cymdeithasol  yn gwneud cais i gynnwys y deisebydd mewn trafodaethau â rhanddeiliaid ynghylch datblygu’r fframwaith a thynnu sylw at y materion a godwyd yn y dystiolaeth lafar.

Helen Jones – Prif Ddeisebydd

Tony Alexander – Adfocad gyda'r Gymdeithas Alzheimers

Lisa Morgan – Hugh James, Cyfreithwyr

Atebodd Helen Jones, Tony Alexander a Lisa Morgan gwestiynau gan y Pwyllgor.

Ystyriodd y Pwyllgor ohebiaeth ynghylch y ddeiseb a chytunodd i:

·         ysgrifennu at y Gweinidog Iechyd a Gwasanaethau Cymdeithasol gan nodi bod Cymdeithas Alzheimer yn cefnogi'r galw i ychwanegu lefel difrifol i'r Offeryn Gwneud Penderfyniadau a holi os yw'n bwriadu cadw ymrwymiad y Gweinidog blaenorol i adolygu'r fframwaith cenedlaethol ar gyfer gofal parhaus, a'r amserlen ar gyfer y fath adolygiad;

·         ysgrifennu at Swyddfa Archwilio Cymru yn holi am gopi a'i hadroddiad ar ofal iechyd parhaus pan fydd wedi ei gyhoeddi; 

·         ceisio yamteb gan Dementia UK; ac i

·         wahodd y deisebwr i roi tystiolaeth lafar.

Bu’r Pwyllgor yn ystyried y ddeiseb am y tro cyntaf, a chytunodd i ysgrifennu at:

·         Y Gweinidog Iechyd a Gwasanaethau Cymdeithasol;

·         Dementia UK; a’r

·         Gymdeithas Alzheimer i ofyn eu barn am y ddeiseb.

Gall y Pwyllgor wahodd y deisebydd i roi tystiolaeth lafar yn y dyfodol.