Cyfarfodydd

ARAC (25-03) Papur 6 – ARA 2024-25 – papur eglurhaol

ARAC (25-03) Papur 6 – Atodiad A – ARA 2024-25

6.1    Cyflwynodd Arwyn ran naratif yr Adroddiad Blynyddol a'r Cyfrifon, gan nodi nad oedd unrhyw newidiadau ers cyflwyno'r drafft ym mis Mai. Trafododd y Pwyllgor lefel y manylder yn yr erthygl AI yn y naratif, gyda swyddogion yn nodi y byddai darllenwyr â diddordeb yn y ffordd yr oedd y Comisiwn yn ei ddefnyddio.

6.2    Cwestiynodd y Pwyllgor y disgrifiad o'r risgiau yn adran proffil risg y Datganiad Llywodraethu a chytunodd swyddogion i ystyried hyn ar gyfer datganiadau yn y dyfodol, ynghyd â'r argymhelliad gan Archwilio Cymru mewn perthynas ag ansawdd data. Canmolwyd y datganiad, a llongyfarchwyd swyddogion ar y gwaith a wnaed i ddatblygu'r fframwaith sicrwydd a lywiodd y datganiad.

6.3    Mewn ymateb i gwestiynau gan aelodau'r Pwyllgor ynghylch cyfraddau absenoldeb salwch a adroddwyd amdanynt yn y dangosyddion perfformiad allweddol, cytunodd Leanne i drafodaeth bellach ar lesiant mewn cyfarfod yn y dyfodol (yn ymwneud ag iechyd meddwl).

6.4    Mewn perthynas ag adran gyfrifon yr adroddiad, gwahoddodd y Cadeirydd sylwadau ar yr Adroddiad Taliadau a'r datganiadau ariannol. Cyfeiriodd Lisa at y tanwariant a oedd o fewn targed y dangosydd perfformiad allweddol. Trafododd y Pwyllgor y data pensiynau a nododd Lisa y dadansoddiad a ddarparwyd gan yr actiwariaid yr oedd Archwilio Cymru wedi cytuno ag ef. Roedd elfen pensiynau'r archwiliad wedi bod yn broses fwy esmwyth nag yn y blynyddoedd blaenorol.

6.5    Myfyriodd y Cadeirydd ar set ragorol o gyfrifon a diolchodd a llongyfarchodd y Pwyllgor bawb a oedd wedi gweithio ar yr adroddiad blynyddol am eu hymdrechion.  

Camau i’w cymryd

Tîm clercio i gynnwys trafodaeth ar lesiant yn y rhaglen waith ar gyfer y dyfodol (cyfeiriad ag ystadegau absenoldeb salwch sy'n gysylltiedig ag iechyd meddwl)

Llywodraethu'r Comisiwn

9.0    Eitem 9 - Adroddiad Blynyddol a Chyfrifon drafft y Comisiwn a'r Datganiad Llywodraethu ar gyfer 2024-25

ARAC (25-02) Papur 9 – Adroddiad Blynyddol a Chyfrifon 2024-25 - papur cwmpasu

ARAC (25-02) Papur 9 – Atodiad A – Datganiad Llywodraethu Drafft

ARAC (25-02) Papur 9a – Adroddiad Blynyddol a Chyfrifon Drafft 2024-25 - papur cwmpasu naratif ARAC

ARAC (25-02) Papur 9a – Atodiad A – Naratif drafft

9.1    Cyflwynodd Arwyn Jones yr adran naratif, gan egluro'r broses ar gyfer casglu a golygu erthyglau. Nododd hefyd fod y fethodoleg a'r fformat yn parhau i fod yn gyson â'r flwyddyn flaenorol. Canmolodd y Pwyllgor eglurder a chydlyniant thematig cynnwys y drafft a chanmolodd y dyluniad a'r cynllun. 

9.2    Roedd gan aelodau'r Pwyllgor sylwadau bach ar naratif y Dangosyddion Perfformiad Allweddol, gan awgrymu y gallai hyn fod yn fwy eglur i rai, a chytunwyd i rannu eu hadborth gyda swyddogion.

9.3    Awgrymwyd y dylai’r Pwyllgor ailystyried fframwaith y Dangosyddion Perfformiad Allweddol maes o law, a allai fwydo i unrhyw adolygiad yn y dyfodol o’r mesurau cyn y Seithfed Senedd.

Adran cyfrifon

9.4    Gan nad oedd yr archwiliad wedi dechrau eto, ni chyflwynwyd unrhyw ffigurau i’r Pwyllgor. Fodd bynnag, yn seiliedig ar ffigurau drafft, adroddodd Lisa am danwariant disgwyliedig o 1.1% ar y cap gweithredol a oedd o fewn y targed Dangosyddion Perfformiad Allweddol sefydledig.   

