Agenda a Chofnodion

1.1        Croesawodd y Cadeirydd yr Aelodau i’r Pwyllgor.

1.2        Cafwyd ymddiheuriadau gan Vikki Howells MS, a oedd wedi nodi ymlaen llaw ei bod yn fodlon â’r adroddiad drafft a fyddai’n cael ei drafod yn ystod eitem 4.

2.1 Cafodd y papurau eu nodi.

PAC(5)-09-21 Papur 1 – Llythyr oddi wrth yr Ysgrifennydd Parhaol, Llywodraeth Cymru (5 Mawrth 2021)

3.1 Trafododd yr Aelodau y llythyr gan yr Ysgrifennydd Gwladol a chytunwyd y byddai’r Cadeirydd yn ysgrifennu yn ôl i ofyn bod yr ymateb yn cael ei anfon at Gadeirydd newydd y Pwyllgor perthnasol yn y Senedd nesaf.

PAC(5)-09-21 Papur 2 – Adroddiad Drafft

4.1 Trafododd yr Aelodau yr Adroddiad Gwaddol, gan gytuno arno yn amodol ar nifer o ddiwygiadau. Caiff yr adroddiad terfynol ei gyhoeddi erbyn diwedd mis Mawrth 2021.

5.1 Nododd y Cadeirydd mai dyma gyfarfod olaf y Pwyllgor Cyfrifon Cyhoeddus yn y bumed Senedd. Diolchodd i’r Aelodau presennol a’r Aelodau blaenorol am eu gwaith ar y pwyllgor ac am ymgysylltu â’i waith.

5.2 Aelodau blaenorol y pwyllgor oedd:

·         Mike Hedges;

·         Neil McEvoy;

·         Lee Waters;

·         Jack Sargeant;

·         Neil Hamilton;

·         Adam Price; ac

·         Angela Burns.

5.3 Hefyd, talodd y Cadeirydd deyrnged i Mohammad Asghar, a fu farw ym mis Mehefin 2020. Ychwanegodd fod y pwyllgor hwn a’r pwyllgorau blaenorol wedi bod yn ffodus iawn o gael Oscar yn aelod ohonynt.

5.4 Talodd aelodau’r pwyllgor ac Archwilydd Cyffredinol Cymru deyrnged i Nick Ramsay AS am y ffordd gydsyniol, cynhwysol ac arloesol y llwyddodd i gadeirio’r pwyllgor yn ystod y pum mlynedd diwethaf. Gwnaethant oll ddymuno’n dda iddo at y dyfodol

5.5 Hefyd, talodd y Cadeirydd deyrnged i’r gefnogaeth a gafodd gan yr Archwilydd Cyffredinol presennol a’i ragflaenydd, yn ogystal â thîm yr Archwilydd Cyffredinol, y Clercod a’r holl staff cymorth yng Nghomisiwn y Senedd.

5.6 Dymunodd y Cadeirydd yn dda i bawb at y dyfodol.