Manylion y penderfyniad

Dadleuon yw un o'r eitemau busnes a fydd yn digwydd amlaf ar agenda'r Cyfarfod Llawn. Cyflwynir sawl math o ddadl yn y Cyfarfod Llawn, gan gynnwys:

• dadleuon yr Wrthblaid am bwnc o'i dewis;

Y Pwyllgor Busnes a fydd yn pennu faint o amser a neilltuir ar gyfer dadleuon nad ydynt yn ddadleuon y Llywodraeth a'r pwyllgor hwnnw hefyd a fydd yn penderfynu pa mor aml y caiff y dadleuon hyn eu cynnal.

Dechreuodd yr eitem am 16.24

 

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

 

Cynhaliwyd pleidlais ar y cynnig heb ei ddiwygio:

 

NDM5611 Elin Jones (Ceredigion)

 

Cynnig bod Cynulliad Cenedlaethol Cymru:

 

1. Yn gresynu at y ffaith bod y bwlch anghydraddoldeb rhwng y bobl a'r rhanbarthau tlotaf a'r rhai cyfoethocaf wedi tyfu o dan y naill Lywodraeth y DU ar ôl y llall.

 

2. Yn nodi bod GYC y pen yng Ngorllewin Cymru a'r Cymoedd yn 62.7% o gyfartaledd y DU tra bod GYC y pen yng nghanol Llundain yn 308.8%.

 

3. Yn cydnabod yr angen i newid cydbwysedd economi'r DU i ffwrdd o grynodiad o gyfoeth yn ne-ddwyrain Lloegr.

 

4. Yn nodi ffocws strategaeth economaidd Llywodraeth y DU ar y sector gwasanaethau ariannol ac yn nodi ymhellach, er y gall hwn fod yn sector twf yng Nghymru, fod gweithgynhyrchu, cynhyrchu ac allforion wrth wraidd economi Cymru.

 

5. Yn galw ar Lywodraeth Cymru i:

 

a) canolbwyntio ar wireddu ac adeiladu ar botensial economaidd Cymru;

 

b) blaenoriaethu buddsoddiadau seilwaith mewn ardaloedd sydd ei angen fwyaf;

 

c) sefydlu banc busnes sy'n eiddo i'r cyhoedd i gynnig cyllid i fusnesau bach ar gyfraddau cystadleuol; a

 

d) ymestyn y cynllun rhyddhad ardrethi i fusnesau bach i fod yn gymwys i bob busnes sydd â gwerth ardrethol o £15,000 neu lai.

 

O blaid	Ymatal	Yn erbyn	Cyfanswm
10	0	40	50

Gwrthodwyd y cynnig heb ei ddiwygio.

 

Cyflwynwyd y gwelliannau a ganlyn:

 

Gwelliant 1 - Paul Davies (Preseli Sir Benfro)

 

Ym mhwynt 1, ar ôl DU mewnosoder "a Llywodraeth Cymru"

 

Cynhaliwyd pleidlais ar welliant 1:

O blaid	Ymatal	Yn erbyn	Cyfanswm
15	0	35	50

Gwrthodwyd gwelliant 1.

 

Gwelliant 2 - Paul Davies (Preseli Sir Benfro)

 

Cynnwys ar ddiwedd pwynt 3:

 

ac yn cydnabod hefyd yr angen i newid cydbwysedd economi Cymru i ffwrdd o grynodiad o gyfoeth ar hyd coridor de Cymru (yr M4).

 

Cynhaliwyd pleidlais ar welliant 2:

O blaid	Ymatal	Yn erbyn	Cyfanswm
15	0	35	50

Gwrthodwyd gwelliant 2.

 

Gwelliant 3 - Paul Davies (Preseli Sir Benfro)

 

Dileu pwynt 4 a rhoi yn ei le:

 

Yn cydnabod y sefydlogrwydd economaidd sy'n deillio o bolisïau Llywodraeth y DU sydd yn ysgogi twf economaidd ledled y DU.

