Agenda a Chofnodion

Croesawodd y Cadeirydd bawb i’r cyfarfod.

Cafwyd ymddiheuriadau gan Rhys ab Owen AS.

Trafododd y Pwyllgor y ddeiseb a dywedodd Joel James ei fod o blaid cynnal refferendwm. Nododd Aelodau eraill fod nifer o bwyllgorau’r Senedd wedi ystyried y mater yn ofalus iawn, ac roeddent i gyd wedi argymell bod angen cynyddu nifer yr Aelodau o’r Senedd er mwyn medru craffu’n effeithiol ar Lywodraeth Cymru.  Bydd Llywodraeth Cymru hefyd yn cyflwyno Bil Diwygio’r Senedd yn y flwyddyn newydd a bydd hwn eto’n gyfle i’r Senedd drafod y materion hyn a chraffu arnynt. O ystyried hynny, cytunodd y Pwyllgor i gau’r ddeiseb, gan ddiolch i’r deisebydd.

Trafododd y Pwyllgor y ddeiseb a nododd y byddai gwaith ymgysylltu ac ymgynghori â rhanddeiliaid yn mynd rhagddo pe bai cais yn cael, neu’n debygol o gael, ei gyflwyno ar gyfer datblygiad o arwyddocâd cenedlaethol. O ystyried hyn, cytunodd yr Aelodau nad oedd fawr ddim arall y gallent ei wneud fel Pwyllgor ac y dylid cau’r ddeiseb a diolch i’r deisebydd.

Trafododd y Pwyllgor y ddeiseb a chytunodd i’w chau o ystyried bod y Gweinidog wedi rhannu canfyddiadau ei grŵp gyda’r Gweinidog cyfatebol yn Llywodraeth y DU, a bod ymchwiliad cyhoeddus wedi cadarnhau bod angen cyfarpar atal pysgod acwstig.

Trafododd y Pwyllgor y dystiolaeth a chytunodd i ysgrifennu at Gomisiynydd Cenedlaethau’r Dyfodol i ofyn am ei farn am hyn a gohebiaeth diweddaraf y deisebydd.

Trafododd y Pwyllgor y ddeiseb, a chytunodd i aros am ganlyniadau’r ymgynghoriad a gynhaliwyd yn ddiweddar ynghylch eithriadau.

Bydd y Pwyllgor yn trafod y ddeiseb eto ymhen tri mis.

Trafododd y Pwyllgor y ddeiseb a nododd y bydd sesiwn bord gron yn cael ei chynnal i drafod y mater hwn ar ddiwedd y cyfarfod cyhoeddus. Cytunodd yr Aelodau i adrodd yn ôl i’r Pwyllgor pan fyddai’n cyfarfod rywdro eto i drafod y camau nesaf i’w cymryd mewn perthynas â’r ddeiseb.

Ystyriodd y Pwyllgor y ddeiseb a nododd y ddadl a gynhaliwyd yn ddiweddar yn y Senedd. Diolchodd i’r deisebwyr am godi’r mater pwysig hwn ac am eu sylwadau diweddaraf.

Diolchodd y Cadeirydd i’r Aelodau a gymerodd ran yn y ddadl a chaeodd y ddeiseb.   

Trafododd y Pwyllgor y ddeiseb a gofynnodd i swyddogion baratoi papur cwmpasu ynghylch sut y gallai’r Pwyllgor gefnogi’r digwyddiad roedd y deisebwr am ei gynnal yn y Senedd i dynnu sylw at yr heriau cysylltiedig â’r pryniant corfforaethol o’r proffesiwn milfeddygol yng Nghymru.

Derbyniwyd y cynnig

Trafododd y Pwyllgor ei flaenraglen waith.

Cynhaliodd y Pwyllgor drafodaeth bord gron ar y mater gyda nifer o randdeiliaid allanol.