P-05-848 Rhowch gyfle i Fyfyrwyr Cymru ddewis yr opsiwn astudio gorau ar eu cyfer hwy
P-05-848 Rhowch gyfle i Fyfyrwyr Cymru ddewis yr opsiwn astudio gorau ar eu cyfer hwy
P-05-848
Rhowch gyfle i Fyfyrwyr Cymru ddewis yr opsiwn astudio gorau ar eu cyfer hwy
Cyflwynwyd y ddeiseb hon gan Sharon Ellis, ar ôl casglu
127 o lofnodion.
Geiriad
y ddeiseb
Rydym yn galw ar Gynulliad Cenedlaethol Cymru i annog Llywodraeth Cymru i
sicrhau bod yr un trefniadau ariannu ar gael i fyfyrwyr ble bynnag mae nhw'n
dewis astudio, a bod yr opsiynau ariannu hefyd ar gael i fyfyrwyr sydd eisoes
wedi dechrau ar eu hastudiaethau.
Ar hyn o bryd mae gan fyfyrwyr y dewis i astudio yn y DU
ac Iwerddon ac mae rhywfaint o opsiynau astudio yn Ewrop ar gael, ond pam na
allant astudio ar gyfer gradd gydnabyddedig ledled y byd os yw'r rhaglen y
maent yn ei dewis yr un mwyaf addas i'w hamcanion gyrfa cyffredinol.
Yn 2017, derbyniwyd Georgia Ellis ar y cwrs Doethuriaeth
mewn Ffisiotherapi ym Mhrifysgol Quinnipiac yn yr Unol Daleithiau. Mae'r radd
bagloriaeth yn radd y celfyddydau breiniol sy'n cwmpasu amrywiaeth o bynciau
safonol, gan gynnwys siarad cyhoeddus, ac fel rhan o'r broses o ennill ei gradd
israddedig bydd Georgia'n astudio maes arall o'i dewis, sef Astudiaethau
Busnes. Er bod y rhain yn fanteision gwych, dewisodd Georgia yr opsiwn astudio
hwn gan mai ei huchelgais yw dod yn ffisiotherapydd ar gyfer tîm chwaraeon yn y
pen draw, ac oherwydd yr amlygiad i dimau chwaraeon y byddai'n ei gael yng
nghanolfan bwrpasol hyfforddiant iechyd y Brifysgol arbennig hon.
Pam na all myfyrwyr fanteisio ar yr un trefniadau ariannu
ag y byddai ganddynt yma yn y DU ar gyfer cyllido opsiynau astudio eraill. Mae
stori Georgia yn ddim ond un enghraifft o safon dda myfyrwyr y DU, ond mae
llawer mwy.
Arwyddwch y ddeiseb hon i gefnogi'r opsiynau sydd ar gael
i fyfyrwyr presennol a myfyrwyr y dyfodol.
Statws
Yn ei gyfarfod ar 15/01/2019
penderfynodd y Pwyllgor
Deisebau fod y ddeiseb hon wedi'i chwblhau.
Trafododd y Pwyllgor ohebiaeth oddi
wrth y Gweinidog Addysg ynghyd â sylwadau pellach gan y deisebydd a chytunodd i
gau'r ddeiseb yn sgil yr ymateb diamwys a gafwyd gan y Gweinidog Addysg a'r
ffaith ei bod hi'n debyg nad oes gobaith gwirioneddol o newid yr agwedd hon ar
bolisi cyllido myfyrwyr.
Gellir gweld manylion llawn ynghylch
trafodaeth y pwyllgor o'r ddeiseb hon a'r dogfennau cysylltiedig ar y tab
Cyfarfodydd uchod.
Cafodd ei hystyried gyntaf gan y
Pwyllgor Deisebau ar 13/11/2018.
Etholaeth a Rhanbarth y Cynulliad
• Alun a Glannau Dyfrdwy
• Gogledd Cymru
Rhagor o wybodaeth
- Dysgwch
fwy am broses ddeisebau'r Cynulliad
- Llofnodwch
e-ddeiseb
- Sut
mae proses Ddeisebu yn gweithio
Math o fusnes: Deiseb
Rheswm dros ei ystyried: Busnes y Senedd;
Statws: Wedi’i gwblhau
Cyhoeddwyd gyntaf: 06/11/2018