Datganiad Llywodraethu

9.5    Amlinellodd Phil Boshier fethodoleg newydd sy'n sail i'r Datganiad Llywodraethu Blynyddol (AGS), gan gynnwys Datganiad Sicrwydd Corfforaethol (CAS) trawsbynciol a oedd wedi disodli'r datganiadau Cyfarwyddwyr a gynhyrchwyd yn flaenorol. Cyfeiriodd at y diagram yn yr AGS drafft yn amlinellu'r corff tystiolaeth ategol i lywio'r CAS, a oedd wedi'i adolygu gan y Bwrdd Gweithredol, y Prif Weithredwr a'r Clerc, ac a oedd yn destun gwaith craffu annibynnol gan aelodau'r Pwyllgor ym mis Mawrth.

9.6    Nododd Phil y cynnydd cadarnhaol a adroddwyd yn erbyn y meysydd i ganolbwyntio arnynt a oedd wedi'u cynnwys yn AGS y flwyddyn flaenorol. Cyfeiriodd hefyd at y lefelau sicrwydd ar bob elfen yn y CAS, a thynnodd sylw at rai o'r meysydd i'w gwella a nodwyd, a oedd wedi llywio'r meysydd i ganolbwyntio arnynt a gynhwyswyd yn yr AGS drafft. 

9.7    Diolchodd Phil i Bob Evans a Menai Owen-Jones am eu cyfraniadau gwerthfawr i sesiwn her CAS ym mis Mawrth. 

9.8    Rhoddodd aelodau’r Pwyllgor rywfaint o adborth penodol ar yr AGS, a oedd yn cynnwys awgrymu’r angen am eglurder pellach ynghylch sut mae’r strwythurau llywodraethu newydd yn cyd-fynd, ac i ystyried tynnu sylw at gynnwys a oedd yn wahanol i flynyddoedd blaenorol.

9.9    Croesawodd y Pwyllgor y fframwaith sicrwydd cryfach ac roeddent wedi’u plesio gan y gwaith yn y maes hwn, a roddodd sicrwydd cryf i’r Swyddog Cyfrifyddu.

ARAC (24-04) Papur 4 – ARA 2023-24 – papur blaen

ARAC (24-04) Papur 4 – Atodiad A – ARA 2023-24

ARAC (24-04) Papur 4 – Atodiad A – ARA 2023-24

5.1 Cyflwynodd Arwyn Jones fersiwn terfynol Adroddiad Blynyddol a Chyfrifon y Comisiwn a diolchodd i'r Pwyllgor am ei sylwadau. Yna nododd y fersiynau amrywiol a fyddai ar gael i'r cyhoedd a'r offer i'w defnyddio i fonitro nifer y darllenwyr.

5.2 Cafodd golwg yr adroddiad argraff ar y Pwyllgor a diolchodd Arwyn i'r tîm Brandio. 

5.3 Argymhellodd y Pwyllgor i'r Swyddog Cyfrifyddu y dylid llofnodi'r datganiadau ariannol ar gyfer 2023-24. Byddai llofnod electronig yn cael ei ychwanegu cyn gosod a chyhoeddi'r adroddiad.

ARAC (24-03) Papur 9 – Adroddiad Blynyddol ARAC drafft – papur eglurhaol 

ARAC (24-03) Papur 9 – Atodiad A – Adroddiad Blynyddol ARAC drafft 2023-24

10.1 Mynegodd y Cadeirydd ac aelodau'r Pwyllgor eu diolch i'r tîm Clercio am lunio drafft mor gynhwysfawr o Adroddiad Blynyddol y Pwyllgor er mwyn eu hadolygu. Amlinellodd y Cadeirydd y negeseuon allweddol a ganlyn yr oedd yn bwriadu eu cyfleu i’r Comisiwn pan fydd yn cyflwyno’r adroddiad ddydd Llun 15 Gorffennaf:

- cynnydd sylweddol ar gyllidebau a fframweithiau ariannol;

- methodoleg rheoli rhaglen a phrosiect yn cael ei mabwysiadu ar gyfer y ddwy brif raglen drawsnewid;

- yr adolygiad anffurfiol o'r Strategaeth Cyfathrebu ac Ymgysylltu;

- newidiadau i'r trefniadau llywodraethu mewnol;

- cynnydd o ran polisïau a gweithdrefnau Urddas a Pharch. 

10.2 Cytunodd aelodau'r Pwyllgor â'r negeseuon allweddol hyn ac awgrymwyd y byddai hyn hefyd yn gyfle i atgoffa'r Comisiwn o'r angen i ganolbwyntio'n barhaus ar seiberddiogelwch, ac i bwysleisio'r ffactorau dynol.

10.3 Tynnodd y Cadeirydd sylw hefyd at y meysydd ffocws a awgrymwyd ar gyfer 2024-25. Nododd hefyd yr awgrym y dylid cyfeirio, yn yr adran rheolaeth ariannol, at eitem agenda ym mhob cyfarfod yn y Gwanwyn ar broses y gyllideb tair blynedd.

