Manylion y penderfyniad

Dadleuon yw un o'r eitemau busnes a fydd yn digwydd amlaf ar agenda'r Cyfarfod Llawn. Cyflwynir sawl math o ddadl yn y Cyfarfod Llawn, gan gynnwys:

• dadleuon yr Wrthblaid am bwnc o'i dewis;

Y Pwyllgor Busnes a fydd yn pennu faint o amser a neilltuir ar gyfer dadleuon nad ydynt yn ddadleuon y Llywodraeth a'r pwyllgor hwnnw hefyd a fydd yn penderfynu pa mor aml y caiff y dadleuon hyn eu cynnal.

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

 

Cynhaliwyd pleidlais ar y cynnig heb ei ddiwygio:

 

NDM4844 William Graham (Dwyrain De Cymru)

 

Cynnig bod Cynulliad Cenedlaethol Cymru:

 

1. Yn cydnabod cyfraniad ac ymrwymiad anferth holl aelodau’r Lluoedd Arfog Cymreig; a

 

2. Yn galw ar Lywodraeth Cymru i:

 

a) cydnabod yn ffurfiol canmlwyddiant y Rhyfel Mawr yn 2014;

 

b) gwneud popeth posibl i roi sylw i anghenion ein lluoedd arfog a chyn-filwyr gydag Anhwylder Straen Wedi Trawma, gan gydnabod y bydd hyn yn golygu ymgysylltu’n uniongyrchol â hwy; ac

 

c) datblygu a gweithredu Cerdyn penodol ar gyfer y Lluoedd Arfog.

 

O blaid	Ymatal	Yn erbyn	Cyfanswm
15	0	37	52

Gwrthodwyd y cynnig heb ei ddiwygio.

 

Cyflwynwyd y gwelliannau a ganlyn:

 

Gwelliant 1 - Jocelyn Davies (Dwyrain De Cymru)

 

Ychwanegu ar ddiwedd is-bwynt 2a):

 

drwy, ymysg pethau eraill, archwilio’r posibilrwydd o sefydlu Sefydliad Heddwch yng Nghymru.

 

Cynhaliwyd pleidlais ar welliant 1:

O blaid	Ymatal	Yn erbyn	Cyfanswm
10	15	28	53

Gwrthodwyd gwelliant 1.

 

Gwelliant 2 - Jane Hutt (Bro Morgannwg)

 

Ym mhwynt c, dileu “datblygu a gweithredu” ac yn ei le rhoi “ystyried gweithredu”

 

 

Cynhaliwyd pleidlais ar welliant 2:

O blaid	Ymatal	Yn erbyn	Cyfanswm
42	0	11	53

Derbyniwyd gwelliant 2.

 

Gan fod gwelliant 2 wedi’i dderbyn, cafodd gwelliant 3 ei ddad-ddethol.

Cynhaliwyd pleidlais ar y cynnig wedi’i ddiwygio:

NDM4844 William Graham (Dwyrain De Cymru)

 

Cynnig bod Cynulliad Cenedlaethol Cymru:

 

1. Yn cydnabod cyfraniad ac ymrwymiad anferth holl aelodau’r Lluoedd Arfog Cymreig; a

 

2. Yn galw ar Lywodraeth Cymru i:

 

a) cydnabod yn ffurfiol canmlwyddiant y Rhyfel Mawr yn 2014;

 

b) gwneud popeth posibl i roi sylw i anghenion ein lluoedd arfog a chyn-filwyr gydag Anhwylder Straen Wedi Trawma, gan gydnabod y bydd hyn yn golygu ymgysylltu’n uniongyrchol â hwy; ac

 

c) ystyried gweithredu Cerdyn penodol ar gyfer y Lluoedd Arfog.

 

O blaid	Ymatal	Yn erbyn	Cyfanswm
52	0	0	52

Derbyniwyd y cynnig wedi’i ddiwygio.