P-06-1269 Peidiwch â gadael i'r cynllun redeg allan ar gyfer pobl sy'n marw yng Nghymru
P-06-1269 Peidiwch â gadael i'r cynllun redeg allan ar gyfer pobl sy'n marw yng Nghymru
Cyflwynwyd y ddeiseb hon gan Marie Curie & MNDA, ar ôl casglu cyfanswm
o 2,195 lofnodion.
Geiriad y ddeiseb:
Bob blwyddyn, mae miloedd o bobl yn marw yng Nghymru wedi colli’r cyfle i
gael gofal lliniarol a diwedd oes.
Roedd y cynllun gofal diwedd oes ar gyfer Cymru yn gweithio i drwsio hyn,
ond bydd yn dod i ben ym mis Mawrth. Ar hyn o bryd, nid oes cynllun newydd yn
barod i gymryd ei le.
Mae arnom angen brys am linell amser, cyllid a staff i gyflawni cynllun
newydd.
Peidiwch â gadael i’r cynllun redeg allan heb unrhyw beth i gymryd ei le.
Llofnodwch heddiw a helpwch ni i wneud yn siŵr nad yw teuluoedd yng
Nghymru yn cael eu gadael mewn twll.
Gwybodaeth Ychwanegol:
Rydym yn ddiolchgar bod Llywodraeth Cymru wedi blaenoriaethu gofal
lliniarol a diwedd oes yn Rhaglen Lywodraethu 2021-2026, ond mae’n rhaid gwneud
mwy i sicrhau ein bod yn gweld gweithredu priodol.
Bydd strwythurau llywodraethiant clinigol y systemau iechyd a gofal
cymdeithasol yng Nghymru yn cael eu had-drefnu’n fuan. Ym mis Mawrth 2021,
lansiodd Llywodraeth Cymru gynigion ar gyfer fframwaith clinigol newydd a
Gweithrediaeth newydd ar gyfer GIG Cymru; mae’r fframwaith clinigol yn cynnwys
cynlluniau i ddatblygu Rhaglen benodedig ar gyfer Gofal Lliniarol a Diwedd Oes
a Datganiad Ansawdd Gofal Lliniarol a Diwedd Oes. Y bwriad yw i’r trefniadau
hyn gymryd lle y Cynllun Cyflawni Diwedd Oes cyfredol, a fydd yn dod i ben ar 31
Mawrth 2022.
Mae Rhaglen Gofal Lliniarol a Diwedd Oes i’w chroesawu, ond mae seilwaith
heb adnoddau digonol a phersonél cyfyngedig i’r rhaglen, ynghyd â’r pandemig,
wedi effeithio ar y gallu gyflwyno’r rhaglen newydd yn ôl amserlen briodol.
Gyda diwedd mis Mawrth yn prysur nesáu a heb Raglen Gofal Lliniarol a Diwedd
Oes i’w gweld, mae’n edrych fel na fydd gan Gymru gynllun Gofal Lliniarol a
Diwedd Oes am y tro cyntaf ers degawd.
Statws
Yn ei gyfarfod ar 11/09/2023 penderfynodd y Pwyllgor
Deisebau fod y ddeiseb hon wedi'i chwblhau.
Trafododd y Pwyllgor y ddeiseb a nododd fod y deisebwyr
yn croesawu ymateb y Gweinidog ac yn falch bod ffrydiau gwaith a grwpiau
arbenigol wedi'u sefydlu. Er bod gan y deisebwyr gwestiynau pellach ar y mater,
maent yn cydnabod eu bod yn mynd y tu hwnt i gwmpas y ddeiseb. Yng ngoleuni
hyn, cytunodd yr Aelodau i gau’r ddeiseb a diolch i’r deisebydd am ei
ymgysylltiad parhaus.
Gellir gweld manylion llawn ynghylch trafodaeth y
Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod.
Cafodd ei thrafod gyntaf gan y Pwyllgor Deisebau ar 25/04/2022.
Etholaeth a Rhanbarth y Senedd
- Canol Caerdydd
- Canol De Cymru
Rhagor o wybodaeth
Math o fusnes: Deiseb
Rheswm dros ei ystyried: Busnes y Senedd;
Statws: I'w ystyried
Cyhoeddwyd gyntaf: 19/04/2022