10.4 Diolchodd y Cadeirydd i'r Pwyllgor am eu mewnbwn a gofynnodd i sylwadau gael eu hanfon at Kathryn Hughes.  

ARAC (24-02) Papur 12 – Adroddiad Blynyddol drafft 2023-24 – papur eglurhaol 

ARAC (24-02) Papur 12 – Atodiad A – drafft o Naratif yr Adroddiad Blynyddol

ARAC (24-02) Papur 12 – Atodiad B – Cyfrifon drafft

ARAC (24-02) Papur 12 – Atodiad C – Datganiad Llywodraethu Blynyddol drafft

12.1 Gwahoddodd y Cadeirydd Arwyn i gyflwyno’r eitem hon a gwahoddodd aelodau’r Pwyllgor i wneud sylw ar y naratif drafft a oedd wedi’i gynnwys yn Adroddiad Blynyddol a Chyfrifon drafft y Comisiwn a'r Datganiad Llywodraethu drafft.

12.2 Diolchodd Arwyn i Liz Jardine, a fu’n arwain y gwaith o dynnu’r erthyglau at ei gilydd a’u hadolygu. Roedd y gwaith o gasglu data'r dangosyddion perfformiad allweddol (DPA) bron wedi'i gwblhau hefyd. Fe wnaeth atgoffa’r Pwyllgor, yn dilyn ei awgrym, fod cyfres o dudalennau gwe wedi’u cynhyrchu dros y ddwy flynedd ddiwethaf a oedd yn arddangos uchafbwyntiau o’r Adroddiad Blynyddol a Chyfrifon (a’r adroddiadau blynyddol eraill), gan gynnwys tudalennau nodwedd ar gyfer uchafbwyntiau penodol i ddangos sut roedd y Senedd wedi bodloni ei nodau strategol.

12.3 Dros y flwyddyn ddiwethaf, roedd tîm Arwyn wedi ymchwilio i sut roedd pobl yn cael mynediad i'r adroddiad ar-lein. Er mwyn gwella hygyrchedd a thryloywder, penderfynwyd cynnig fersiwn symlach o’r adroddiad ar-lein eleni. 

12.4 Roedd y tîm yn parhau i fod ar y trywydd iawn i gyflwyno dogfen gyflawn a therfynol yr Adroddiad Blynyddol a Chyfrifon ar gyfer adolygiad aelodau'r Pwyllgor yn y cyfarfod ar 10 Mehefin 2024. Roedd y Swyddog Cyfrifyddu i fod i gymeradwyo’r Adroddiad Blynyddol a Chyfrifon yn dilyn cymeradwyaeth derfynol gan y Comisiwn yn ei gyfarfod nesaf yn dilyn y cyfarfod ARAC (17 Mehefin 2024).

12.5 Cytunodd y Pwyllgor i rannu ei sylwadau ynghylch y Datganiad Llywodraethu drafft erbyn dydd Gwener 10 Mai. Gofynnodd hefyd am drafodaeth ynghylch DPA i fyfyrio ar berfformiad cadarnhaol y Comisiwn o ran cyrraedd llawer o dargedau. Byddai hyn yn cael ei drefnu ar gyfer cyfarfod yn y dyfodol. Roedd yn croesawu rhesymau Arwyn dros symleiddio’r fformat a byddai’n annog mwy o bobl i gael mynediad iddo. 

Camau i’w cymryd

-       Eitem ar wahân i'w chynnwys ar yr agenda mewn cyfarfod yn y dyfodol i roi cyfle i fyfyrio ar DPA.

ARAC (23-03) Papur 5 - ARA 2022-23 - papur blaen

ARAC (23-03) Papur 5 - Atodiad A – ARA 2022-23

6.1 Gwahoddodd y Cadeirydd Arwyn i gyflwyno’r eitem hon ac aelodau’r Pwyllgor i roi sylwadau ar y cydrannau a ganlyn o Adroddiad Blynyddol a Chyfrifon (ARA) drafft y Comisiwn:

·       Y naratif (dadansoddi trosolwg a pherfformiad)

·       Atebolrwydd, gan gynnwys y Datganiad Llywodraethu; a

·       Datganiadau Ariannol.

6.2 Dywedodd Arwyn wrth y Pwyllgor am drafodaethau a oedd wedi’u cynnal ynghylch adnabod cyfarwyddwyr drwy ddatgelu eu rhyw, o ystyried y garfan fach. Roedd swyddogion wedi cytuno i ystyried a ellid dileu hyn neu ei wneud yn ddienw mewn adroddiadau yn y dyfodol, ond nododd fod yr wybodaeth hon eisoes yn gyhoeddus.

6.3 Canmolodd y Pwyllgor staff am y cynnwys cynhwysfawr sy’n cael ei gyflwyno ond cwestiynodd hyd yr adroddiad a’r potensial i gyrraedd cynulleidfa ehangach. Trafododd y Pwyllgor hefyd lefelau dealltwriaeth y cyhoedd o waith y Senedd a chytunodd i drafod hyn eto pan fydd yn ystyried strategaeth cyfathrebu ac ymgysylltu’r Comisiwn mewn cyfarfod yn y dyfodol. 

6.4 Croesawodd swyddogion yr adborth adeiladol gan gydnabod yr angen i’r wybodaeth yn yr adroddiad gyrraedd cynulleidfa ehangach ledled Cymru a’r angen i ddatblygu mecanweithiau ychwanegol ar gyfer casglu adborth ar ei gyflwyniad. 

