P-05-1117 Rhowch y Brechlyn COVID i Swyddogion yr Heddlu fel blaenoriaeth
P-05-1117 Rhowch y Brechlyn COVID i Swyddogion yr Heddlu fel blaenoriaeth
P-05-1117 Rhowch y Brechlyn COVID i Swyddogion yr Heddlu
fel blaenoriaeth
Cyflwynwyd y ddeiseb hon gan Graham Bishop, ar ôl casglu cyfanswm o 10,879 lofnodion.
Geiriad y ddeiseb:
Nid
yw swyddogion yr heddlu ar y rhestr flaenoriaeth i gael y brechlyn COVID-19, er
eu bod mewn swyddi risg uchel.
Gwybodaeth
Ychwanegol
Mae fy mab yn heddwas a gafodd ei heintio â COVID
wrth arestio aelod o'r cyhoedd. Ar hyn o bryd, mae wedi bod i ffwrdd o'r gwaith
am 4 wythnos a phennwyd na fydd yn dychwelyd tan ddiwedd mis Rhagfyr.
Trosglwyddodd y feirws i'w wraig oedd yn feichiog iawn, ac aeth hi yn ei thro
i’r ward COVID yn yr ysbyty. Bu'n rhaid iddi gael toriad Cesaraidd ar frys, a
ganed yr efeilliaid ddeufis yn rhy gynnar. Dyw’r heddlu ddim yn unig yn peryglu
eu hunain o ddydd i ddydd, maen nhw hefyd yn peryglu eu teuluoedd. At hynny,
mae colli amser plismona’n gryn straen ar yr heddlu pan fod ei swyddogion
adre’n sâl gyda COVID.
Statws
Yn ei gyfarfod ar
02/03/2021 penderfynodd y Pwyllgor Deisebau fod y ddeiseb hon wedi'i chwblhau.
Trafododd y
Pwyllgor yr ohebiaeth a gafwyd cyn y ddadl yn y Cyfarfod Llawn sydd ar y gweill
ar 3 Mawrth, a chytunodd y dylid cau'r deisebau yn dilyn y ddadl, o ystyried y
bydd y Pwyllgor wedi gwneud popeth yn ei allu i godi proffil y mater hwn ac yng
nghyd-destun y cyngor a'r argymhellion y mae’r JCVI yn eu rhoi.
Gellir gweld
manylion llawn ynghylch trafodaeth y pwyllgor o'r ddeiseb hon a'r dogfennau
cysylltiedig ar y tab Cyfarfodydd uchod.
Cafodd ei
hystyried gyntaf gan y Pwyllgor Deisebau ar 26/02/2021.
Etholaeth a Rhanbarth y Senedd
- Bro Morgannwg
- Canol De Cymru
Rhagor o wybodaeth
- Hafan y Pwyllgor Deisebau
- Gweld pob deiseb sydd ar agor
- Gweld pob deiseb mae’r pwyllgor bellach
yn ystyried
- Sut mae proses Ddeisebu yn gweithio
Math o fusnes: Deiseb
Rheswm dros ei ystyried: Busnes y Senedd;
Statws: Wedi’i gwblhau
Cyhoeddwyd gyntaf: 21/01/2021