P-05-1128 Canslo 'asesiadau' allanol ar gyfer cymwysterau Uwch Gyfrannol a Safon Uwch yn 2021 a defnyddio graddau a aseswyd gan athrawon yn unig
P-05-1128 Canslo 'asesiadau' allanol ar gyfer cymwysterau Uwch Gyfrannol a Safon Uwch yn 2021 a defnyddio graddau a aseswyd gan athrawon yn unig
P-05-1128 Canslo 'asesiadau' allanol ar gyfer cymwysterau
Uwch Gyfrannol a Safon Uwch yn 2021 a defnyddio graddau a aseswyd gan athrawon
yn unig
Cyflwynwyd y ddeiseb hon gan
Levi Phillips, ar ôl casglu cyfanswm o 8,728 lofnodion.
Geiriad y ddeiseb:
Mae
pethau wedi bod yn anodd iawn i fyfyrwyr eleni ac mae hynny wedi arwain at
hunan-barch isel a phroblemau iechyd meddwl. Prin bod myfyrwyr wedi bod mewn
ystafell ddosbarth ac eto, mae disgwyl i ni sefyll asesiadau a gaiff eu gosod
yn allanol er nad ydym wedi cael gwybod fawr ddim am y rhain. Nid ydym yn dysgu
yn ein cartrefi. Pan fyddaf yn mynd i'r ysgol rwy'n ymwybodol ei bod hi'n amser
dysgu ond mae dysgu yn ein cartrefi’n wahanol iawn i ddysgu mewn ystafell
ddosbarth lle rydych chi wyneb yn wyneb ag athro neu athrawes.
Gwybodaeth
Ychwanegol:
Y
llynedd, roeddem yn yr ysgol am y rhan fwyaf o’r amser ac eto, cafodd
arholiadau eu canslo a gallwn gymharu hyn ag eleni, pan gawsom ein tynnu o’r
ysgol yn gyson, mae ysgolion wedi bod ar gau ac yna’u hailagor ac mae myfyrwyr
wedi bod yn mewn panig yn gyson oherwydd y teimlad hwnnw o gael eich cadw yn y
tywyllwch ac eto, mae rhyw fath o arholiadau rydych chi’n eu galw'n 'asesiadau'
yn dal i fynd rhagddynt. Mae Lloegr bellach wedi penderfynu defnyddio graddau a
aseswyd gan athrawon, sy'n benderfyniad anhygoel, ac sy'n dangos eu bod yn
gwerthfawrogi myfyrwyr eu gwlad ac sy'n dangos eu bod yn parchu athrawon ac yn
ymddiried ynddynt. Credaf y dylem efelychu penderfyniad Lloegr i helpu i
leddfu’r pryder y mae pob myfyriwr ar hyd a lled Cymru yn ei deimlo ar hyn o
bryd. Mae myfyrwyr yn teimlo diffyg cysylltiad â’r llywodraeth gan ei bod yn
ymddangos nad yw’n poeni amdanom. Nid ydym yn gwybod beth i adolygu ar ei
gyfer! Nid ydym yn gwybod beth sydd o'n blaenau yn yr “amseroedd digynsail”
hyn! Ac nid ydym yn gwybod a yw ein llywodraeth o’n plaid ni ynteu yn ein
herbyn ni!
Statws
Yn ei gyfarfod ar
02/03/2021 penderfynodd y Pwyllgor Deisebau fod y ddeiseb hon wedi'i chwblhau.
Trafododd y
Pwyllgor y ddeiseb am y tro cyntaf a chytunodd i nodi'r ddeiseb a'r
penderfyniad y mae Llywodraeth Cymru wedi’i wneud ers hynny i ganslo asesiadau
allanol ar gyfer 2021. Yng ngoleuni’r penderfyniad hwn, cytunodd y Pwyllgor i
gau'r ddeiseb a diolch i'r deisebydd.
Gellir gweld
manylion llawn ynghylch trafodaeth y pwyllgor o'r ddeiseb hon a'r dogfennau
cysylltiedig ar y tab Cyfarfodydd uchod.
Cafodd ei
hystyried gyntaf gan y Pwyllgor Deisebau ar 02/03/2021.
Etholaeth a Rhanbarth y Senedd
- Rhondda
- Canol De Cymru
Rhagor o wybodaeth
- Hafan y Pwyllgor Deisebau
- Gweld pob deiseb sydd ar agor
- Gweld pob deiseb mae’r pwyllgor bellach
yn ystyried
- Sut mae proses Ddeisebu yn gweithio
Math o fusnes: Deiseb
Rheswm dros ei ystyried: Busnes y Senedd;
Statws: Wedi’i gwblhau
Cyhoeddwyd gyntaf: 11/02/2021