6.5 O ran hyd yr adroddiad, atgoffodd swyddogion y Pwyllgor o’r ganmoliaeth yr oedd y Comisiwn wedi’i chael gan Gyfrifon Cyhoeddus a Gweinyddiaeth Gyhoeddus y Senedd, a Phwyllgorau Cyllid ar gyfer strwythur ac eglurder yr adroddiadau. Amlygwyd hefyd y byddai’r fersiwn ar-lein yn cynnwys fideo hygyrch mewn ymgais i wneud yr wybodaeth mor hygyrch â phosibl. 

6.6 Croesawodd y Pwyllgor y cyfeiriad at symudedd cymdeithasol yn adran Amrywiaeth a Chynhwysiant yr adroddiad a’r cyhoeddiad yng nghyfarfod diweddar yr holl staff o gynigion ar gyfer hyrwyddwr symudedd cymdeithasol. 

6.7 Cytunodd y Pwyllgor fod set gynhwysfawr o gyfrifon wedi’u cyflwyno a diolchodd i’r tîm Cyllid am eu hymdrechion. Mynegwyd diolch hefyd i bawb a fu’n ymwneud â chynhyrchu’r naratif a’r Datganiad Llywodraethu. 

ARAC (23-02) Papur 15 – Adroddiad Blynyddol 2021-22 – Cymraeg (linc yn y pecyn)

ARAC (23-02) Papur 15 – Adroddiad Blynyddol 2021-22 – Saesneg (linc yn y pecyn)

19.1 Gwahoddodd y Cadeirydd aelodau’r Pwyllgor i awgrymu cynnwys ar gyfer Adroddiad Blynyddol y Pwyllgor a’u hannog i rannu eu syniadau â’r tîm Clercio.  

ARAC (22-02) Papur 9 – Adroddiad Blynyddol drafft 2021-22 – papur eglurhaol 

ARAC (22-02) Papur 9 – Atodiad A – drafft o Naratif yr Adroddiad Blynyddol

ARAC (22-02) Papur 9 – Atodiad B – Datganiad Llywodraethu Blynyddol draft

11.1 Cyflwynodd Arwyn yr eitem hon a gwahoddodd aelodau’r Pwyllgor i wneud sylw ar y naratif drafft a oedd wedi’i gynnwys yn Adroddiad Blynyddol a Chyfrifon drafft y Comisiwn a'r Datganiad Llywodraethu drafft ar gyfer 2021-22.
 

11.2 Amlinellodd Arwyn gynlluniau i gyflwyno’r adroddiad mewn fformat ar-lein mwy rhyngweithiol i’w wneud yn fwy hygyrch a chyrraedd cynulleidfa ehangach, rhywbeth yr oedd y Pwyllgor wedi bod yn awyddus i’r Comisiwn fynd ar ei drywydd. Cyflwynodd fraslun o'r tudalennau glanio a oedd wedi'u dylunio i gydymffurfio ag asesiad effaith hygyrchedd. 

11.3 Disgrifiodd Arwyn fod y fformat hwn yn rhoi cyfle i gynnwys lincs i fideos a chynnwys digidol, yn ogystal â’r amrywiaeth o erthyglau a gwybodaeth bellach a grëwyd eisoes yn ystod y flwyddyn. Roedd yn ystyried bod hyn yn ffordd wych o ailgylchu deunydd sy’n bodoli eisoes a datblygu'r adroddiad fel ffordd o gyfathrebu yn ogystal â bodloni gofyniad llywodraethu ac atebolrwydd.    

11.4 Roedd aelodau'r Pwyllgor yn falch o weld cynlluniau ar gyfer presenoldeb mor gadarnhaol ar-lein. O ran datblygu'r fformat i'r dyfodol, anogwyd y tîm i sicrhau bod y lincs yn canolbwyntio ar gynnwys a straeon oedd yn cynnwys elfen ddynol e.e. cludwr y byrllysg ar gyfer yr agoriad swyddogol, ac ystyried trefn yr adroddiad i ganolbwyntio ar ddinasyddion. Croesawodd Arwyn yr adborth hwn a chytunodd i'w ystyried.

11.5 Mewn ymateb i gwestiynau am gyrhaeddiad ac ymgysylltu, dywedodd Arwyn nad oedd ffeithluniau yn cynnwys y wybodaeth hon wedi'u cynnwys yn yr adroddiad eto. O ran y ddemograffeg ar ymgysylltu, roedd cynlluniau ar waith i gyflwyno offer a systemau megis monitro'r cyfryngau a rheoli'r berthynas â chwsmeriaid a fyddai'n helpu'r Comisiwn i fesur ymgysylltiad yn well, a chyflwyno adroddiadau ar ymgysylltu yn well. Hefyd, nododd gynlluniau ar gyfer cynyddu presenoldeb ar lwyfannau cyfryngau cymdeithasol fel Instagram a TikTok i dargedu cynulleidfa iau, ac ar gyfer ymgysylltu mewn ffordd fwy rhagweithiol ag ysgolion.

