P-04-677 Mynediad Cyfartal i’r Iaith Gymraeg
P-04-677 Mynediad Cyfartal i’r Iaith Gymraeg
Cyflwynwyd y ddeiseb hon gan Remigijus Šiaučiūnas
ar ôl casglu 45 Llofnod.
Geiriad
y ddeiseb
Dylai'r Gymraeg fod mor hygyrch â'r Saesneg. Yn anffodus,
nid dyma'r sefyllfa. Rwyf yn siarad o brofiad. Rwyf wedi symud i Gymru, a
hoffwn ddysgu o leiaf ychydig o Gymraeg. Mae dod o hyd i ddosbarth Saesneg sy'n
rhad ac am ddim yn gymharol hawdd, ond mae'n amhosibl dod o hyd i ddosbarth
Cymraeg sy'n rhad ac am ddim.
Mae'r Ddeddf Cydraddoldeb yn datgan na ddylai unrhyw un
gael ei drin yn llai ffafriol nag unrhyw un arall yn sgil ei genedligrwydd,
tarddiad ethnig neu genedlaethol, crefydd, cred grefyddol neu athronyddol neu
ddiffyg crefydd neu gred.
Dylai'r broses o ddysgu Cymraeg fod mor hygyrch â dysgu
Saesneg i bawb, gan gynnwys mewnfudwyr cenhedlaeth gyntaf.
Etholaeth a Rhanbarth y Cynulliad
·
Canol Caerdydd
·
Canol De Cymru
Math o fusnes: Deiseb
Rheswm dros ei ystyried: Busnes y Senedd;
Statws: I'w ystyried
Cyhoeddwyd gyntaf: 08/02/2016