Agenda a Chofnodion

1.1              John Griffiths oedd yn cadeirio’r eitem gyntaf fel y Cadeirydd dros dro dynodedig a chroesawodd yr Aelodau i gyfarfod y Pwyllgor Safonau Ymddygiad. Ni chafwyd datganiadau o fuddiant.

1.2              Esgusododd Vikki Howells a Peredur Owen Griffiths eu hunain ar gyfer yr eitem gyntaf. Roedd Rhianon Passmore a Rhun ap Iorwerth yn bresennol yn eu lle.

2.1 Trafododd y Pwyllgor adroddiad gan y Comisiynydd Safonau yn unol â Rheol Sefydlog 22.2(i).

3.1 Cytunodd y Pwyllgor i ofyn i'r Llywydd ysgrifennu at yr holl Aelodau yn eu hatgoffa o'r rheolau ar weithredu Grwpiau Trawsbleidiol yn ogystal â'u cyfrifoldebau fel Cadeiryddion Grwpiau Trawsbleidiol.

3.2 Cytunodd y Pwyllgor i ofyn i'r Llywydd gadarnhau sefyllfa'r tri grŵp sy’n ymddangos yn segur, gan gynnwys a ydynt wedi cwrdd neu'n bwriadu cwrdd, neu a ydynt am ddadgofrestru'n wirfoddol.

4.1 Cytunodd y Pwyllgor i dreialu’r defnydd o Microsoft Forms ar gyfer cyflwyno newidiadau i'r Gofrestr Buddiannau.

5.1 Trafododd y Pwyllgor y papur a chytunwyd o fwyafrif na fyddai adolygiad sylfaenol o ddefnydd Grwpiau Trawsbleidiol o adnoddau'r Senedd.

5.2 Cytunodd y Pwyllgor i ysgrifennu at y Prif Weithredwr er mwyn canfod sut mae'r rheolau ariannol ar hyn o bryd yn gweithredu mewn perthynas â phresenoldeb Aelodau mewn cyfarfodydd a digwyddiadau Grwpiau Trawsbleidiol.

5.3 Cytunodd y Pwyllgor i nifer o fân newidiadau i'r rheolau presennol a gofyn i swyddogion eu diweddaru yng ngoleuni hyn. Bydd y Pwyllgor yn dychwelyd i drafod y rheolau diweddaraf mewn cyfarfod yn y dyfodol.

6.1 Trafododd y Pwyllgor adroddiad gan y Comisiynydd Safonau yn unol â Rheol Sefydlog 22.2(i).