P-05-992 Rydym yn galw ar Lywodraeth Cymru i greu corff cyffredin o wybodaeth am Hanes Cymru fydd pob disgybl yn ei ddysgu
P-05-992 Rydym yn galw ar Lywodraeth Cymru i greu corff cyffredin o wybodaeth am Hanes Cymru fydd pob disgybl yn ei ddysgu
P-05-992 Rydym yn galw ar Lywodraeth Cymru i greu corff
cyffredin o wybodaeth am Hanes Cymru fydd pob disgybl yn ei ddysgu
Cyflwynwyd y ddeiseb hon gan
Elfed Wyn Jones, ar ôl casglu cyfanswm o 7,927 lofnodion.
Geiriad y ddeiseb:
Mae
Hanes Cymru'n bwysig i bob un disgybl, gan ei fod o'n rhoi cefndir am hanes ein
Cenedl a'n treftadaeth i bawb sy'n mynd drwy'r system addysg. Mae yna agweddau
o Hanes Cymru, megis Cyfreithiau Hywel Dda, Gwrthryfel Glyndŵr a Boddi
Capel Celyn yn perthyn i bob cymuned yng Nghymru. Mae'n bryderus felly fod
Llywodraeth Cymru wedi penderfynu ymwrthod ag argymhelliad y pwyllgor
Diwylliant, Y Gymraeg a Chyfathrebu i greu corff cyffredin o wybodaeth ar gyfer
yr holl ddisgyblion sy'n astudio hanes - Mae'n bwysig creu cwricwlwm Hanes
Cymru lle mae disgyblion yn dysgu am ddigwyddiadau a materion sy'n
genedlaethol, yn ogystal â dysgu am Hanes eu cymunedau a'u hardaloedd nhw.
Statws
Yn ei gyfarfod ar
15/12/2020 penderfynodd y Pwyllgor Deisebau fod y ddeiseb hon wedi'i chwblhau.
Cytunodd y
Pwyllgor i nodi'r cyfraniadau a wnaed yn ystod y ddadl yn y Cyfarfod Llawn ar 4
Tachwedd, yr ymatebion ysgrifenedig a gafwyd, a'r argymhelliad ynglŷn â hanes Cymru a wnaed gan y Pwyllgor PPIA yn ei adroddiad craffu Cyfnod 1 ar
y Bil Cwricwlwm ac Asesu (Cymru).
Gan fod dadl
bellach wedi’i chynnal, mae gwaith craffu yn cael ei wneud gan bwyllgor arall,
a chan fod Estyn yn cynnal adolygiad o’r modd yr addysgir hanes Cymru, daeth y
Pwyllgor i’r casgliad nad oes llawer pellach y gallai’r Pwyllgor Deisebau ei
gyflawni ar hyn o bryd. Cytunodd i gau'r ddeiseb a diolch i'r deisebydd am ei
ymgyrchu parhaus ar y pwnc hwn.
Gellir gweld
manylion llawn ynghylch trafodaeth y pwyllgor o'r ddeiseb hon a'r dogfennau
cysylltiedig ar y tab Cyfarfodydd uchod.
Cafodd ei
hystyried gyntaf gan y Pwyllgor Deisebau ar 15/09/2020.
Etholaeth a Rhanbarth y Senedd
- Dwyfor Meirionnydd
- Canolbarth a Gorllewin Cymru
Rhagor o wybodaeth
- Hafan y Pwyllgor Deisebau
- Gweld pob deiseb sydd ar agor
- Gweld pob deiseb mae’r pwyllgor bellach
yn ystyried
- Sut mae proses Ddeisebu yn gweithio
Math o fusnes: Deiseb
Rheswm dros ei ystyried: Busnes y Senedd;
Statws: Wedi’i gwblhau
Cyhoeddwyd gyntaf: 21/07/2020