Ymgynghoriad
Minnau hefyd!
- Mae’r ymgynghoriad hwn wedi dod i ben. Cynhaliwyd yr ymgynghoriad rhwng Dydd Gwener, 5 Hydref 2018 a Dydd Gwener, 14 Rhagfyr 2018
- Gwybodaeth gefndir i'r ymgynghoriad
- Gweld yr holl ymgynghoriadau presennol
Ymateb i'r ymgynghoriad
Tystiolaeth a gyflwynwyd mewn ymateb i’r Ymgynghoriad
- CP01 - Traddodiadau Cerdd Cymru (Saesneg yn unig) PDF 46 KB
- CP02 - Datblygu Celfyddydau Caerffili (Saesneg yn unig) PDF 76 KB
- CP03 - Cered PDF 140 KB
- CP04 - Cartrefi Cymunedol Gwynedd (Saesneg yn unig) PDF 45 KB
- CP05 - Cyngor Celfyddydau Cymru (Saesneg yn unig) PDF 1014 KB
- CP06 - Age Cymru (Saesneg yn unig) PDF 757 KB
- CP07 - Cyngor Bwrdeistref Sirol Rhondda Cynon Taf PDF 856 KB
- CP08 - Llenyddiaeth Cymru PDF 916 KB
- CP09 - RCAHMW (Saesneg yn unig) PDF 3 MB
- CP10 - Kids in Museums PDF 75 KB
- CP11 - Urdd Gobaith Cymru PDF 58 KB
- CP12 - Cymdeithas Llywodraeth Leol Cymru PDF 753 KB
- CP13 - Coleg Brenhinol Cerdd a Drama Cymru (Saesneg yn unig) PDF 1 MB
- CP14 - Cyngor Bwrdeistref Sirol (Saesneg yn unig) PDF 782 KB
- CP15 - Ffederasiwn Amgueddfeydd ac Orielau Celf Cymru (Saesneg yn unig) PDF 731 KB
- CP16 - Cyngor Gwynedd PDF 76 KB
- CP17 - Sefydliad Bevan (Saesneg yn unig) PDF 809 KB
- CP18 - Amgueddfa Cymru (Saesneg yn unig) PDF 735 KB
- CP19 - Celfyddydau Gwirfoddol Cymru (Saesneg yn unig) PDF 1 MB
Diben yr ymgynghoriad
Mae’r Pwyllgor
Diwylliant, y Gymraeg a Chyfathrebu yn ystyried sut y gall cyrff sy’n cael eu
hariannu’n gyhoeddus ddefnyddio diwylliant i fynd i’r afael â thlodi ac allgau
cymdeithasol yng Nghymru.
Dywedwch wrthym beth ydych chi’n ei feddwl mewn ymateb
i’r cwestiynau canlynol. Mae croeso i
chi ymdrin ag unrhyw faterion eraill yn eich ymateb:
- Pa mor effeithiol y mae Llywodraeth Cymru wedi bod o ran gwella
cyfranogiad a mynediad at ddiwylliant i bobl mewn tlodi?
- Pa mor effeithiol y mae ymdrechion cyrff a noddir gan Lywodraeth Cymru
(sef Cyngor y Celfyddydau, yr Amgueddfa Genedlaethol, y Llyfrgell
Genedlaethol a Chomisiwn Brenhinol Henebion Cymru) a llywodraeth leol wedi
bod i ddefnyddio diwylliant i drechu tlodi;
- Pa effaith mae rhaglen Cyfuno Llywodraeth Cymru wedi’i chael ar
ddefnyddio diwylliant i fynd i’r afael â thlodi?
- Pa mor effeithiol mae rhaglenni arloeswyr Cyfuno wedi bod wrth ysgogi
cydweithredu lleol?
Anfonwch eich sylwadau atom drwy e-bost at SeneddDGCh@cynulliad.cymru.
Gofynnwn i’r holl gyfraniadau ein cyrraedd ni cyn 14 Rhagfyr 2018. Ar ôl y
dyddiad hwn, bydd y Pwyllgor yn ystyried yr ymatebion ac yn penderfynu sut i
symud yr ymchwiliad ymlaen.
