Cyfarfodydd
Human Resources
Mae'r dudalen hon yn cynnwys manylion am unrhyw gyfarfodydd a gynhelir lle bydd y mater yn cael ei drafod, neu unrhyw gyfarfodydd a gynhaliwyd lle cafodd y mater ei drafod. Mae hefyd yn cynnwys lincs i'r papurau, agendâu a chofnodion perthnasol.
Noder: Gall yr agenda ar gyfer cyfarfod newid ar fyr rybudd. Cyn ichi wneud unrhyw gynlluniau i ddod i gyfarfod Pwyllgor, gofynnwn i chi sicrhau nad yw'r eitem sydd o ddiddordeb i chi wedi cael ei symud, yn enwedig mewn achosion lle mae'r dyddiad ar gyfer y cyfarfod wedi'i nodi mwy nag wythnos o flaen llaw.
Cyfarfod: 04/05/2017 - Y Bwrdd Rheoli (Eitem 6)
Dangosfwrdd Adnoddau Dynol (Ionawr - Mawrth 2017)
Dogfennau ategol:
- Cyfyngedig 2
Cofnodion:
Cyflwynodd Lowri Williams adroddiad cryno chwarterol yr
adran Adnoddau Dynol ar niferoedd staff, trosiant ac absenoldeb i'r Bwrdd
Rheoli. Dyma hefyd chwarter olaf y flwyddyn ariannol ac roedd adroddiad manwl
yn cael ei baratoi ar gyfer Penaethiaid Gwasanaeth.
Cyfarfod: 12/05/2016 - Y Bwrdd Rheoli (Eitem 8)
Diweddariad Dangosfwrdd Adnoddau Dynol
Dogfennau ategol:
- Cyfyngedig 5
Cofnodion:
Gwelodd y Bwrdd gopi o’r Dangosfwrdd Adnoddau Dynol i'w nodi ac fe'i
hysbyswyd y byddai trafodaeth lawn ar reoli absenoldeb yn cael ei chynnal yng
nghyfarfod y Bwrdd ar 20 Mehefin. Nid oedd lwfansau wedi'u cynnwys yn y
dangosfwrdd oherwydd y cytunwyd i gadw'r dangosfwrdd yn syml. Fodd bynnag,
roedd hyn yn rhan o'r trafodaethau rhwng Partneriaid Busnes Adnoddau Dynol a
Phenaethiaid Gwasanaeth.
Cyfarfod: 25/01/2016 - Y Bwrdd Rheoli (Eitem 10)
Dangosfwrdd yr Adran Adnoddau Dynol
Dogfennau ategol:
- Cyfyngedig 8
- Cyfyngedig 9
Cofnodion:
1.1 Cyflwynodd Lowri Williams gynnig bod dangosfwrdd
Adnoddau Dynol yn cael ei ddarparu fel mater o drefn. Roedd y Bwrdd yn hoffi’r
fformat a chytunodd i’w dderbyn yn chwarterol drwy e-bost. Roedd mwy o ddata
ynghylch tueddiadau dros gyfnod hwy yn well, a gofynnwyd am ddata ar recriwtio
a lwfansau, ynghyd â data fesul gradd.
Cyfarfod: 02/11/2015 - Y Bwrdd Rheoli (Eitem 4)
Cyfarfod Strategaeth ac Adnoddau - Adnoddau Dynol
- Fframwaith
a pholisïau recriwtio a phenodi (papurau)
- Strategaeth
tâl ar gyfer y dyfodol (dim papurau heblaw am atodiad 4)
- Cynllunio
capasiti trwy ddull ysgafn
- Unrhyw
fater arall
Dogfennau ategol:
- Cyfyngedig 12
- Cyfyngedig 13
- Cyfyngedig 14
- Cyfyngedig 15
- Cyfyngedig 16
Cofnodion:
4.1 Roedd y Bwrdd Rheoli wedi cytuno i neilltuo’r
cyfarfod i drafod materion Adnoddau Dynol, wedi’u harwain gan Lowri Williams.
Roedd Lowri wedi cyfarfod ag aelodau’r Bwrdd yn unigol i drafod pryderon, a
godwyd yn ystod y cylch cynllunio capasiti diwethaf, bod polisïau’r gweithlu yn
creu pwysau ar y gallu i gyflawni busnes. Roedd Adnoddau Dynol wedi datblygu
cynigion i ymdrin â hyn a hefyd i ymateb i sylwadau gan staff a oedd wedi eu
casglu drwy’r arolwg staff a’r archwiliad recriwtio.
