Cyfarfodydd

·         Papur 11 – Nodyn a ddarparwyd gan staff y Comisiwn.

3.1     Nododd y Bwrdd fod y Cadeirydd wedi cael cais yn gofyn i’r Bwrdd Taliadau adolygu’r Gwariant Llety Preswyl sydd ar gael i Aelodau y mae eu prif gartrefi yn yr ardal allanol.

3.2     Ystyriodd y Bwrdd a oedd y terfyn presennol, sef £8,400 y flwyddyn yn ddigon, ac a ddylid ei adolygu ar unwaith, neu ei gynnwys fel rhan o’r adolygiad blynyddol o’r Penderfyniad ym mis Ebrill 2014.

3.3     Nododd y Bwrdd fod ystod fawr o brisiau rhenti yng Nghaerdydd, a chytunodd y dylid gwneud rhagor o waith ymchwil i’r farchnad rhentu yn y brifddinas yn y flwyddyn newydd, er mwyn cael asesiad mwy cywir.

Cam i’w gymryd:

Y Tîm Cymorth Busnes i’r Aelodau i adolygu’r amrywiaeth o brisiau rhenti ar gyfer tai yng Nghaerdydd sydd o fewn y terfyn presennol, sef £8,400 y flwyddyn, ac adrodd yn ôl i’r Bwrdd.

·         Papur 8, Atodiad A, B, C – Nodyn gan y Clerc ar y cyfarfod â Chadeirydd y Pwyllgor Safonau, gan gynnwys ymateb a awgrymir i lythyr y Comisiynydd Safonau, Llythyr y Comisiynydd Safonau

6.1     Ystyriodd y Bwrdd ohebiaeth gan Gerard Elias QC, y Comisiynydd Safonau, ynglŷn â’r broses a oedd ar waith ar gyfer hawlio lwfans aros dros nos gan Aelodau’r Cynulliad.

6.2     Penderfynodd y Bwrdd fod y gweithdrefnau presennol ar gyfer hawlio lwfansau aros dros nos yn ddigon cadarn, a chytunodd i beidio â newid y Penderfyniad.

6.3     Cytunodd y Bwrdd i ofyn i dîm Cymorth Busnes yr Aelodau atgoffa Aelodau’r Cynulliad mai dim ond treuliau y bu’n “rhaid” eu gwario "mewn cysylltiad â chyflawni eu rôl fel Aelodau Cynulliad" y gellir eu hawlio’n ôl.

Actions:

Camau i’w cymryd:

·         Y Cadeirydd Dros Dro i ysgrifennu at y Comisiynydd Safonau yn egluro penderfyniad y Bwrdd i gadw’r weithdrefn bresennol o ran lwfansau aros dros nos;

·         Y Tîm Cymorth Busnes i’r Aelodau i ysgrifennu at Aelodau’r Cynulliad yn eu hatgoffa o’r gweithdrefnau sydd wedi’u sefydlu ar gyfer hawlio lwfansau aros dros nos.