11.6 Cadarnhaodd Arwyn a Nia, at ddibenion archwilio, y byddai fersiwn argraffadwy o’r Adroddiad Blynyddol a Chyfrifon yn cael ei chynhyrchu er mwyn i Archwilydd Cyffredinol Cymru ei lofnodi ac mai dyna fyddai’r fersiwn a fyddai’n cael ei gosod gerbron y Senedd. Ychwanegodd Nia y byddai'r fformat a gynigir yn ei gwneud hi'n haws i ddarllenwyr sydd â diddordeb yn y datganiadau ariannol gael mynediad at y rhan honno o'r adroddiad. 

11.7 Roedd y Cadeirydd yn falch gyda chyflwr a chynnwys y Datganiad Llywodraethu drafft, gan nodi bod hon yn ddogfen allweddol o ran atebolrwydd. Croesawodd yr eitemau a restrir o dan y meysydd ffocws ar gyfer 2022-23 a gofynnodd i aelodau'r Pwyllgor drosglwyddo unrhyw sylwadau ynghylch y datganiad i'r tîm clercio. Cytunwyd y byddai'r Pwyllgor yn cael gwybod am drafodaethau'r Bwrdd Gweithredol ar y parodrwydd i dderbyn risg. 

ARAC (03-21) Papur 4 – Papur eglurhaol – Adroddiad Blynyddol a Chyfrifon 2020-21

ARAC (03-21 Papur 4 - Atodiad A – Adroddiad Blynyddol a Chyfrifon 2020-21         

2          

3          

4          

5          

5.1         Gwahoddodd y Cadeirydd y swyddogion i gyflwyno'r eitem hon a thynnu sylw at unrhyw faes i'w drafod ar Adroddiad Blynyddol a Chyfrifon y Comisiwn. Nododd Arwyn Jones ei ddiolch i Victoria Paris am gydgysylltu’r gwaith o’i gynhyrchu i amserlen dynn ac am y cyfraniadau gan gydweithwyr o bob rhan o'r sefydliad. Nododd hefyd ei ddiolch i Suzy Davies a'r Comisiynwyr presennol eraill am eu cyfraniad a'u cymeradwyaeth o'r adroddiad.

5.2         Tynnodd Arwyn sylw at y ffaith bod y ffocws yn yr adroddiad eleni ar droi'r gwahanol ffyrdd o weithio o ganlyniad i'r pandemig yn fusnes fel arfer. Roedd hyn yn cynnwys manylion cynllunio ar gyfer y Chweched Senedd gyda gweithlu a oedd mor gynhyrchiol a hyblyg â phosibl o ran y gwasanaethau a ddarperir i'r Aelodau. Gwahoddodd sylwadau gan aelodau'r Pwyllgor.

5.3         Diolchodd y Pwyllgor i'r staff am eu gwaith ar yr adroddiad manwl a thrylwyr iawn. Cafwyd trafodaeth am hyd a darllenadwyedd yr adroddiad a chydnabyddiaeth gan aelodau'r Pwyllgor bod ei gynnwys yn seiliedig ar ofynion adrodd statudol ac arfer da. Cafwyd trafodaeth hefyd ynghylch cynlluniau ar gyfer fersiynau digidol yn y dyfodol i wella ei ddarllenadwyedd ac i hwyluso cyrhaeddiad i gynulleidfa ehangach. 

5.4         Cytunodd Manon ei bod yn ddogfen fanwl, ac atgoffodd y Pwyllgor o'r adborth cadarnhaol a gafwyd gan Bwyllgorau Cyllid a Chyfrifon Cyhoeddus y Senedd ar eu gwaith craffu ar adroddiadau blaenorol. 

5.5         Croesawodd Arwyn yr adborth adeiladol ar yr adroddiad a nododd y byddai'r gwaith paratoi yn dechrau yn gynharach y flwyddyn nesaf i ddarparu ar gyfer cynlluniau ar gyfer cyflwyniad digidol a rhyngweithiol.

5.6         Mewn perthynas â'r cyfrifon, tynnodd Nia sylw at y ffaith bod dadansoddiad o gostau sy'n gysylltiedig â’r etholiad wedi'i gynnwys yn y tabl o alldro adnoddau net yn y fersiwn ddiwygiedig a gyflwynwyd i'r Pwyllgor. Tynnodd sylw hefyd at gynnwys yr adran Adolygiad Ariannol yn naratif yr adroddiad a oedd yn ofyniad yn y llawlyfr adrodd ariannol (FREM) newydd.

5.7         Rhoddodd y Cadeirydd glod am gyfres foddhaol iawn o gyfrifon a chydnabu’r gwaith rheoli agos arnynt. Mynegodd fod cynnwys, ansawdd a chywirdeb yr Adroddiad Blynyddol a Chyfrifon wedi gwneud argraff arno, yn enwedig o ystyried ei fod wedi ei gynhyrchu'n gynnar, yr aflonyddwch a achoswyd gan y pandemig parhaus a'r tîm bach a’i rhoddodd at ei gilydd.

5.8         Roedd y Pwyllgor hefyd am gofnodi eu boddhad bod y gronfa bensiwn wedi symud oddi wrth fuddsoddi mewn cwmnïau olew a nwy i opsiynau mwy cynaliadwy. Roeddent hefyd yn gwerthfawrogi gweld yr ohebiaeth gyda'r Pwyllgorau Cyllid a Chyfrifon Cyhoeddus ar wariant yn gysylltiedig â Covid.

