Agenda a Chofnodion

1.1  Croesawodd y Cadeirydd yr Aelodau i’r cyfarfod

1.2 Ni chafwyd ymddiheuriadau na dirprwyon

Datganodd Samuel Kurtz ei fod yn Aelod o Ffederasiwn Clybiau Ffermwyr Ifanc Cymru, cyfarwyddwr yr elusen sydd wedi bod yn cael arian gan Lywodraeth Cymru yn flaenorol.

2.1 Cafodd y papurau eu nodi

Lesley Griffiths AS, y Gweinidog Materion Gwledig a Gogledd Cymru, a’r Trefnydd

Gareth Bevington, Dirprwy Gyfarwyddwr, y Môr a Physgodfeydd

Tamsin Brown, Pennaeth Polisi ar Ddyfodol Pysgodfeydd a Chymorth Is-adrannol

3.1 Atebodd y Gweinidog Materion Gwledig a Gogledd Cymru, a’r Trefnydd, a Swyddogion Llywodraeth Cymru gwestiynau gan Aelodau'r Pwyllgor.

3.2 Cytunodd y Gweinidog i ddarparu rhagor o fanylion am system labelu ac olrhain gadarn.

3.3 Addawodd y Gweinidog ymgysylltu ymhellach â’r Pwyllgor, yn bersonol neu mewn gohebiaeth, pan fyddai’r Memorandwm Cyd-ddealltwriaeth ar gyfer y Fframwaith Cyffredin Pysgodfeydd yn cael ei gyhoeddi.

Jim Evans, Cadeirydd, Cymdeithas Pysgotwyr Cymru

Trevor Jones, Cymdeithas Rheoli Gorchymyn Pysgodfa Afon Menai

4.1 Atebodd Jim Evans a Trevor Jones gwestiynau gan Aelodau'r Pwyllgor

4.2 Bydd Jim Evans o Gymdeithas Pysgotwyr Cymru yn rhoi adroddiad i'r Pwyllgor ar atebion ailgylchu cynaliadwy pan gaiff ei gyhoeddi.

Emily Williams, Swyddog Polisi Morol, RSPB Cymru

Gareth Cunningham, Pennaeth Pysgodfeydd a Dyframaethu, y Gymdeithas Cadwraeth Forol

5.1 Atebodd Emily Williams a Gareth Cunningham gwestiynau gan Aelodau'r Pwyllgor

Gareth Bullock, Cadeirydd Bwrdd Banc Datblygu Cymru

Giles Thorley, Prif Weithredwr

David Staziker, Prif Swyddog Ariannol

Mike Owen, Cyfarwyddwr Buddsoddi

6.1 Atebodd Gareth Bullock, Giles Thorley, David Staziker a Mike Owen gwestiynau gan Aelodau'r Pwyllgor

6.2 Cytunodd y Pwyllgor i ysgrifennu at Fanc Datblygu Cymru i fynd ar drywydd materion a godwyd yn ystod y sesiwn graffu

7.1 Trafododd y Pwyllgor y Memorandwm Cydsyniad Deddfwriaethol Atodol ar y Bil Cymwysterau Proffesiynol. Yn ddiweddarach, cytunodd y Pwyllgor ar adroddiad ar y Memorandwm Cydsyniad Deddfwriaethol Atodol i'w gyhoeddi erbyn y dyddiad cau ar gyfer cyflwyno adroddiadau, sef 10 Chwefror.

8.1 Trafododd y Pwyllgor y Memorandwm Cydsyniad Deddfwriaethol ar y Bil Rhenti Masnachol (Coronafeirws). Yn ddiweddarach, mewn sesiwn breifat, cytunodd y Pwyllgor ar adroddiad ar y Memorandwm Cydsyniad Deddfwriaethol i'w gyhoeddi erbyn y dyddiad cau ar gyfer cyflwyno adroddiadau, sef 10 Chwefror.

9.1 Trafododd y Pwyllgor y Memorandwm Cydsyniad Deddfwriaethol Atodol ar y Bil Lles Anifeiliaid (Anifeiliaid a Gedwir). Mewn sesiwn breifat, penderfynodd y Pwyllgor i gytuno ar adroddiad ar y Memorandwm Cydsyniad Deddfwriaethol Atodol mewn gohebiaeth i'w gyhoeddi erbyn y dyddiad cau ar gyfer cyflwyno adroddiadau, sef 3 Mawrth.

10.1 Trafododd y Pwyllgor y Memorandwm Cydsyniad Deddfwriaethol Atodol ar y Bil Rheoli Cymorthdaliadau. Mewn sesiwn breifat, cytunodd y Pwyllgor i ysgrifennu at y Gweinidog yn gofyn am gael y wybodaeth ddiweddaraf am ddatblygiadau gyda’r Bil.

11.1 Derbyniodd y Pwyllgor y cynnig

·         Trafod tystiolaeth yn dilyn y cyfarfod

·         Trafod Fframweithiau Cyffredin

·         Trafod yr Adroddiad Drafft ar y Memorandwm Cydsyniad Deddfwriaethol Atodol (Rhif 2) ar gyfer y Bil Cymwysterau Proffesiynol

·         Trafod yr Adroddiad Drafft ar y Memorandwm Cydsyniad Deddfwriaethol ar gyfer y Bil Rhenti Masnachol (Coronafeirws)

12.1 Trafododd yr Aelodau y dystiolaeth a glywyd yn ystod y sesiwn.

12.2 Bu'r Pwyllgor yn trafodd papur ar Fframweithiau Cyffredin a chytunodd ar ei ddull o flaenoriaethu'r Fframweithiau i graffu arnynt ac i gyhoeddi galwad agored am farn rhanddeiliaid ar y Fframweithiau pan gânt eu cyhoeddi.