Manylion y penderfyniad

Dadleuon yw un o'r eitemau busnes a fydd yn digwydd amlaf ar agenda'r Cyfarfod Llawn. Cyflwynir sawl math o ddadl yn y Cyfarfod Llawn, gan gynnwys:

• dadleuon yr Wrthblaid am bwnc o'i dewis;

Y Pwyllgor Busnes a fydd yn pennu faint o amser a neilltuir ar gyfer dadleuon nad ydynt yn ddadleuon y Llywodraeth a'r pwyllgor hwnnw hefyd a fydd yn penderfynu pa mor aml y caiff y dadleuon hyn eu cynnal.

Dechreuodd yr eitem am 17.20

 

Gohiriwyd y bleidlais ar y cynnig a’r Gwelliannau o dan yr eitem hon tan y cyfnod pleidleisio.

 

Cynhaliwyd pleidlais ar y Cynnig heb ei ddiwygio:

 

NDM5759 Elin Jones (Ceredigion)

 

Cynnig bod Cynulliad Cenedlaethol Cymru:

 

1. Yn cydnabod nad yw fformiwla gyllido Barnett er budd pennaf Cymru;

 

2. Yn nodi pe bai Cymru'n cael ei hariannu ar yr un sail â'r Alban fesul pen o'r boblogaeth, byddai'n cael £1.2 biliwn ychwanegol bob blwyddyn; a

 

3. Yn galw ar Lywodraeth Cymru i ddadlau'r achos o blaid cyllido Cymru ar yr un sail â'r Alban.

 

O blaid	Ymatal	Yn erbyn	Cyfanswm
9	0	38	47

Gwrthodwyd y Cynnig heb ei ddiwygio.

 

Cyflwynwyd y Gwelliannau a ganlyn:

Gwelliant 1 – Aled Roberts (Gogledd Cymru)

 

Dileu popeth a rhoi yn ei le:

 

1. Yn cydnabod canfyddiadau Comisiwn Holtham fod fformiwla Barnett yn tanwario ar Gymru o ryw £300 miliwn y flwyddyn;

 

2. Yn credu y dylai Cymru gael ei hariannu'n deg;

 

3. Yn galw ar Lywodraeth Cymru i weithio gyda Llywodraeth y DU i:

 

a) comisiynu diweddariad o ddadansoddiad Comisiwn Holtham;

 

b) sefydlu llawr Barnett ar unwaith; ac

 

c) cynyddu'r grant bloc i lefel teg i sicrhau cyllid teg i Gymru.

 

Cynhaliwyd pleidlais ar Welliant 1:

O blaid	Ymatal	Yn erbyn	Cyfanswm
3	0	44	47

Gwrthodwyd Gwelliant 1.

 

Gwelliant 2 – Jane Hutt (Bro Morgannwg)

 

Dileu pwyntiau 2 a 3 ac yn eu lle rhoi:

 

2. Yn nodi bod astudiaethau wedi dod i'r casgliad dro ar ôl tro nad yw Cymru'n cael ei chyllido'n unol â'r angen.

 

3. Yn galw ar Lywodraeth y DU i sicrhau bod Cymru yn cael ei chyllido'n deg drwy weithredu terfyn ariannu isaf sy'n cael cefnogaeth drawsbleidiol.

Cynhaliwyd pleidlais ar Welliant 2:

O blaid	Ymatal	Yn erbyn	Cyfanswm
28	0	19	47

Derbyniwyd Gwelliant 2.

 

Derbyniwyd gwelliant 2, felly cafodd gwelliant 3 ei ddad-ddethol

 

Gwelliant 4 – Paul Davies (Preseli Sir Benfro)

 

Cynnwys pwynt 3 newydd ac ail-rifo yn unol â hynny:

 

Yn croesawu cytundeb Dydd Gŵyl Dewi a'r cynlluniau ar gyfer cyllid gwaelodol ar gyfer Cymru.

Cynhaliwyd pleidlais ar Welliant 4:

O blaid	Ymatal	Yn erbyn	Cyfanswm
13	0	34	47

Gwrthodwyd Gwelliant 4.

 

Derbyniwyd gwelliant 2, felly cafodd gwelliant 5 ei ddad-ddethol

Cynhaliwyd pleidlais ar y Cynnig wedi’i ddiwygio:

 

NDM5759 Elin Jones (Ceredigion)

 

Cynnig bod Cynulliad Cenedlaethol Cymru:

 

1. Yn cydnabod nad yw fformiwla gyllido Barnett er budd pennaf Cymru;

 

2. Yn nodi bod astudiaethau wedi dod i'r casgliad dro ar ôl tro nad yw Cymru'n cael ei chyllido'n unol â'r angen.

 

3. Yn galw ar Lywodraeth y DU i sicrhau bod Cymru yn cael ei chyllido'n deg drwy weithredu terfyn ariannu isaf sy'n cael cefnogaeth drawsbleidiol.

 

O blaid	Ymatal	Yn erbyn	Cyfanswm
47	0	0	47

Derbyniwyd y Cynnig wedi’i ddiwygio.