Manylion y penderfyniad

Mae'r Bil Arloesi Meddygol yn Bil Aelod preifat a gyflwynwyd gan yr Arglwydd Saatchi. Y diben a nodwyd ar ei gyfer yw i annog arloesi cyfrifol o ran triniaeth feddygol. Bydd y darpariaethau yn y Bil yn berthnasol i Gymru.

Cyflwynodd Llywodraeth Cymru Femorandwm Cydsyniad Deddfwriaethol ynghylch y Bil Arloesi Meddygol (PDF, 187KB) ar 10 Rhagfyr 2014.  Bu’r Pwyllgor Iechyd a Gofal Cymdeithasol yn cynnal ymgynghoriad ar y Memorandwm Cydsyniad Deddfwriaethol rhwng 16 Rhagfyr 2014 a 9 Ionawr 2015.

Cyfeiriwyd y Memorandwm Cydsyniad Deddfwriaethol at y Pwyllgor Iechyd a Gofal Cymdeithasol gan y Pwyllgor Busnes ar 13 Ionawr 2015, gyda 29 Ionawr 2015 yn ddyddiad terfyn ar gyfer cyflwyno adroddiad yn ei gylch.

Tystiolaeth

Cynhaliodd y Pwyllgor ymgynghoriad i gasglu tystiolaeth am y testun hwn

Adroddiad y Pwyllgor

Cyflwynodd y Pwyllgor ei adroddiad (PDF, 494KB) yn Ionawr 2015.

Cafodd y Cynnig Cydsyniad Deddfwriaethol ei drafod yn y Cyfarfod Llawn ar 3 Chwefror 2015.

Cyhoeddodd y Gweinidog Iechyd a Gwasanaethau Cymdeithasol Ddatganiad Ysgrifenedig ar 31 Mawrth 2015 ar ymateb Llywodraeth y DU i’r bleidlais ar y Cynnig Cydsyniad Deddfwriaethol.

Dechreuodd yr eitem am 17.05

Gohiriwyd y bleidlais ar y cynnig o dan yr eitem hon tan y cyfnod pleidleisio.

NDM5680 Mark Drakeford (Gorllewin Caerdydd)

Cynnig bod Cynulliad Cenedlaethol Cymru, yn unol â Rheol Sefydlog 29.6, yn cytuno y dylai Senedd y DU ystyried y darpariaethau yn y Bil Arloesi Meddygol sy'n ymwneud â thrin a lliniaru clefyd, salwch, anaf, anabledd ac anhwylder meddwl; darparu gwasanaethau iechyd; llywodraethu clinigol a safonau gofal iechyd i'r graddau y maent yn dod o fewn cymhwysedd deddfwriaethol Cynulliad Cenedlaethol Cymru.

Cynhaliwyd pleidlais ar y cynnig:

Gwrthodwyd y cynnig.