Manylion y penderfyniad

Cafodd y Bil Plant a Gwaith Cymdeithasol ei gyflwyno yn Nhŷ’r Arglwyddi ar 19 Mai 2016. Bil Llywodraeth y DU ydoedd, ac fe’i noddwyd gan yr Adran dros Addysg. Roedd y Bil yn ymwneud â phlant sy'n derbyn gofal, lles plant, a’r drefn reoleiddio ar gyfer gweithwyr cymdeithasol.

Roedd y Bil yn ddarostyngedig i'r broses cydsyniad deddfwriaethol o dan Reol Sefydlog 29. Dilynir y broses hon mewn achosion lle mae Llywodraeth y DU yn gofyn am gydsyniad Senedd Cymru i ddeddfu ar fater a allai ddod o fewn cymhwysedd y Senedd fel arfer.

Gosododd Llywodraeth Cymru Femorandwm Cydsyniad Deddfwriaethol mewn perthynas â'r Bil Plant a Gwaith Cymdeithasol (PDF, 18KB) ar 13 Hydref 2016. Ar 18 Hydref 2016, cafodd y Memorandwm Cydsyniad Deddfwriaethol hwn ei gyfeirio gan y Pwyllgor Busnes (PDF, 52KB) at y Pwyllgor Plant, Pobl Ifanc ac Addysg i'w drafod. Y dyddiad cau ar gyfer cyflwyno adroddiad arno oedd 24 Tachwedd 2016. Cyhoeddodd y Pwyllgor Plant, Pobl Ifanc ac Addysg ei adroddiad ar y Memorandwm (PDF, 355KB) ar 22 Tachwedd 2016. Cytunwyd ar y Cynnig Cydsyniad Deddfwriaethol ar gyfer y Bil yn y Cyfarfod Llawn ar 29 Tachwedd 2016.

Gosododd Llywodraeth Cymru Femorandwm Cydsyniad Deddfwriaethol Atodol mewn perthynas â'r Bil Plant a Gwaith Cymdeithasol (PDF, 20KB) ar 10 Tachwedd 2016. Ar 15 Tachwedd 2016, cafodd y Memorandwm Cydsyniad Deddfwriaethol atodol hwn ei gyfeirio gan y Pwyllgor Busnes (PDF, 51KB) at y Pwyllgor Iechyd, Gofal Cymdeithasol a Chwaraeon. Y dyddiad cau ar gyfer cyflwyno adroddiad arno oedd 8 Rhagfyr 2016. Cyhoeddodd y Pwyllgor Iechyd, Gofal Cymdeithasol a Chwaraeon ei adroddiad (PDF, 104KB) ar y Memorandwm atodol ar 5 Rhagfyr 2016. Cytunwyd ar y Cynnig Cydsyniad Deddfwriaethol atodol ar gyfer y Bil yn y Cyfarfod Llawn ar 13 Rhagfyr 2016.

Dechreuodd yr eitem am 17.50

NDM6184 Rebecca Evans (Gŵyr):

Cynnig bod Cynulliad Cenedlaethol Cymru, yn unol â Rheol Sefydlog 29.6 yn cytuno y dylai Senedd y DU ystyried y darpariaethau yn y Bil Plant a Gwaith Cymdeithasol, sy'n ymwneud â gwahardd cyflogwr perthnasol rhag gwahaniaethu yn erbyn person sy'n gwneud cais am swydd gofal cymdeithasol i blant am ei bod yn ymddangos i'r cyflogwr bod yr ymgeisydd wedi gwneud datgeliad gwarchodedig, i'r graddau y maent yn dod o fewn cymhwysedd deddfwriaethol Cynulliad Cenedlaethol Cymru.

Derbyniwyd y cynnig yn unol â Rheol Sefydlog 12.36.