Cyfarfodydd

Trafodwyd y ddeiseb hon ochr yn ochr ag eitem 3.1, P-06-1258 Gwneud unigolion yng Nghymru ag anableddau cudd yn gymwys ar gyfer y Bathodyn Glas.

Trafododd y Pwyllgor y ddwy ddeiseb a nododd y lefel uchel o ddiddordeb mewn Bathodynnau Glas fel pwnc. Hefyd, tynnodd y Cadeirydd sylw at y cais am ddadl ar y mater hwn a'r nifer sylweddol o ymatebion i'r arolwg a gynhaliwyd gan STAND Gogledd Cymru.

Roedd yr Aelodau’n cydnabod y cynnydd sylweddol a wnaed eisoes ar y mater hwn, gan nodi bod y deisebau wedi bod ar agor ers cryn amser bellach. Gan nad oedd y deisebau wedi cyrraedd y trothwy ar gyfer dadl, cytunodd yr Aelodau y byddai'n anodd cyfiawnhau gofyn am ddadl arnynt ar hyn o bryd.

Daeth y Pwyllgor i’r casgliad mai’r ffordd fwyaf priodol ymlaen fyddai cynnwys y materion perthnasol yn adroddiad etifeddiaeth y Pwyllgor er mwyn iddynt gael eu monitro’n barhaus. Cytunodd yr Aelodau ei bod hi bellach yn briodol diolch i'r deisebwyr am eu hymdrechion sylweddol a'r cynnydd a wnaed eisoes, gan nodi bod y mater yn debygol o barhau i gael sylw yn y dyfodol. Cytunodd y Pwyllgor, felly, i gau'r ddeiseb.

Cytunodd y Pwyllgor i drafod y ddeiseb a chytunodd fod pryderon sylweddol heb eu datrys o hyd, fel y tynnwyd sylw atynt yng nghanfyddiadau arolwg STAND Gogledd Cymru. Cytunodd yr Aelodau i gadw’r ddeiseb ar agor, rhannu’r canfyddiadau arolwg ag Ysgrifennydd y Cabinet dros Drafnidiaeth a Gogledd Cymru ac Ysgrifennydd y Cabinet dros Gyfiawnder Cymdeithasol, y Trefnydd a’r Prif Chwip, a gofyn am ddiweddariad. Byddai'r ddeiseb yn cael ei chadw ar agor wrth ddisgwyl ymateb.

Mynegodd y Pwyllgor ddiolch hefyd i STAND Gogledd Cymru, y rhieni, a phawb a gyfrannodd at y gwaith hwn.

Yn ogystal, cytunwyd i anfon canfyddiadau’r arolwg ymlaen at Gymdeithas Llywodraeth Leol Cymru.

Nodwyd bod y ddeiseb hon wedi bod o dan ystyriaeth ers cryn dipyn o amser, a bod nifer o gyfarfodydd wedi’u cynnal ar y mater, sy’n cyffwrdd ar sawl portffolio yn y Cabinet. Cytunodd y Pwyllgor fod digon o wybodaeth ar gael i ddrafftio adroddiad 1-2 dudalen o hyd, a chytuno arno, gydag argymhellion i Lywodraeth Cymru, cyn diolch i’r deisebydd a chau’r ddeiseb.

Trafododd y Pwyllgor y ddeiseb a chytunodd i ysgrifennu at Gymdeithas Llywodraeth Leol Cymru i ofyn iddi godi'r pryderon a amlygwyd gan y ddeiseb hon a cheisio eglurder ynghylch darparu cynllun y bathodyn glas.

Datganodd Jack Sargeant AS y buddiant perthnasol a ganlyn o dan Reol Sefydlog 17.24A:

Mae wedi cyfarfod â'r deisebwyr ar adegau ac mae'n gefnogol iawn i gynsail y ddeiseb.

Trafododd y Pwyllgor y ddeiseb a nododd yr ohebiaeth ddiweddar a ddaeth i law oddi wrth Mark Isherwoord AS.

Cytunodd yr Aelodau i gymryd amser i fyfyrio ar yr ohebiaeth a gafwyd, ac i ysgrifennu'n ôl at y Dirprwy Weinidog Newid Hinsawdd gyda'r cwestiynau a godwyd gan y deisebydd, a'r llythyr a gafwyd oddi wrth Mark Isherwood AS.

Datganodd Jack Sargeant AS y buddiant perthnasol a ganlyn o dan Reol Sefydlog 17.24A:

Mae wedi cwrdd â'r deisebydd yn y gorffennol ynglŷn â mater ar wahân.

Trafododd y Pwyllgor y ddeiseb a chytunodd i ysgrifennu yn ôl at y Gweinidog i ddarparu sylwadau’r deisebwyr ac i ofyn am ymateb i’r cwestiynau a godwyd.

Cytunodd yr Aelodau hefyd i ofyn i'r gwasanaeth ymchwil a oes cynlluniau i ddefnyddio bathodynnau glas fel dull adnabod i bleidleisio mewn etholiadau.