P-05-1031 Atal yr arfer o ddargyfeirio Cerbydau Nwyddau Trwm drwy ardaloedd preswyl
P-05-1031 Atal yr arfer o ddargyfeirio Cerbydau Nwyddau Trwm drwy ardaloedd preswyl
P-05-1031 Atal yr arfer o ddargyfeirio Cerbydau Nwyddau
Trwm drwy ardaloedd preswyl
Cyflwynwyd y ddeiseb hon gan
Vivienne Blondek, ar ôl casglu cyfanswm o 53 lofnodion.
Geiriad y ddeiseb:
Rydym
yn galw ar Gynulliad Cenedlaethol Cymru i annog Llywodraeth Cymru i atal yr
arfer o ddargyfeirio Cerbydau Nwyddau Trwm drwy ardaloedd preswyl. Mae'r ffyrdd
mabwysiedig hyn y mae'r Cyngor Sir yn gyfrifol amdanynt, yn cael eu defnyddio i
ddargyfeirio Cerbydau Nwyddau Trwm pan fydd cefnffyrdd ar gau, gan greu risg
sylweddol i'r preswylwyr, eu heiddo a'r ffyrdd.
Gwybodaeth
Ychwanegol
Mae tystiolaeth gref fod preswylwyr yn
dioddef amddifadedd cwsg difrifol oherwydd bod Cerbydau Nwyddau Trwm yn mynd
heibio i'w heiddo o fewn troedfeddi. Mae hyn yn creu sŵn a bydd waliau a
drysau eu cartrefi'n dirgrynu bob tro y bydd Cerbyd Nwyddau Trwm yn mynd heibio
pan gânt eu dargyfeirio dros nos tra bydd cefnffyrdd yn cael eu trwsio. Hefyd,
maent yn bygwth saernïaeth eu cartrefi. Mae diffyg cwsg, am gyfnod byr neu am
gyfnod hwy, yn effeithio cryn dipyn ar weithgareddau bob dydd ac mae'r cynnydd
mewn allyriadau afiach hefyd yn ychwanegu at y peryglon. Gellid osgoi hyn i gyd
drwy baratoi cynlluniau a strategaethau ar gyfer systemau gwrthlif.
Ni chafodd y ffyrdd hyn eu hadeiladu ar gyfer
traffig trwm ac mae Cynghorau Sir yn brwydro'n barhaus i drwsio'u ffyrdd. Ni
chafodd eiddo preswyl hŷn nac eiddo preswyl mwy diweddar, eu hadeiladu i
ymdopi â'r holl Gerbydau Nwyddau Trwm sy'n teithio ar ein ffyrdd heddiw. Mae ffyrdd osgoi wedi'u hadeiladu i osgoi
ardaloedd preswyl ac ers hynny, mae traffig o'r math hwn wedi cynyddu'n sylweddol. Nid yw'n dderbyniol
bellach ystyried dargyfeirio Cerbydau Nwyddau Trwm ar hyd priffyrdd cyhoeddus
sy'n mynd drwy ardaloedd dwys eu poblogaeth.
Statws
Yn ei gyfarfod ar 03/11/2020 penderfynodd y Pwyllgor
Deisebau fod y ddeiseb hon wedi'i chwblhau.
Nododd y Pwyllgor y ddeiseb a’r ohebiaeth a
gafwyd. Cytunodd, o ystyried yr amgylchiadau penodol a arweiniodd at godi'r
ddeiseb, y byddai'n fwy priodol pe bai Aelodau lleol yn mynd i'r afael â'r
materion. Felly, cytunodd y Pwyllgor i gau’r ddeiseb a diolch i’r deisebwyr.
Gellir gweld manylion llawn ynghylch trafodaeth y
pwyllgor o'r ddeiseb hon a'r dogfennau cysylltiedig ar y tab Cyfarfodydd uchod.
Cafodd ei hystyried gyntaf gan y Pwyllgor Deisebau
ar 03/11/2020.
Etholaeth a Rhanbarth y Senedd
- Alun a Glannau Dyfrdwy
- Gogledd Cymru
Rhagor o wybodaeth
- Hafan y Pwyllgor Deisebau
- Gweld pob deiseb sydd ar agor
- Gweld pob deiseb mae’r pwyllgor bellach
yn ystyried
- Sut mae proses Ddeisebu yn gweithio
Math o fusnes: Deiseb
Rheswm dros ei ystyried: Busnes y Senedd;
Statws: Wedi’i gwblhau
Cyhoeddwyd gyntaf: 29/09/2020