Cyfarfodydd

Bu’r Pwyllgor yn trafod gohebiaeth gan Gyfoeth Naturiol Cymru a chytunwyd i gau’r ddeiseb.  Wrth wneud hynny, cytunwyd y dylid gofyn i’r Pwyllgor Newid Hinsawdd, Amgylchedd a Materion Gwledig nodi’r materion a godwyd gan y Pwyllgor Deisebau wrth iddo drafod ei flaenraglen waith.

Trafododd y Pwyllgor yr ohebiaeth ynghylch y ddeiseb a chytunwyd i:

·         Aros am ymateb gan y Gweinidog a Chyfoeth Naturiol Cymru;

·         Gofyn i’r Pwyllgor Amgylchedd nesaf ystyried y materion a godir gan y ddeiseb, neu, yn dibynnu ar eu hymateb;

·         Gofyn i’r Pwyllgor nesaf i ystyried cynnal darn o waith ei hun ar y materion a nodwyd yn y ddeiseb.

Trafododd y Pwyllgor ohebiaeth ynghylch y ddeiseb a chytunwyd i:

·         ysgrifennu at y Gweinidog Cyfoeth Naturiol ac Emyr Roberts, Prif Weithredwr Cyfoeth Naturiol Cymru i ofyn eu barn ar y gwahaniaeth sydd i'w weld o ran y camau sy'n cael eu cymryd yng Nghymru a Lloegr;

·         disgwyl yr ymateb gan Gymdeithas Yswirwyr Prydain; a

·         gofyn am nodyn gan y Gwasanaeth Ymchwil yn nodi'r gwahaniaeth o ran y camau sy'n cael eu cymryd yng Nghymru a Lloegr.

Trafododd y Pwyllgor yr ohebiaeth ynghylch y ddeiseb a chytunodd i ysgrifennu at:

·         Cyfoeth Naturiol Cymru, i ofyn am farn ar yr ohebiaeth hyd yn hyn;

·         Cymdeithas Yswirwyr Prydain, i ofyn am farn ar y premiymau yswiriant ar gyfer tai sydd wedi cael llifogydd o'r blaen ond sydd mewn ardaloedd risg isel o ran llifogydd; ac

·         archwilio a oes unrhyw waith blaenorol wedi'i wneud gan Bwyllgor arall ar Wrthsefyll Llifogydd.

Trafododd y Pwyllgor yr ohebiaeth ar y ddeiseb a chytunodd i ofyn am sylwadau gan y prif ddeisebydd.   

Trafododd y Pwyllgor y ddeiseb am y tro cyntaf a chytunodd i ysgrifennu at y Gweinidog Cyfoeth Naturiol, Diwylliant a Chwaraeon i ofyn am ei farn am y ddeiseb.