P-05-1113 Cyflwyno mesurau diogelwch ar y ffyrdd ar yr A44 yn Llanbadarn Fawr, Ceredigion
P-05-1113 Cyflwyno mesurau diogelwch ar y ffyrdd ar yr A44 yn Llanbadarn Fawr, Ceredigion
P-05-1113 Cyflwyno mesurau diogelwch ar y ffyrdd ar yr
A44 yn Llanbadarn Fawr, Ceredigion
Cyflwynwyd y ddeiseb hon gan
Daniel Evans, ar ôl casglu cyfanswm o 242 lofnodion.
Geiriad y ddeiseb:
Mae’r
A44 yn gefnffordd bwysig i gerbydau sy’n teithio i gyfeiriad Aberystwyth. Mae’r
ffordd yn mynd heibio i’r ystâd ddiwydiannol, o dan y rheilffordd ac yn mynd
drwy bentref poblog Llanbadarn Fawr ac mae’n aml yn brysur wrth i gerddwyr,
beicwyr a thraffig trwm deithio arni. Yn aml iawn, rhaid i gerddwyr redeg o dan
bont y rheilffordd gan nad oes llwybr troed a chroesi’r A44 ar gornel ddall ym
Mwllhobi, sy’n rhan o’r pentref. Rydym wedi anfon sylwadau at Lywodraeth Cymru
ond nid yw wedi cymryd unrhyw gamau eto.
Gwybodaeth
Ychwanegol:
Rydym
yn galw am fesurau diogelwch gwell ar gefnffordd yr A44 yn Llanbadarn Fawr,
Ceredigion, sef:
-
terfyn cyflymder o 20mya,
-
croesfan i gerddwyr ym Mhwllhobi
-
twnnel ar gyfer llwybr troed o dan y rheilffordd.
Statws
Yn ei gyfarfod ar
09/02/2021 penderfynodd y Pwyllgor Deisebau fod y ddeiseb hon wedi'i chwblhau.
Trafododd y
Pwyllgor y ddeiseb am y tro cyntaf a nododd ddatganiad Gweinidog yr Economi,
Trafnidiaeth a Gogledd Cymru y dylid gosod croesfan ac ystyried ymgymryd â
rhagor o waith yn ystod y flwyddyn ariannol nesaf. Nododd y Pwyllgor hefyd y
datganiad y bydd angen i'r awdurdod lleol arwain ymgynghoriad cymunedol
ynghylch a ddylid cynnwys y rhan hon o'r ffordd wrth weithredu terfyn cyflymder
diofyn 20mya yn genedlaethol, a daeth i'r casgliad nad oedd llawer y gallai ei
wneud ar lefel genedlaethol ar hyn o bryd. Cytunodd y Pwyllgor, felly, i
ysgrifennu at y deisebydd i ddiolch iddo am godi’r mater, ac awgrymu y dylai
ofyn i Gyngor Sir Ceredigion ystyried ymateb i’r Dirprwy Weinidog, a chaewyd y
ddeiseb.
Gellir gweld
manylion llawn ynghylch trafodaeth y pwyllgor o'r ddeiseb hon a'r dogfennau cysylltiedig
ar y tab Cyfarfodydd uchod.
Cafodd ei
hystyried gyntaf gan y Pwyllgor Deisebau ar 09/02/2021.
Etholaeth a Rhanbarth y Senedd
- Ceredigion
- Canolbarth a Gorllewin Cymru
Rhagor o wybodaeth
- Hafan y Pwyllgor Deisebau
- Gweld pob deiseb sydd ar agor
- Gweld pob deiseb mae’r pwyllgor bellach
yn ystyried
- Sut mae proses Ddeisebu yn gweithio
Math o fusnes: Deiseb
Rheswm dros ei ystyried: Busnes y Senedd;
Statws: Wedi’i gwblhau
Cyhoeddwyd gyntaf: 01/02/2021