Cydsyniad Deddfwriaethol: Bil Cyllid (Rhif 2)

Cyflwynwyd y Bil Cyllid (Rhif 2) yn Nhŷ’r Cyffredin ar 2 Rhagfyr 2025. 

Mae enw hir y Bil yn nodi ei fod yn Fil i wneud darpariaeth mewn cysylltiad â chyllid.

Mae’r Bil yn ddarostyngedig i’r broses cydsyniad deddfwriaethol o dan Reol Sefydlog 29. Dyma pryd mae Llywodraeth y DU yn ceisio cydsyniad Senedd Cymru i ddeddfu ar fater sy’n dod o fewn cymhwysedd y Senedd.

Derbyniwyd y Cynnig Cydsyniad Deddfwriaethol ar gyfer y Bil yn y Cyfarfod Llawn ar 3 Chwefror 2026.

Memorandwm Cydsyniad Deddfwriaethol – Rhagfyr 2025

Gosododd Llywodraeth Cymru Femorandwm Cydsyniad Deddfwriaethol (PDF 113KB) ar y Bil gerbron y Senedd ar 16 Rhagfyr 2025. 

Ar 16 Rhagfyr 2025, cytunodd y Pwyllgor Busnes i wahodd y Pwyllgor Cyllid a’r Pwyllgor Deddfwriaeth, Cyfiawnder a’r Cyfansoddiad i ystyried y Memorandwm Cydsyniad Deddfwriaethol gyflwyno adroddiad i’r Senedd erbyn 30 Ionawr 2026 (PDF 77KB).

Cyhoeddodd y Pwyllgor Deddfwriaeth, Cyfiawnder a’r Cyfansoddiad ei adroddiad (PDF 200KB) ar 29 Ionawr 2026.