Cydsyniad Deddfwriaethol: Bil yr Asiantaeth Ymchwil A Dyfeisio Blaengar
Cydsyniad Deddfwriaethol: Bil yr Asiantaeth Ymchwil A Dyfeisio Blaengar
Cyflwynwyd Bil yr Asiantaeth Ymchwil A
Dyfeisio Blaengar (y Bil) yn Nhŷ'r Cyffredin ar 2 Mawrth 2021.
Mae teitl hir y
Bil yn nodi mai ei ddiben “yw gwneud darpariaeth ar gyfer Sefydliad yr
Asiantaeth Ymchwil a Dyfeisio Blaengar, a dibenion cysylltiedig.”
Mae'r Bil yn
ddarostyngedig i'r broses cydsyniad deddfwriaethol o dan Reol
Sefydlog 29. Mae hwn yn fater lle mae Llywodraeth y DU yn gofyn am
gydsyniad Senedd Cymru i ddeddfu ar
fater sy’n dod o fewn cymhwysedd y Senedd.
Derbyniwyd
y Cynnig Cydsyniad Deddfwriaethol ar gyfer y Bil yr Asiantaeth Ymchwil A
Dyfeisio Blaengar yn y Cyfarfod Llawn ar 7 Rhagfyr 2021.
Gwaith
craffu yn y Chweched Senedd
Memorandwm
Cydsyniad Deddfwriaethol Atodol (Memorandwm Rhif 2) – Tachwedd 2021
Gosododd
Llywodraeth Cymru Femorandwm
Cydsyniad Deddfwriaethol Atodol (PDF 139KB) ar y Bil
gerbron y Cynulliad Cenedlaethol ar 24 Tachwedd 2021.
Cytunodd (PDF
42.1KB) y Pwyllgor Busnes y caiff y Memorandwm Cydsyniad Deddfwriaethol Atodol
ar y Bil yr Asiantaeth Ymchwil A Dyfeisio Blaengar
(Memorandwm Rhif 2) ei drafod ac y gwneir adroddiad arno, i’r Senedd, erbyn
2 Rhagfyr 2022.
Cyhoeddodd y
Pwyllgor Deddfwriaeth, Cyfiawnder a’r Cyfansoddiad ei adroddiad (PDF
192KB) ar 6 Rhagfyr 2021.
Memorandwm Cydsyniad Deddfwriaethol – Gorffennaf 2021
Gosododd
Llywodraeth Cymru Femorandwm
Cydsyniad Deddfwriaethol (PDF 140KB) ar y Bil gerbron y Senedd ar 9
Gorffennaf 2021.
Mae'r Pwyllgor Busnes wedi
cyfeirio'r Memorandwm at y Pwyllgor
yr Economi, Masnach a Materion Gwledig, y Pwyllgor
Plant, Pobl Ifanc ac Addysg, a’r Pwyllgor Deddfwriaeth, Cyfiawnder a’r
Cyfansoddiad, a bydd angen cyflwyno
adroddiad arno erbyn 21 Hydref 2021. (PDF 44.1KB)
Cyhoeddodd y
Pwyllgor Deddfwriaeth, Cyfiawnder a’r Cyfansoddiad ei adroddiad (PDF
258KB) ar 21 Hydref 2021.
Gosododd Pwyllgor yr Economi, Masnach a Materion Gwledig
ei adroddiad
(PDF 116KB) ar 8 Hydref 2021. Ysgrifennodd Cadeirydd y Pwyllgor at Weinidog yr
Economi ar 30 Medi 2021, a chafwyd ymateb
(262 KB) ar 9 Tachwedd 2021
Gellir gweld
rhagor o wybodaeth am ystyriaeth y Senedd o’r Cynnig Cydsyniad Deddfwriaethol,
gan gynnwys gohebiaeth berthnasol, o dan ‘Cyfarfodydd Cysylltiedig’.
Math o fusnes: Cydsyniad Deddfwriaethol
Statws: Wedi’i gwblhau
Cyhoeddwyd gyntaf: 15/07/2021