Manylion y penderfyniad

Fe wnaeth y Pwyllgor Cyllid ystyried pa mor effeithiol y mae Cronfa Buddsoddi i Arbed Llywodraeth Cymru wedi bod hyd yma. Mae'r Gronfa ar gael i sefydliadau gwasanaethau cyhoeddus a gaiff eu hariannu gan Lywodraeth Cymru, i gefnogi eu prosiectau gwella strategol sy'n arwain at arbedion effeithlonrwydd sylweddol, i ryddhau arian parod, ac i sicrhau bod gwasanaethau effeithiol sy'n canolbwyntio ar y dinesydd yn cael eu darparu.

Yn ystod yr ymchwiliad, fe wnaeth y Pwyllgor drafod:

• pa effaith a gaiff y gronfa Buddsoddi i Arbed, a yw'n cyflawni ei dibenion, i "helpu sefydliadau sy’n darparu gwasanaethau cyhoeddus, trwy sicrhau bod y gwaith o newid eu ffordd o ddarparu gwasanaethau yn mynd rhagddo mewn modd effeithlon, effeithiol a chynaliadwy"?
• i ba raddau y manteisiwyd ar y gronfa?
• pa wersi a ddysgwyd, ac a oes modd i enghreifftiau o ymarfer da gael eu rhannu a'u hymestyn yn ehangach drwy'r sector cyhoeddus?
• pa arbedion a wnaethpwyd o ganlyniad i ddyfarnu rhoddion o'r gronfa?
• a oes unrhyw rwystrau i fanteisio ar y gronfa h.y. a oes unrhyw elfennau o broses y gronfa Buddsoddi i Arbed sy'n ei gwneud yn anodd i gymryd rhan yn y cynllun?

Dechreuodd yr eitem am 17.31

NDM5246 Jocelyn Davies (Dwyrain De Cymru)

Cynnig bod Cynulliad Cenedlaethol Cymru:

Yn nodi adroddiad y Pwyllgor Cyllid ar Fuddsoddi i Arbed a osodwyd yn y Swyddfa Gyflwyno ar 26 Mawrth 2013.

Derbyniwyd y cynnig yn unol â Rheol Sefydlog 12.36.