Cynhaliodd y Pwyllgor Plant, Pobl Ifanc ac Addysg ymgynghoriad i ystyried i ba raddau y mae polisïau a rhaglenni Llywodraeth Cymru yn cefnogi rôl rhieni yn y blynyddoedd cynnar, yn y cyfnod cyn geni ac yn ystod dwy flynedd gyntaf bywyd plentyn ac, yn hollbwysig, pa mor effeithiol yw’r rhain o ran cefnogi galluoedd a datblygiad emosiynol a chymdeithasol plant.

Trafododd y Pwyllgor y dystiolaeth a ddaeth i law yn y cyfarfod ar 22 Mawrth. Cytunodd i gynnal nifer o ymholiadau pwnc penodol:

• Ymchwiliad i Iechyd Meddwl Amenedigol (Mawrth 2017)
• Ymchwiliad i raglen Dechrau'n Deg: allgymorth (Gorffennaf 2017)