Cyfarfod: 23/03/2015 - Y Bwrdd Rheoli (Eitem 4)
Agenda Gweithlu yr Adran Adnoddau Dynol (parhad)- Eitem lafar
Cofnodion:
Yn dilyn cyfarfod diwethaf y Bwrdd Rheoli, a
ganolbwyntiodd ar yr agenda Adnoddau Dynol ar gyfer y blynyddoedd i ddod,
cyfarfu Lowri Williams â phob aelod o'r Bwrdd Rheoli i drafod y ffrydiau gwaith
arfaethedig mewn mwy o fanylder. Gofynnwyd i'r Bwrdd ddewis pedwar prif
flaenoriaeth unigol sydd angen sylw brys, sy'n bwysicach na'r pedwar prif
flaenoriaeth allweddol a nodwyd eisoes. Cafodd y rhain eu grwpio, a'r
blaenoriaethau a nodwyd fwyaf oedd: Gwerthoedd; Datblygu Rheolwyr; Rheoli
Newid; a, Chynllunio Capasiti.
Nodwyd bod angen cynllun datblygu
rheolwyr cyson, wedi'i ategu gan y gwerthoedd ac yn seiliedig arnynt, felly
mae'n bwysig penderfynu ar y gwerthoedd cywir yn gyntaf. Fodd bynnag,
cyfrifoldeb y Bwrdd Rheoli yw cymryd yr awenau ar hyn, a chytunwyd y dylid
llunio set newydd o werthoedd corfforaethol sy'n glir ac yn gryno.
Amlinellodd Lowri syniadau ar gyfer
ymgorffori system datblygu rheolwyr o fewn y rhaglen ymsefydlu corfforaethol
newydd, a fyddai'n darparu hyfforddiant ar gyfer staff presennol yn ogystal â
staff newydd. Byddai'r system hefyd yn cysylltu gyda'r broses PMDR fel y gellir
canfod darpar reolwyr a'u hyfforddi cyn iddynt ymgymryd â chyfrifoldebau
rheoli.
Cam i’w gymryd: Claire Clancy, Anna Daniel a Lowri
Williams i lunio set newydd o werthoedd.
Yn dilyn trafodaethau ynghylch a oedd unrhyw
weithgareddau yn y ffrydiau gwaith nad oeddent yn flaenoriaethau, cytunodd y
Bwrdd ei bod yn bwysig mynd i'r afael â nhw gan ddilyn trefn ac amserlen gywir.
Ar ôl cael y mewnbwn angenrheidiol, bydd Lowri yn diwygio'r cynllun ac yn
rheoli'r llwyth gwaith, gan lynu at ddull syml a pharhau gyda beth bynnag sydd
eisoes ar waith os yw'n ddigon da.
Cyfarfod: 09/03/2015 - Y Bwrdd Rheoli (Eitem 4)
Agenda Adnoddau Dynol ar gyfer y dyfodol
Cofnodion:
Roedd cyfarfod y Bwrdd Rheoli wedi'i neilltuo i
drafodaethau ar faterion Adnoddau Dynol yn unig. Amlinellodd Lowri Williams bwrpas y sesiwn,
sef nodi'r gwasanaethau presennol a ddarperir gan Adnoddau Dynol ac i roi cyfle
i adolygu'r rhain a chodi materion yn ymwneud â'r gweithlu neu'r gwasanaeth.
Roedd hefyd yn gyfle i drafod blaenoriaethau i'r gweithlu ar gyfer y
Pumed Cynulliad a chytuno ar sut y dylai'r gwasanaeth ddatblygu yn y dyfodol.
Amlinellodd Lowri rai o gyflawniadau niferus y tîm yn
ystod y deuddeg mis diwethaf sydd wedi cyfrannu at drawsnewid Adnoddau Dynol.
Roedd y rhain yn cynnwys: cyflwyno fframwaith cynllunio capasiti blynyddol, a
dull awdurdodi recriwtio diwygiedig; datblygiad o ran cynnydd yn nifer y
sefydliadau partner pobl dduon a lleiafrifoedd ethnig; cynnal digwyddiad ar
gyfer Teuluoedd sy'n Gweithio yn y Cynulliad; gwaith a wnaed ar y fframwaith
amddiffyn plant; arwain ar weithredu system Adnoddau Dynol/Cyflogres - y system
ddwyieithog gyntaf o'i bath; a nifer o 'wythnosau lles' llwyddiannus. Roedd yr
anrhydeddau a gafwyd yn ystod y cyfnod yn cynnwys bod ymhlith y 30 cyflogwr
gorau ar gyfer teuluoedd sy'n gweithio, gwobr 'rownd derfynol' yng ngwobrau
Prentisiaeth y Flwyddyn y DU, ac arolwg Buddsoddwyr mewn Pobl interim
cadarnhaol iawn.
