Manylion y penderfyniad
Dadl ar adroddiad y Pwyllgor Amgylchedd a Chynaliadwyedd ar ei ymchwiliad i reoli tir yn gynaliadwy
Y sawl sy'n gwneud penderfyniad: Y Cyfarfod Llawn - Y Pedwerydd Cynulliad, Y Pwyllgor Amgylchedd a Chynaliadwyedd - Y Pedwerydd Cynulliad
Statws: Wedi’i gwblhau
Is AllweddolPenderfyniad?: Ydy
Diben:
Gwyliwch fideo o’r sesiynau adborth
o’r gweithdy i randdeiliaid i drafod materion allweddol yr ymchwiliad
http://www.youtube.com/watch?v=X2hwb_EtX3U&list=UUfFbE37IX0a-XAKE9yw-CPQ
Ymgynghoriad
WEDI CAU
Cylch gwaith
Dangosodd
digwyddiadau, astudiaethau ac adroddiadau nad oedd dyfodol cynaliadwy ar gyfer
amaethyddiaeth a’n hamgylchedd yn sicr o bell ffordd. Ar ben hyn, roedd agweddau o’r ddau yn
arbennig o fregus a phrin oedd eu gwytnwch yn wyneb newid annisgwyl.
O ran amaethyddiaeth
a’r amgylchedd naturiol, roedd yn glir inni na allem wireddu dyfodol cynaliadwy
i un heb y llall. Dyna pam yr oeddem yn credu ei fod yn bwysig ein bod yn
edrych ar wytnwch a chynaliadwyedd ein harferion o reoli tir a pholisïau yng
Nghymru.
Ein bwriad yw
casglu tystiolaeth a dadansoddi’r materion sy’n codi cyn dod i gasgliadau a
llunio argymhellion i helpu i sicrhau bod Llywodraeth Cymru’n defnyddio’i
hoffer polisi yn y ffordd orau posibl i sicrhau bod ein tir yn cael ei reoli
mewn modd cynaliadwy.
Er mwyn dod
i’r pwynt hwn byddwn yn ystyried tri chwestiwn allweddol:
·
Sut ydym am weld rheoli tir cynaliadwy yng Nghymru’n edrych a pha
ganlyniadau rydym am eu sicrhau, yn y tymor byr, canol tymor a’r hir dymor?
·
Beth yw’r rhwystrau sy’n ein hatal rhag sicrhau’r canlyniadau hyn yn awr?
·
Sut ydym yn goresgyn y sialensiau hyn?
·
Beth yw'r prif yrwyr polisi a sut y gellir llunio hyn i
oresgyn yr heriau hyn?
Wrth wneud
hyn, rydym yn dymuno’n arbennig (ond nid unig) i glywed eich barn ar:
·
Sut yr ydym yn diffinio ecosystemau a gwasanaethau ecosystem allweddol mewn
ffordd sy’n gwneud synnwyr i Gymru?
·
Sut yr ydym yn datblygu llinell sylfaen o ble y gellid mesur cynnydd? Mae
yma’n gynnwys sut yr ydym yn casglu, cydgysylltu a defnyddio data i gefnogi
rheoli tir cynaliadwy yng Nghymru.
·
Pa cymhellion y gallwn eu rhoi i reolwyr tir ddatblygu arferion cynaliadwy
ac yn arbennig unrhyw ffynonellau newydd o fuddsoddiad y gallwn eu denu i
gefnogi rhain?.
·
Sut y gallwn sicrhau bod ein polisiau rheoli tir cynaliadwy yn cynnal
cymunedau gwledig llewyrchus a denu newydd-ddyfodiaid i’r sector diwydiannau'r
tir?
·
Y raddfa(eydd) mwyaf addas ddaearyddol y dylem fod yn sicrhau polisiau ac
arferion rheoli tir cynaliadwy yng Nghymru.
·
Os oes camau allweddol y gallwn eu cymryd i gyflawni atebion sydyn yn y
tymor byr a’r camau y dylem fod yn eu cymryd ar gyfer y tymor hir.
Wrth gynnal yr ymchwiliad hwn, cawsom ein harwain gan farn a safbwyntiau a
fynegwyd wrthym yn ein gweithdy i randdeiliaid ar 3 Gorffennaf 2013. Cynhaliwyd
deialog gyda’r rhanddeiliaid hyn trwy gydol yr ymchwiliad hwn.
Dilynwch yr ymchwiliad
Mae pob cyfarfod lle y cafodd yr ymchwiliad ei ystyried yn ymddangos o dan
y tab 'Cyfarfodydd' uchod.
Mae ymatebion i'r ymgynghoriad, gohebiaeth a dogfennau ysgrifenedig
perthnasol eraill wedi’u cyhoeddi ar waelod y dudalen hon.
Rhagor o wybodaeth
Datblygu
tir yn gynaliadwy astudiaethau achos
Os hoffech unrhyw
wybodaeth bellach, cysylltwch â Chlerc y Pwyllgor at PwyllgorAC@cymru.gov.uk
·
Dychwelyd
i hafan y Pwyllgor
Penderfyniad:
Dechreuodd yr
eitem am 16.27
NDM5554 Alun Ffred Jones (Arfon)
Cynnig bod Cynulliad Cenedlaethol Cymru:
Yn nodi adroddiad y Pwyllgor Amgylchedd a Chynaliadwyedd
ar ei ymchwiliad i Reoli Tir yn Gynaliadwy, a osodwyd yn y Swyddfa Gyflwyno ar
19 Mai 2014.
Derbyniwyd y cynnig yn unol â Rheol Sefydlog 12.36.
Dyddiad cyhoeddi: 10/07/2014
Dyddiad y penderfyniad: 09/07/2014
Penderfynwyd yn y Cyfarfod: 09/07/2014 - Y Cyfarfod Llawn - Y Pedwerydd Cynulliad