Agenda a Chofnodion

Cytunodd y Pwyllgor i ethol Carolyn Thomas AS yn Gadeirydd dros dro yn unol â Rheol Sefydlog 17.22.

2.1.      Croesawodd y Cadeirydd yr Aelodau i gyfarfod y Pwyllgor Llywodraeth Leol a Thai.

Yr Athro Jo Richardson, Deon Cyswllt Ymchwil ac Arloesedd / Athro ym maes Tai ac Ymchwil Gymdeithasol, Prifysgol De Montfort

Allison Hulmes, Cyfarwyddwr Cenedlaethol, BASW Cymru

3.1. Clywodd y Pwyllgor dystiolaeth gan:

Yr Athro Jo Richardson, Deon Cyswllt Ymchwil ac Arloesedd / Athro ym maes Tai ac Ymchwil Gymdeithasol, Prifysgol De Montfort

Allison Hulmes, Cyfarwyddwr Cenedlaethol, BASW Cymru

3.2. Yn ystod y dystiolaeth, cytunodd yr Athro Jo Richardson i ddarparu’r canlynol:

·         copi o'r adroddiad a luniwyd ar gyfer Sefydliad Joseph Rowntree;

·         copïau o'r adroddiadau sy'n cynnwys enghreifftiau o arferion gorau awdurdodau lleol.

3.3. Yn ystod y sesiwn dystiolaeth, cytunodd Allison Hulmes i ddarparu copi o ymchwil a gynhaliwyd yn 2022 gan “The British Journal of Social Work” yn ymwneud â gor-gynrychiolaeth plant Sipsiwn, Roma a Theithwyr sy’n cael eu hatgyfeirio at wasanaethau lles plant neu sy’n derbyn gofal y wladwriaeth.

Prif Gwnstabl Carl Foulkes, Heddlu Gogledd Cymru

Prif Gwnstabl Pam Kelly, Heddlu Gwent

Dafydd Llywelyn, Comisiynydd Heddlu a Throseddu, Heddlu Dyfed-Powys

4.1. Clywodd y Pwyllgor dystiolaeth gan:

Prif Gwnstabl Carl Foulkes, Heddlu Gogledd Cymru

Prif Gwnstabl Pam Kelly, Heddlu Gwent

Dafydd Llywelyn, Comisiynydd Heddlu a Throseddu, Heddlu Dyfed-Powys

4.2. Yn ystod y sesiwn dystiolaeth, cytunodd y Prif Gwnstabl Carl Foulkes i ddarparu copi o dull pum cam Heddlu Gogledd Cymru ar gyfer ymgysylltu â chymunedau, sef yr hyn a ddefnyddiwyd cyn gweithredu deddfwriaeth yn ystod y pandemig Covid.

4.3. Yn ystod y sesiwn dystiolaeth, cytunodd Dafydd Llywelyn i ddarparu’r canlynol:

·         nodyn briffio yn ymwneud â nifer y gwersylloedd anghyfreithlon sydd gan Sipsiwn, Roma a Theithwyr yng Nghymru;

·         gwybodaeth bellach yn ymwneud â fforwm ieuenctid cymunedol Sipsiwn, Roma a Theithwyr yn sir Benfro.

5.1.a. Nododd y Pwyllgor y llythyr gan y Cwnsler Cyffredinol a Gweinidog y Cyfansoddiad at Gadeirydd y Pwyllgor Deddfwriaeth, Cyfiawnder a’r Cyfansoddiad mewn perthynas â goblygiadau rhaglen ddeddfwriaethol arfaethedig Llywodraeth y DU ar gyfer y Senedd.

5.2.a. Nododd y Pwyllgor y llythyr gan y Gweinidog Newid Hinsawdd ynghylch ail gartrefi.

5.3.a. Nododd y Pwyllgor y llythyr gan y Gweinidog Newid Hinsawdd mewn perthynas â diogelwch adeiladau.

Naomi Alleyne, Cyfarwyddwr Materion Gwasanaethau Cymdeithasol a Thai, Cymdeithas Llywodraeth Leol Cymru

Tim Peppin, Cyfarwyddwr Materion Adfywio a Datblygu Cynaladwy, Cymdeithas Llywodraeth Leol Cymru

Daniel Hurford, Pennaeth Polisïau - Gwella a Llywodraethu, Cymdeithas Llywodraeth Leol Cymru

6.1. Clywodd y Pwyllgor dystiolaeth gan:

Naomi Alleyne, Cyfarwyddwr, Gwasanaethau Cymdeithasol a Thai, Cymdeithas Llywodraeth Leol Cymru

Tim Peppin, Cyfarwyddwr Adfywio a Datblygu Cynaliadwy, Cymdeithas Llywodraeth Leol Cymru

Daniel Hurford, Pennaeth Polisi, Cymdeithas Llywodraeth Leol Cymru

6.2. Yn ystod y sesiwn dystiolaeth, cytunodd Cymdeithas Llywodraeth Leol Cymru i ddarparu’r canlynol:

·         ffigurau ar gyfer y safleoedd Sipsiwn, Roma a Theithwyr lle mae cais am ganiatâd cynllunio wedi llwyddo, a’r tir a brynwyd wedi hynny

·         ffigurau ar gyfer y blynyddoedd o hyfforddiant i gynghorwyr ledled Cymru ynglŷn â darparu safleoedd ar gyfer Sipsiwn, Roma a Theithwyr, fel yr amlinellir yng nghynllun gweithredu cydraddoldeb hiliol Llywodraeth Cymru

·         nodyn i egluro nifer y safleoedd tramwy yng Nghymru

·         nodyn ar enghreifftiau o arfer gorau ymysg awdurdodau lleol o ran ymgynghori ac ymgysylltu â chymunedau Sipsiwn, Roma a Theithwyr ynglŷn â darparu safleoedd.

7.1. Derbyniodd y Pwyllgor y cynnig.

8.1. Trafododd y Pwyllgor y dystiolaeth a ddaeth i law o dan eitemau 3 a 4.

9.1. Trafododd y Pwyllgor y materion allweddol ar gyfer ei waith mewn perthynas â chartrefi i ffoaduriaid o Wcráin a chytunodd arnynt.