Ystyriodd y Bwrdd Rheoli sut roedd Adnoddau Dynol yn
gweithredu ac yn rhyngweithio â hwy fel cwsmeriaid a beth y gellid ei wneud yn
wahanol. Dywedodd y Bwrdd:
·
fod Adnoddau Dynol yn darparu gwasanaeth da iawn, ond
gallai fod yn fwy rhagweithiol o hyd fel tîm wrth gysylltu â'r busnes;
·
bod ymdeimlad o bwysau a gwasanaethau yn cael eu gwasgu o
fewn y tîm Adnoddau Dynol, yn enwedig oherwydd y lefel o recriwtio, a bod
gorddibyniaeth ar rai unigolion;
·
bod y dull newydd o werthuso swyddi a graddio cymorth
(JEGS) yn ardderchog;
·
y gallai Adnoddau Dynol hyrwyddo ei waith yn well i
helpu'r sefydliad i ddeall llwyth gwaith a chyfrifoldebau'r tîm a'r graddau yr
oeddent yn cefnogi anghenion busnes mewn meysydd gwasanaeth eraill;
·
bod angen eglurder ynghylch recriwtio a chyfrifoldebau
adnoddau dynol yn erbyn meysydd gwasanaeth;
·
bod cymorth rheoli achosion yn
gliriach, yn gyflymach ac yn fwy hyderus, fodd bynnag, gallai hyn gael ei ddal
yn ôl gan ddiffyg eglurder o ganlyniad i'r ffordd yr oedd polisiau wedi cael eu
drafftio; a'i
·
bod yn bwysig cael y cydbwysedd iawn
rhwng darpariaethau dysgu a datblygu ar gyfer anghenion staff a busnes; roedd
angen eglurder ynghylch cyfrifoldebau rheolwyr llinell i ddod o hyd i
hyfforddiant priodol.
Roedd amcan allweddol Adnoddau Dynol
ar gyfer 2014-16, i gryfhau capasiti sefydliadol ymhellach, yn adlewyrchu
sefydliad a oedd eisoes yn gryf ac a oedd, ar y cyfan, yn ardderchog. Fodd bynnag, roedd rhai materion a oedd angen
cefnogaeth Adnoddau Dynol, a meysydd a fyddai'n elwa ar fwy o ddatblygu i
fodloni blaenoriaethau'r sefydliad yn y dyfodol.
Cyflwynodd Lowri'r pum ffrwd waith
allweddol a oedd yn sail i amcan allweddol Adnoddau Dynol ac a fyddai'n siapio
rhaglen waith y gwasanaeth ar gyfer y ddwy flynedd nesaf.
Trafododd y Bwrdd Rheoli'r ffrydiau gwaith a chytunwyd eu
bod yn unol â blaenoriaethau'r sefydliad. Rhoddodd y Bwrdd anogaeth i Adnoddau
Dynol ddychwelyd i'r Bwrdd Rheoli yn gyson er mwyn cael arweiniad ar
weithgareddau allweddol.
Amlinellodd Lowri brosiectau
Adnoddau Dynol oedd ar droed o fewn y model llif gwaith manwl. Roedd y ffrwd
waith ar ymgysylltu'n cynnwys y strategaeth ymgysylltu a'r cynllun gweithredu,
a oedd wedi cael ei ddrafftio ac a fyddai'n cael ei gyflwyno i'r Bwrdd mewn
cyfarfod yn y dyfodol. Mae fideo sefydlu corfforaethol a fyddai'n hwyl, yn real
ac yn groesawgar yn cael ei baratoi. Roedd y polisïau'n cael eu hadolygu i'w
gwneud yn haws i'w darllen, yn hygyrch ac i alluogi staff i'w rhoi ar waith.
Roedd disgwyl yr arolwg staff nesaf ac asesiad Buddsoddwyr mewn Pobl ym mis
Mai. Fodd bynnag, o ganlyniad i'r etholiad roedd disgwyl i ddyddiad yr asesiad
Buddsoddwyr mewn Pobl newid i ddiwedd 2015.
Cytunwyd i ddychwelyd i'r model ffrwd waith manwl yng
nghyfarfod nesaf y Bwrdd Rheoli ar 23 Mawrth.
Camau i’w cymryd: Aelodau'r
Bwrdd Rheoli i ystyried amseriad yr elfennau, blaenoriaethu, bylchau a beth yr
hoffent ei weld yn digwydd o fewn yr elfennau o'r model llif gwaith.