Manylion y penderfyniad

Dechreuodd yr eitem am 15.58

NDM4889 Jane Hutt (Bro Morgannwg)

Cynnig bod Cynulliad Cenedlaethol Cymru:

Yn nodi’r gwaith sydd wedi’i gyflawni gan Lywodraeth Cymru a’r asiantaethau sy’n bartner iddi i hybu’r agenda Diogelwch Cymunedol ac i greu Cymru ddiogelach i bawb.

Gohiriwyd y bleidlais ar y cynnig a’r gwelliant o dan yr eitem hon tan y cyfnod pleidleisio.

Cyflwynwyd y gwelliannau a ganlyn:

Gwelliant 1 - William Graham (Dwyrain De Cymru)

Dileu popeth ar ôl “iddi” a rhoi yn ei le:

ar yr agenda Diogelwch Cymunedol ac yn galw ar Lywodraeth Cymru i wneud mwy i wella diogelwch cymunedol yng Nghymru, gan ymgysylltu’n llawn â phartneriaid i hybu agenda gynhwysol a chreu Cymru ddiogelach i bawb.

Cynhaliwyd pleidlais ar welliant 1:

Gwrthodwyd gwelliant 1.

Gwelliant 2 - Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn nodi’n benodol gyfraniad cadarnhaol cynghorau lleol i wella diogelwch cymunedol, er enghraifft drwy gyllido Swyddogion Cymorth Cymunedol yr Heddlu a chyflwyno cynlluniau gosod gatiau.

Cynhaliwyd pleidlais ar welliant 2:

Derbyniwyd gwelliant 2.

Gwelliant 3 - Jocelyn Davies (Dwyrain De Cymru)

Cynnwys ar ddiwedd y cynnig:

ond yn credu y byddai hyn yn gwella eto fyth petai plismona’n cael ei ddatganoli i Gymru.

Cynhaliwyd pleidlais ar welliant 3:

Gwrthodwyd gwelliant 3.

Cynhaliwyd pleidlais ar y cynnig:

NDM4889 Jane Hutt (Bro Morgannwg)

Cynnig bod Cynulliad Cenedlaethol Cymru:

Yn nodi’r gwaith sydd wedi’i gyflawni gan Lywodraeth Cymru a’r asiantaethau sy’n bartner iddi i hybu’r agenda Diogelwch Cymunedol ac i greu Cymru ddiogelach i bawb.

Yn nodi’n benodol gyfraniad cadarnhaol cynghorau lleol i wella diogelwch cymunedol, er enghraifft drwy gyllido Swyddogion Cymorth Cymunedol yr Heddlu a chyflwyno cynlluniau gosod gatiau.

Derbyniwyd y cynnig wedi’i ddiwygio.