P-05-923 Ydych chi'n gwrando arnom ni? Hawliau a Pharch i Addysg yn y Cartref!
P-05-923 Ydych chi'n gwrando arnom ni? Hawliau a Pharch i Addysg yn y Cartref!
P-05-923 Ydych chi’n gwrando arnom ni? Hawliau a Pharch i
Addysg yn y Cartref!
Cyflwynwyd y ddeiseb hon gan
Mountain Movers Education Charity, ar ôl casglu cyfanswm o 512 lofnodion.
Geiriad y ddeiseb:
Nid yw'r canllawiau statudol drafft ar gyfer
addysg yn y cartref yn addas at y diben. Bydd yn parhau â'r elyniaeth rhwng
awdurdodau lleol ac addysgwyr yn y cartref, a hynny oherwydd yr iaith a
ddefnyddir yn y ddogfen a'r nodau y mae am i awdurdodau lleol eu cyflawni.
Nid oes cefnogaeth ddilys yn cael ei darparu ar
gyfer addysgwyr yn y cartref. Nid yw addysgwyr yn y cartref yn cael eu
hamddiffyn, eu parchu na'u gwerthfawrogi. Nid yw'r ddogfen hon yn eu cydnabod
nac yn eu cefnogi mewn unrhyw ffordd ddilys nac effeithiol.
Rydym yn gofyn i'r Cynulliad Cenedlaethol
ymchwilio i'r rôl a'r pwysau y mae Swyddfa'r Comisiynydd Plant wedi'u rhoi ar
Lywodraeth Cymru mewn perthynas ag addysg yn y cartref, ac i ba raddau y mae
hyn wedi llywio'r canllawiau o'i gymharu â mewnbwn rhanddeiliaid yn y gymuned
addysg yn y cartref.
Rydym yn gofyn i'r Cynulliad ymchwilio i lefel
ymgysylltiad y Comisiynydd Plant â phlant sy'n cael eu haddysgu yn y cartref,
ac o ystyried faint o waith ymgysylltu y mae hi wedi'i wneud, pam nad yw hi
wedi gwrando ar eu barn am addysg yn y cartref a'i bod yn parhau â'i hymgyrch
yn erbyn addysgwyr yn y cartref.
Rydym yn gofyn i'r Cynulliad ymchwilio i weld
pam nad oes mesurau yn y canllawiau hyn sy'n amddiffyn addysgwyr yn y cartref
ac yn dwyn awdurdodau lleol i gyfrif yn eu hymddygiad mewn perthynas ag
addysgwyr yn y cartref.
Rydym yn gofyn i'r Cynulliad ymchwilio i weld
pam nad yw'r canllawiau'n sôn am gyfeirio at elusennau addysg yn y cartref
Cymru, nac yn argymell y dylid cyfeirio atynt, a hynny er gwaethaf y ffaith mai
dyma'r cyrff gorau ar gyfer rhoi cymorth ac eiriolaeth i addysgwyr yn y cartref
yng Nghymru.
Rydym yn gofyn i'r Cynulliad ymchwilio i weld pa
adborth y mae Llywodraeth Cymru wedi'i gael gan randdeiliaid sylfaenol ac a yw
Llywodraeth Cymru wedi cynrychioli eu safbwyntiau a'u hanghenion yn deg i'r un
graddau ag amcanion y Comisiynydd Plant a'r awdurdodau lleol.
Statws
Yn
ei gyfarfod ar 07/07/2020 penderfynodd y Pwyllgor Deisebau fod y ddeiseb hon
wedi'i chwblhau.
Trafododd
y Pwyllgor y ddeiseb ochr yn ochr â P-05-922
Tynnu’n ôl y canllawiau arfaethedig ar gyfer addysg yn y cartref. Yn sgil
cyhoeddiad y Gweinidog Addysg na fydd y diwygiadau arfaethedig i’r canllawiau
a’r rheoliadau addysg yn y cartref yn parhau yn ystod tymor y Senedd hon,
cytunodd y Pwyllgor i gau’r deisebau, gan ddiolch i bawb sydd wedi ymgysylltu â
nhw ynghylch y mater hwn.
Gellir
gweld manylion llawn ynghylch trafodaeth y pwyllgor o'r ddeiseb hon a'r
dogfennau cysylltiedig ar y tab Cyfarfodydd uchod.
Cafodd
ei hystyried gyntaf gan y Pwyllgor Deisebau ar 03/12/2019.
Etholaeth a Rhanbarth y Senedd
- Castell-nedd
- Gorllewin De Cymru
Rhagor o wybodaeth
- Hafan y Pwyllgor Deisebau
- Gweld pob deiseb sydd ar agor
- Gweld pob deiseb mae’r pwyllgor bellach yn
ystyried
- Sut mae proses Ddeisebu yn gweithio
Math o fusnes: Deiseb
Statws: Wedi’i gwblhau
Cyhoeddwyd gyntaf: 04/11/2019