Cynhaliodd y Pwyllgor Menter a Busnes ymchwiliad i gyfleoedd cyflogaeth i bobl dros 50 oed.

Cylch gorchwyl

• Y rhwystrau sy'n wynebu pobl dros 50 oed wrth iddynt geisio ailymuno â'r farchnad lafur
• Y graddau y ceir gwahaniaethu ar sail oed a'r effaith ar recriwtio pobl dros 50 oed
• A oes unrhyw anfanteision pan fo pobl dros 50 oed yn ailymuno â'r farchnad lafur
• Effeithiolrwydd Strategaeth Llywodraeth Cymru ar gyfer Pobl Hŷn yng Nghymru 2013-23 wrth helpu pobl dros 50 oed i gael gwaith
• Y cymorth sydd fwyaf effeithiol i bobl dros 50 oed sy'n ceisio ailymuno â'r farchnad lafur (yn benodol, rhaglenni a phrosiectau).

Fel rhan o'r cylch gorchwyl hwn, roedd y Pwyllgor wedi ystyried:

• Argaeledd ac addasrwydd cyfleoedd swyddi lleol
• Yr angen am gymorth perthnasol a hyfforddiant sgiliau
• Anawsterau o ran trafnidiaeth, gan gynnwys argaeledd a chost (yn enwedig mewn ardaloedd gwledig)
• Diffyg hyder (er enghraifft, ar ôl dileu swyddi)
• Helpu a chynorthwyo pobl sydd â heriau ychwanegol (er enghraifft, y rhai sydd ag anabledd)
• Y rhwystrau posibl i bobl dros 50 oed gael gafael ar gyflogaeth oherwydd cyfrifoldebau gofalu (er enghraifft, gofalu am rieni hŷn)
• Rôl pobl dros 50 oed wrth fentora gweithwyr iau a throsglwyddo eu sgiliau a'u gwybodaeth
• Sut y gall pobl dros 50 oed sy'n ailymuno â'r farchnad lafur effeithio ar nifer y swyddi a chyfleoedd datblygu gyrfa sydd ar gael i weithwyr iau
• Helpu'r rhai mewn ardaloedd lle y mae lefel uchel o ddiweithdra
• Effaith a gwerth am arian cyllid Ewropeaidd.

Tystiolaeth gan y Cyhoedd

Cynhaliodd y Pwyllgor ymgynghoriad cyhoeddus i gasglu tystiolaeth am y testun yma.