5.9         Argymhellodd y Pwyllgor i'r Swyddog Cyfrifyddu y dylid llofnodi'r datganiadau ariannol ar gyfer 2020-21. Byddai llofnod electronig yn cael ei ychwanegu cyn gosod a chyhoeddi'r adroddiad.

ACARAC (04-19) Papur 3 – Adroddiad Blynyddol a Chyfrifon 2018-2019

ACARAC (04-19) Papur 3 – Atodiad A – Adroddiad Blynyddol a Chyfrifon 2018-19

3.1        Gwahoddodd y Cadeirydd a Manon Antoniazzi sylwadau gan aelodau'r pwyllgor ar yr adroddiad blynyddol a'r cyfrifon ac eglurwyd mai rôl y Comisiwn oedd cymeradwyo'r elfen adroddiad blynyddol.

3.2        Ailadroddodd y Cadeirydd ei fod o’r farn bod yr Adroddiad Blynyddol a Chyfrifon yn hygyrch ac yn ddisgrifiad da iawn o weithgaredd a chyflawniadau'r Cynulliad.

3.3        Tynnodd Hugh Widdis sylw at wall geirio yn yr adroddiad blynyddol; cafodd y gwall ei gywiro.

3.4        Gwahoddodd y Cadeirydd Nia Morgan i wneud sylwadau ar y cyfrifon ac i roi rhywfaint o gyd-destun i'r addasiad a wnaed i adlewyrchu effaith dyfarniad diweddar McCloud yn y Goruchaf Lys. Roedd y dyfarniad hwn yn gofyn am addasiad o £1 miliwn i'r swm y mae Comisiwn y Cynulliad yn ei gydnabod mewn perthynas ag ymrwymiad cynllun pensiwn Aelodau'r Cynulliad.

3.5        Esboniodd Nia, ar wahân i'r addasiad pensiwn, nad oedd dim wedi newid ers i'r ISA260 gael ei gyflwyno ym mis Mehefin. Esboniodd hefyd y broses y cytunwyd arni gyda'r actiwarïaid a SAC o amcangyfrif effaith cyllidebol y dyfarniad pensiwn, gan y byddai ailbrisiad llawn yn costio tua £5,000, ac nid oedd yn cael ei ystyried yn werth da am arian. Ychwanegodd Gareth Lucey fod dull y Comisiwn o weithredu yn un synhwyrol a'i fod yn gyson â'r amcangyfrif o addasiadau a roddwyd ar waith gan gyrff eraill y sector cyhoeddus yr effeithir arnynt. Croesawodd y Cadeirydd y dull hwn o weithredu a’r ffaith bod SAC wedi cytuno arno. Diolchodd y Cadeirydd i Nia am y ffordd yr ymdriniwyd â'r addasiad munud olaf.

3.6        Dywedodd Nia Morgan fod y tanwariant yn parhau yn ôl y disgwyl. Tynnodd sylw hefyd at y ffaith y byddai'r gwersi a ddysgwyd o'r archwiliad eleni yn cael eu trafod mewn cyfarfod adolygu a drefnwyd rhwng SAC a thîm cyllid y Comisiwn. Byddai hyn yn cynnwys trafodaethau ynghylch amseriad yr archwiliad ar gyfer y flwyddyn nesaf er mwyn hwyluso llofnodi'r cyfrifon yn gynharach.

3.7        Cadarnhaodd Gareth Lucey nad oedd SAC wedi nodi unrhyw faterion perthnasol wrth archwilio cyfrifon y Comisiwn.

3.8        Diolchodd y Cadeirydd i Nia a phawb a gymerodd ran am eu cyfraniad at yr Adroddiad Blynyddol a'r Cyfrifon ac argymhellodd yn ffurfiol y dylai Comisiwn y Cynulliad gymeradwyo i'r Prif Weithredwr a'r Clerc, a'r Swyddog Cyfrifyddu lofnodi'r Datganiad Cyfrifon.

ACARAC (04-18) Papur 3 – Adroddiad Blynyddol a Datganiad o Gyfrifon 2017-18 – papur clawr

ACARAC (04-18) Papur 3 – Atodiad A – Adroddiad Blynyddol a Datganiad o Gyfrifon 2017-18

1.1     Cyflwynodd Nia Morgan y fersiwn ddiweddaraf o Adroddiad Blynyddol a Chyfrifon y Comisiwn. Gofynnodd am argymhelliad gan y Pwyllgor i’r Swyddog Cyfrifyddu y dylid llofnodi datganiadau ariannol 2017-18.

1.2     Nid oedd yr archwiliad allanol a gynhaliwyd gan SAC wedi arwain at unrhyw addasiadau archwilio i’r cyfrifon drafft a gafodd eu hadolygu yn y cyfarfod ar 18 Mehefin 2018. Yr alldro terfynol ar gyfer 2017-18 oedd tanwariant o £0.3 miliwn yn erbyn y gyllideb, fel y nodwyd yn y cyfrifon drafft. Roedd hyn yn danwariant o 0.6 y cant o’i gymharu â’r gyllideb o £52.5 miliwn.