Y
cefndir
Mae gan y Pwyllgor ddiddordeb mewn sut y gall y cyrff a
ariennir yn gyhoeddus ddefnyddio diwylliant i fynd i’r afael ag effeithiau tlodi
ac allgáu cymdeithasol. Pan fyddwn yn cyfeirio at gyrff a ariennir yn
gyhoeddus, rydym yn cynnwys awdurdodau lleol, safleoedd treftadaeth, theatrau,
ysgolion, amgueddfeydd, archifau a llyfrgelloedd.
Un o’r ffyrdd y mae Llywodraeth Cymru wedi ymdrin â’r mater
hwn yw drwy raglen o weithgareddau lle mae sefydliadau cenedlaethol yn
cydweithio ag awdurdodau lleol ac arweinwyr cymunedau, ymhlith blaenoriaethau
eraill, i gyflwyno ffyrdd newydd o leihau rhwystrau a mynediad at y sefydliadau
diwylliannol cenedlaethol, ac i greu fframweithiau newydd ar gyfer ymgysylltu a
chyflawni’n lleol. Mae Llywodraeth Cymru wedi galw’r rhaglen hon yn Cyfuno.
Cynlluniwyd y rhaglen i gefnogi clystyrau Cymunedau yn
Gyntaf wrth gysylltu â sefydliadau diwylliannol. Cydgysylltwyd y rhaglen gan
Is-adran Amgueddfeydd, Archifau a Llyfrgelloedd Llywodraeth Cymru.
Mae Llywodraeth Cymru hefyd wedi defnyddio ei nawdd i
gyrff cenedlaethol i’w cyfeirio i ddefnyddio eu harian gan y llywodraeth i
leihau tlodi a mynd i’r afael ag allgau cymdeithasol. Er enghraifft, mae
llythyrau cylch gwaith presennol Cyngor
y Celfyddydau, y
Llyfrgell Genedlaethol, yr
Amgueddfa Genedlaethol a Chomisiwn Brenhinol Henebion Cymru yn cyfeirio at
y sefydliadau hyn yn parhau i gyfrannu at y rhaglen Cyfuno.
Cyflwyno
Tystiolaeth Ysgrifenedig
Mae gan Gynulliad Cenedlaethol Cymru ddwy iaith
swyddogol, sef Cymraeg a Saesneg.
Yn unol â Chynllun
Ieithoedd Swyddogol y Cynulliad, mae'r Pwyllgor yn gofyn i ddogfennau neu
ymatebion ysgrifenedig i ymgynghoriadau y bwriedir eu cyhoeddi neu eu defnyddio
yn nhrafodion y Cynulliad Cenedlaethol gael eu cyflwyno yn ddwyieithog. Pan na
chaiff dogfennau neu ymatebion ysgrifenedig eu cyflwyno yn ddwyieithog, byddwn
yn cyhoeddi yn yr iaith a gyflwynwyd, gan ddweud eu bod wedi dod i law yn yr
iaith honno'n unig.
Rydym yn disgwyl i sefydliadau eraill weithredu eu
safonau neu eu cynlluniau eu hunain a chydymffurfio â'u rhwymedigaethau
statudol.
Gweler y canllawiau
ar gyfer y sawl sy’n cyflwyno tystiolaeth I bwyllgor.
Datgelu
gwybodaeth
Gwnewch yn saff eich bod wedi ystyried polisi’r
Cynulliad o ran datgelu gwybodaeth cyn cyflwyno gwybodaeth i’r Pwyllgor.
Manylion cyswllt
Pe hoffech siarad â rhywun am yr ymgynghoriad hwn, defnyddiwch y manylion cyswllt isod:
Pwyllgor Diwylliant, y Gymraeg a Chyfathrebu
Senedd Cymru
Bae Caerdydd
Caerdydd
CF99 1SN
Email: SeneddDGCh@@senedd.cymru
Ffôn: 0300 200 6565