P-06-1163 Dylid ymestyn y fwrsariaeth STEMM ôl-raddedig i bob myfyriwr MSc yng Nghymru
P-06-1163 Dylid ymestyn y fwrsariaeth STEMM ôl-raddedig i bob myfyriwr MSc yng Nghymru
Cyflwynwyd y ddeiseb hon gan
Rachel Wrathall, ar ôl casglu cyfanswm o 88 lofnodion.
Geiriad y ddeiseb:
Ym
mis Mehefin 2019 cyhoeddodd Llywodraeth Cymru gynllun bwrsariaethau i gynyddu
nifer y graddedigion o Gymru sy’n aros yng Nghymru neu’n dychwelyd i Gymru i
astudio gradd meistr mewn Gwyddoniaeth, Technoleg, Peirianneg, Mathemateg neu
Feddygaeth (a elwir hefyd yn bynciau 'STEMM'). Ar hyn o bryd mae’r cyllid hwn
yn berthnasol i brifysgolion traddodiadol yn unig, sy’n eithrio myfyrwyr sy'n
dewis gradd Meistr mewn pwnc STEMM trwy ddarparwyr eraill. Mae hyn yn eithrio
rhai myfyrwyr y mae angen mwy o hyblygrwydd arnynt o ran y pwnc STEMM neu sut
caiff y cwrs ei gyflwyno.
Gwybodaeth
Ychwanegol:
Argymhellodd
adolygiad Diamond y dylid ymdrechu “i alluogi myfyrwyr i astudio yn y modd sy’n
gweddu orau i’w hamgylchiadau”. (Adolygiad o Drefniadau Cyllido Addysg Uwch a
Chyllid Myfyrwyr yng Nghymru, 2016).
Ar
hyn o bryd nid oes hawl gan fyfyrwyr sy'n astudio ar gyfer gradd Meistr STEMM
yn Ysgol yr Amgylchedd yng Nghanolfan y Dechnoleg Amgen (CAT) ym Machynlleth
gael bwrsariaeth STEMM gan Lywodraeth Cymru. Mae’r cyrsiau a ddarperir yn CAT
yn canolbwyntio’n benodol ar gynaliadwyedd, sy'n cyd-fynd ag ymdrechion
Llywodraeth Cymru i newid cwrs Cymru tuag at lwybr mwy cynaliadwy (e.e. trwy'r
egwyddorion a amlinellir yn Neddf Llesiant Cenedlaethau'r Dyfodol (Cymru)
2015).
Mae
dull addysgu hyblyg yn CAT, ac yn wahanol i brifysgolion traddodiadol, mae'n
galluogi myfyrwyr i astudio ar gyfer gradd Meistr a addysgir gan barhau â’u
gwaith/cyfrifoldebau gofalu.
Credwn
fod eithrio myfyrwyr STEMM mewn sefydliadau fel CAT rhag gallu cael arian
bwrsariaeth STEMM yn mynd yn groes i nodau’r polisi bwrsariaeth STEMM.
Statws
Yn ei gyfarfod ar 17/10/2022 penderfynodd y Pwyllgor
Deisebau fod y ddeiseb hon wedi'i chwblhau.
Trafododd y Pwyllgor y ddeiseb a chytunwyd ei fod wedi mynd â’r mater cyn
belled ag y gall fel pwyllgor a chytunodd i gau’r ddeiseb ac i ddiolch i’r
deisebydd.
Gellir gweld manylion llawn ynghylch trafodaeth y Pwyllgor o'r ddeiseb hon
a'r dogfennau cysylltiedig ar y tab Cyfarfodydd uchod.
Cafodd ei thrafod gyntaf gan y Pwyllgor Deisebau ar 16/07/2021.
Etholaeth a Rhanbarth y Senedd
- Bro Morgannwg
- Canol De Cymru
Rhagor o wybodaeth
- Hafan y Pwyllgor Deisebau
- Gweld pob deiseb sydd ar agor
- Gweld pob deiseb mae’r pwyllgor bellach
yn ystyried
- Sut mae proses Ddeisebu yn gweithio
Math o fusnes: Deiseb
Rheswm dros ei ystyried: Busnes y Senedd;
Statws: I'w ystyried
Cyhoeddwyd gyntaf: 09/07/2021
Dogfennau