1.3     Croesawodd y Pwyllgor gynnwys cryno’r adroddiad, a oedd yn cyfeirio at adroddiadau eraill a ffynonellau eraill o wybodaeth.

1.4     Yr arwyddion cynnar oedd na fyddai’r costau archwilio gwirioneddol ar gyfer 2017-18 yn fwy na’r ffi amcangyfrifedig o £57,958, fel y nodwyd yn y Cynllun Archwilio, a byddai SAC yn rhoi gwybod i’r Pwyllgor pe bai hyn yn newid.

ACARAC (03-18) Papur 7 – Adroddiad Blynyddol a Datganiad o Gyfrifon 2017-18 - papur cwmpasu

ACARAC (03-18) Papur 7 – Atodiad A - Adroddiad Blynyddol Drafft 2017-18

ACARAC (03-18) Papur 7 – Atodiad B - Datganiad o Gyfrifon 2017-18

3      

4      

4.1     Symudwyd yr eitem hon ymlaen hefyd er mwyn sicrhau bod Ann-Marie a Craig Stephenson yn bresennol.

4.2     Roedd y Pwyllgor yn croesawu'r ffaith bod y ddwy ddogfen wedi cael eu dosbarthu yn gynnar er mwyn gall ystyried sylwadau a rannwyd dros e-bost.

4.3     Cyflwynodd Manon Antoniazzi a Craig Stephenson yr adroddiad blynyddol, sydd, yn eu barn nhw, yn gofnod tryloyw ac agored o'r prif ddigwyddiadau a materion yn ystod y flwyddyn ariannol ddiwethaf. Nododd y Pwyllgor fod croesgyfeirio at adroddiadau ar wahân, fel y rhai ar Amrywiaeth a Chynhwysiant a'r Cynllun Ieithoedd Swyddogol wedi osgoi dyblygu ac felly wedi lleihau maint yr adroddiad cyffredinol.    

4.4     Daeth y Pwyllgor i'r casgliad fod yr Adroddiad Blynyddol a Chyfrifon yn gofnod trylwyr a chywir o'r llwyddiannau a'r heriau a wynebwyd gan y Comisiwn dros y flwyddyn a llongyfarchodd y timau oedd yn ymwneud â'r gwaith o'i gynhyrchu. Croesawyd hefyd fod y strwythur llywodraethu diwygiedig wedi'i gynnwys yn y Datganiad Llywodraethu.

4.5     Mewn ymateb i gwestiynau penodol gan y Pwyllgor, cytunodd swyddogol i ystyried pennu lefelau goddefgarwch ar gyfer rhai o'r targedau KPI ac adolygu'r disgrifiad o gyflawni targedau allyriadau. 

ACARAC (01-18) Papur 11 - Adroddiad Blynyddol 2016-17

6         

7         

8         

9         

9.1        Roedd adroddiad blynyddol 2016-17 wedi ei gynnwys er gwybodaeth. Gofynnodd y Cadeirydd i aelodau'r Pwyllgor wneud unrhyw sylwadau sydd ganddynt ynghylch strwythur, fformat a chynnwys yr adroddiad blynyddol nesaf i'r tîm clercio y tu allan i'r cyfarfod hwn. 

Camau i’w cymryd

-      Aelodau'r Pwyllgor i roi gwybod i'r tîm clercio am newidiadau a awgrymwyd i'r strwythur a'r fformat ynghyd â'r cynnwys ar gyfer yr adroddiad blynyddol nesaf. 

3      

4      

5      

6      

7      

8      

8.1     Cafodd gohebiaeth ddiweddar rhwng Cadeirydd Pwyllgor Cyllid y Cynulliad a Suzy Davies, y Comisiynydd, ei dosbarthu cyn y cyfarfod.  Trafododd y Pwyllgor ffyrdd y gellid briffio'r Pwyllgor Cyllid a'r Comisiynwyr am benderfyniadau ynglŷn â meysydd o wariant sylweddol a blaenoriaethu mewn ffordd a fyddai'n dangos diwydrwydd dyladwy a phroses gadarn o wneud penderfyniadau ac yn sicrhau rhagor o dryloywder yn ystod y flwyddyn.

8.2     Rhoddodd Ann-Marie Harkin wybod am gais a wnaed gan Gadeirydd Pwyllgor Cyllid y Cynulliad i Archwilydd Cyffredinol Cymru i wneud cymhariaeth â sefydliadau eraill o ran cyfrifoldebau pwyllgor am graffu neu gymeradwyo penderfyniadau gwario mawr.

Cam i’w gymryd

-         Manon i friffio ACARAC ar ôl bod yng nghyfarfod y Pwyllgor Cyllid.

ACARAC (03-17) Papur 12 – Adroddiad Blynyddol a Datganiad o Gyfrifon drafft 2016-17 – papur cwmpasu

ACARAC (03-17) Papur 12 – Atodiad A Adroddiad Blynyddol a Datganiad o Gyfrifon drafft 2016-17

9      

9.1     Diolchodd Manon a Nia i'r Pwyllgor am y sylwadau a roddwyd eisoes ar yr Adroddiad Blynyddol a Datganiad o Gyfrifon drafft.   