 

Cynhaliwyd pleidlais ar welliant 3:

O blaid	Ymatal	Yn erbyn	Cyfanswm
15	0	35	50

Gwrthodwyd gwelliant 3.

 

Gwelliant 4 - Jane Hutt (Bro Morgannwg)

 

Dileu is-bwynt 5(d).

 

Cynhaliwyd pleidlais ar welliant 4:

O blaid	Ymatal	Yn erbyn	Cyfanswm
25	5	20	50

Derbyniwyd gwelliant 4.

 

Gwelliant 5 - Aled Roberts (Gogledd Cymru)

 

Cynnwys fel is-bwynt newydd ar ddiwedd pwynt 5:

 

Paratoi strategaeth allforio glir i Gymru i uno dyfeisgarwch sector preifat â chefnogaeth sector cyhoeddus.

 

Cynhaliwyd pleidlais ar welliant 5:

O blaid	Ymatal	Yn erbyn	Cyfanswm
25	0	26	51

Fel sy’n ofynnol o dan Reol Sefydlog 6.20, defnyddiodd y Dirprwy Lwydd ei bleidlais fwrw drwy bleidleisio yn erbyn y gwelliant. Felly, gwrthodwyd y gwelliant.

 

Gwelliant 6 - Paul Davies (Preseli Sir Benfro)

 

Ychwanegu pwynt newydd ar ddiwedd y cynnig:

 

Yn galw ar Lywodraeth Cymru i fabwysiadu cynigion y Ceidwadwyr Cymreig sy'n cynnwys cael gwared ar Cyllid Cymru a sefydlu Buddsoddi Cymru yn ei le.

 

Cynhaliwyd pleidlais ar welliant 6:

O blaid	Ymatal	Yn erbyn	Cyfanswm
10	0	40	50

Gwrthodwyd gwelliant 6.

 

Gwelliant 7 - Paul Davies (Preseli Sir Benfro)

 

Ychwanegu pwynt newydd ar ddiwedd y cynnig:

 

Yn gresynu at y dirywiad yn GYC Cymru o dan 15 mlynedd o Lywodraeth Lafur yng Nghymru.

 

Cynhaliwyd pleidlais ar welliant 7:

O blaid	Ymatal	Yn erbyn	Cyfanswm
15	0	35	50

Gwrthodwyd gwelliant 7.

 

Cynhaliwyd pleidlais ar y cynnig wedi’i ddiwygio:

 

NDM5611 Elin Jones (Ceredigion)

 

Cynnig bod Cynulliad Cenedlaethol Cymru:

 

1. Yn gresynu at y ffaith bod y bwlch anghydraddoldeb rhwng y bobl a'r rhanbarthau tlotaf a'r rhai cyfoethocaf wedi tyfu o dan y naill Lywodraeth y DU ar ôl y llall.

 

2. Yn nodi bod GYC y pen yng Ngorllewin Cymru a'r Cymoedd yn 62.7% o gyfartaledd y DU tra bod GYC y pen yng nghanol Llundain yn 308.8%.

 

3. Yn cydnabod yr angen i newid cydbwysedd economi'r DU i ffwrdd o grynodiad o gyfoeth yn ne-ddwyrain Lloegr.

 

4. Yn nodi ffocws strategaeth economaidd Llywodraeth y DU ar y sector gwasanaethau ariannol ac yn nodi ymhellach, er y gall hwn fod yn sector twf yng Nghymru, fod gweithgynhyrchu, cynhyrchu ac allforion wrth wraidd economi Cymru.

 

5. Yn galw ar Lywodraeth Cymru i:

 

a) canolbwyntio ar wireddu ac adeiladu ar botensial economaidd Cymru;

 

b) blaenoriaethu buddsoddiadau seilwaith mewn ardaloedd sydd ei angen fwyaf;

 

c) sefydlu banc busnes sy'n eiddo i'r cyhoedd i gynnig cyllid i fusnesau bach ar gyfraddau cystadleuol.

 

O blaid	Ymatal	Yn erbyn	Cyfanswm
35	0	15	50

Derbyniwyd y cynnig wedi’i ddiwygio.