P-06-1255 Sicrhau bod tadau/partneriaid geni yn cael eu cynnwys ym mhob asesiad a gofal drwy gydol y cyfnod amenedigol

P-06-1255 Sicrhau bod tadau/partneriaid geni yn cael eu cynnwys ym mhob asesiad a gofal drwy gydol y cyfnod amenedigol

Wedi'i gwblhau

 

Cyflwynwyd y ddeiseb hon gan Mark Williams, ar ôl casglu cyfanswm o 322 lofnodion.

 

Geiriad y ddeiseb:       

Mae’r pandemig COVID-19 a’r rheoliadau dilynol wedi cael effaith ddinistriol ar lawer o dadau/partneriaid na chawsant eu caniatáu mewn sganiau, asesiadau neu weithiau hyd yn oed enedigaeth y babi. Methodd llawer o dadau'r enedigaeth yn gyfan gwbl tra'n cael eu gadael y tu allan mewn meysydd parcio am oriau a hyd yn oed ddyddiau.

 

Rhaid cydnabod ac adolygu profiadau tadau er mwyn llywio penderfyniadau yn y dyfodol a chanllawiau'r GIG i sicrhau bod tadau/partneriaid yn cael eu trin yn deg ac nad ydynt yn cael eu hallgáu yn y dyfodol - hyd yn oed mewn pandemig.

 

Gwybodaeth Ychwanegol:

Tra bod yr effaith negyddol ar famau wedi’i amlygu, mae hefyd yn bwysig cydnabod yr effaith ar dadau/partneriaid. Mae cael eu hallgáu fel hyn wedi arwain at faterion o ran lles ac iechyd meddwl, gorbryder a phryderon am iechyd y fam a'r babi tra'n cael eu hamddifadu o brofiadau mor werthfawr a phwysig.

 

Fy enw i yw Mark Williams, a dechreuais yr ymgyrch ar gyfer yr Uned Mamau a Babanod yng Nghymru rai blynyddoedd yn ôl. Mae'n gadarnhaol bod polisïau wedi newid ers hynny i fod yn fwy cynhwysol o dadau gan arwain at well canlyniadau i'r teulu cyfan a datblygiad y plentyn.

 

Mae rhagor o fanylion i gefnogi’r ddeiseb hon ar gael yn ein hastudiaeth sy’n awgrymu’r angen i ystyried effeithiau COVID-19 ar dadau hefyd, gan eu bod wedi cael eu hanwybyddu braidd gan waith ymchwil blaenorol sydd wedi canolbwyntio’n bennaf ar famau, ac i gynllunio ymyriadau penodol a all eu hystyried hwy hefyd.

https://pubmed.ncbi.nlm.nih.gov/34510515/ 

Tadolaeth newydd mewn pandemig: Heriau ac adnoddau ar gyfer tadau a phartneriaid newydd yn ystod COVID-19 - https://blogs.surrey.ac.uk/sociology/2020/04/07/new-fatherhood-in-a-pandemic-challenges-and-resources-for-new-fathers-and-partners-during-covid- 19/

 

 

person holding baby feet

 

 

Statws

Yn ei gyfarfod ar 21/03/2022 penderfynodd y Pwyllgor Deisebau fod y ddeiseb hon wedi'i chwblhau.

 

Trafododd y Pwyllgor yr ohebiaeth a ddaeth i law, a nododd fod camau cadarnhaol yn cael eu cymryd i fynd i'r afael â phryderon ynghylch y mater o gynnwys tadau drwy gydol y cyfnod amenedigol. Nododd hefyd fod y deisebydd wedi croesawu'r cyfle i fod yn rhan o lunio gwaith yn y dyfodol a dylanwadu arno. Yn sgil hynny, cytunodd y Pwyllgor i ddiolch i’r deisebydd am godi’r mater pwysig hwn ac am ymgyrchu i sicrhau newid ar ran eraill, a chaeodd y ddeiseb.

 

Gellir gweld manylion llawn ynghylch trafodaeth y Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod.

Cafodd ei thrafod gyntaf gan y Pwyllgor Deisebau ar 21/03/2022.

 

 

Etholaeth a Rhanbarth y Senedd

  • Ogwr
  • Gorllewin De Cymru

 

Rhagor o wybodaeth

Math o fusnes: Deiseb

Rheswm dros ei ystyried: Busnes y Senedd;

Statws: I'w ystyried

Cyhoeddwyd gyntaf: 06/04/2022