9.2     Gwnaeth y Pwyllgor ddiolch i Manon, Nia a'u timau am gael gweld yr adroddiad yn gynnar a'u hannog i sicrhau bod yr ystadegau yn yr adroddiad yn cyd-fynd â'r dangosyddion perfformiad allweddol. 

9.3     Byddai fersiwn derfynol o'r adroddiad yn cael ei chyflwyno yng nghyfarfod mis Gorffennaf. 

          ACARAC (04-16) Papur 3 – Papur eglurhaol – Adroddiad Blynyddol a Chyfrifon 2015-16

          ACARAC (04-16) Papur 4 – Adroddiad Blynyddol a Datganiad Cyfrifon 2015-16

ACARAC (03-16) Papur 6 - Adroddiad Blynyddol a Datganiad Cyfrifon Drafft 2015-16

6.1        Llongyfarchodd aelodau’r Pwyllgor staff y Comisiwn, yn arbennig Nia a Chris Warner, ar ansawdd ac amseroldeb yr Adroddiad Blynyddol a’r Cyfrifon drafft a gofynnwyd am i’r neges hon gael ei throsglwyddo i’r timau. Cytunodd yr Aelodau fod yr adroddiad yn adlewyrchu sefydliad cadarnhaol, aeddfed, proffesiynol a blaengar. Roedd y ddogfen gyfun wedi’i dosbarthu bythefnos cyn y cyfarfod a chroesawodd y Pwyllgor y cyfle a gafwyd i ystyried a chraffu’n llawn ar y wybodaeth a gyflwynwyd. 

6.2        Roedd yr adroddiad yn adlewyrchu’r newidiadau strwythurol diwygiedig a gafodd eu hargymell mewn cyfarwyddyd diweddar gan Drysorlys EM a phwysleisiodd Chris ei nod o osgoi dyblygu diangen.    

6.3        Ynghyd â’r gwallau teipio yr oedd Nia eisoes wedi rhoi gwybod i’r Pwyllgor amdanynt, a’r pwyntiau i’w hegluro a awgrymwyd yn y cyfarfod a fyddai’n cael eu hystyried, dywedodd Nia y byddai’n croesawu unrhyw sylwadau pellach a ellid eu hanfon ati drwy e-bost. 

6.4        Dywedodd Claire hefyd ei bod yn falch ac yn llawn edmygedd o’r broses o gasglu gwybodaeth ar gyfer yr adroddiad a diolchodd i’w thîm am ei ymdrechion. 

6.5        Roedd y Cadeirydd yn croesawu’r cyfarfod adolygu a gynhaliwyd ar ôl cyhoeddi Adroddiad Blynyddol a Chyfrifon y llynedd i drafod unrhyw wersi a ddysgwyd, ac roedd yn cymryd yn ganiataol y byddai’r un peth yn digwydd eleni. Ar y cyfan roedd yn fodlon ar y broses ac ar ansawdd yr adroddiad, a diolchodd i Ian Summers am roi ei sicrwydd ychwanegol. 

ACARAC (32) Papur 11 - Adroddiad Blynyddol drafft 2016

9.1        Gwerthfawrogodd y Cadeirydd y sylwadau a oedd wedi dod i law am yr adroddiad blynyddol drafft.  Cymeradwyodd y Pwyllgor y ddogfen a gyflwynwyd a chytunodd y tîm clercio i drefnu i'r adroddiad gael ei gyfieithu cyn ei gyflwyno'n ffurfiol i ysgrifenyddiaeth Comisiwn y Cynulliad. 

ACARAC (26) Papur 9 – Amlinelliad Archwilio Blynyddol

1.0         

2.0         

3.0         

4.0         

5.0         

6.0         

6.1        Cyfarfu Eric, Gareth, Nicola a chynrychiolwyr newydd Swyddfa Archwilio Cymru, Ann-Marie Harkin a Matthew Coe, ym mis Ionawr, a byddant yn cyfarfod yn rheolaidd.  Cytunwyd y byddai'r Amlinelliad draft o'r Archwiliad yn cael ei drafod yn gynharach, yng nghyfarfodydd mis Tachwedd.  Byddent hefyd yn trafod yr amserlen ar gyfer adolygu cyfrifon interim mewn cyfarfod yn y dyfodol.          

6.2        Esboniodd Ann-Marie eu cynlluniau ar gyfer ymgymryd â gwaith archwilio eleni, a fyddai'n cynnwys prawf ychwanegol o dreuliau Aelodau'r Cynulliad.  Digyfnewid oedd y ffi a arfaethwyd ar gyfer 2015, a byddai'r ffi yn newid yn unol ag unrhyw newidiadau yn yr amser a gymerasid i gwblhau gwaith.

6.3        Cadarnhaodd Nicola, gan fod cynllun archwilio 2014-15 ddod i law, ei bod yn creu amserlen fanwl i sicrhau bod staff yn ei thîm yn gweithio i gyflwyno'r cynllun archwilio erbyn y dyddiadau allweddol.