Agenda a Chofnodion

Croesawodd y Llywydd yr Aelodau i’r cyfarfod.

Cytunwyd ar y Cofnodion i'w cyhoeddi.

Tynnodd y Trefnydd sylw'r Rheolwyr Busnes at ychwanegu’r datganiad canlynol:

·         Datganiad gan Weinidog y Gymraeg ac Addysg: Adnewyddu a diwygio: cefnogi lles a chynnydd dysgwyr (45 Munud)

Cytunodd y Trefnydd i ymestyn yr eitem rheoliadau coronafeirws i 30 munud.

Cytunodd y Pwyllgor Busnes i'r un cyfle arfaethedig i newid drosodd. Gofynnodd y Llywydd i'r Rheolwyr Busnes atgoffa'r Aelodau i adael y Siambr yn gyflym, ac i'r rhai sy'n dod i mewn i beidio â gwneud hynny nes bod y gloch wedi'i chanu.

Dywedodd y Llywydd wrth y Pwyllgor Busnes y bydd Aelodau'n parhau i gael 1 funud fesul cwestiwn atodol, a bydd gan arweinwyr y pleidiau 3 x 1 funud ar gyfer eu cwestiynau, fel o'r blaen.

Dydd Mercher

·         Caiff y Cyfnod Pleidleisio ei gynnal fel yr eitem olaf o fusnes.

·         Nid yw'r Cyfarfod Llawn yn debygol o fynd y tu hwnt i 4.30pm. 

Gofynnodd y Rheolwyr Busnes pryd y byddai eitemau pellach yn cael eu hychwanegu at yr amserlen 3 wythnos. Eglurodd y Trefnydd y bydd datganiadau'n cael eu hychwanegu at yr agenda ar gyfer 8 Mehefin yn ddiweddarach yr wythnos nesaf.

Cytunodd y Pwyllgor Busnes i gynnwys yr eitemau o fusnes a ganlyn ar yr amserlen:

Dydd Mercher 9 Mehefin 2021 -

·                     Cwestiynau Amserol (20 mun)

·                     Datganiadau 90 Eiliad (5 mun)

·                     Amser a neilltuwyd i’r Ceidwadwyr Cymreig (60 munud)

·                     Amser a neilltuwyd i Blaid Cymru (60 munud)

·                     Dadl Fer (30 munud)

Dydd Mercher 16 Mehefin 2021 -

·                     Cwestiynau Amserol (20 mun)

·                     Datganiadau 90 Eiliad (5 mun)

·                     Dadl Aelodau o dan Reol Sefydlog 11.21(iv): (60 munud)

·                     Amser a neilltuwyd i’r Ceidwadwyr Cymreig (60 munud)

·                     Amser a neilltuwyd i Blaid Cymru (60 munud)

·                     Dadl Fer (30 munud)

Dydd Mercher 23 Mehefin 2021 -

·                     Cwestiynau Amserol (20 mun)

·                     Datganiadau 90 Eiliad (5 mun)

·                     Dadl Aelodau o dan Reol Sefydlog 11.21(iv): (60 munud)

·                     Dadl ar Gynnig Deddfwriaethol gan Aelod (30 munud) - gohiriwyd tan 30 Mehefin 2021

·                     Amser a neilltuwyd i Blaid Cymru (30 munud) – gohiriwyd tan 30 Mehefin 2021

·                     Amser a neilltuwyd i’r Ceidwadwyr Cymreig (60 munud)

·                     Dadl Fer (30 munud)

Nododd y Pwyllgor Busnes y newidiadau canlynol i derfynau amser cyflwyno, oherwydd Diwrnod Gŵyl Banc y Sulgwyn a Diwrnod Braint ar 31 Mai a 1 Mehefin:

·         Cynigion i'w trafod ddydd Mawrth 8 Mehefin i'w cyflwyno erbyn 4.00pm ddydd Gwener 28 Mai; a

·         Cynhelir balotau ar gyfer cwestiynau llafar sydd i'w hateb ar 8 a 9 Mehefin am 9:30am ddydd Gwener 28 Mai.

Penderfynodd y Pwyllgor Busnes ohirio penderfyniadau ar benodi'r Comisiwn tan ar ôl yr hanner tymor.

Cytunodd y Pwyllgor Busnes i gyflwyno'r cynigion arfaethedig i sefydlu'r Pwyllgor Is-ddeddfwriaeth Dros Dro (gan gynnwys ei deitl, ei gylch gwaith, ei aelodaeth a'i gadeirydd) i'w ystyried yn y Cyfarfod Llawn ddydd Mercher 26 Mai, yn ogystal â chynnig i atal y Rheolau Sefydlog er mwyn caniatáu i'r cynnig i sefydlu'r pwyllgor gael ei ystyried. Nododd y Pwyllgor hefyd hyd y Pwyllgor Dros Dro.

Cytunodd y Rheolwyr Busnes i ymgynghori â'u grwpiau, gyda'r bwriad i'r Pwyllgor Busnes wneud penderfyniadau ar ei ddewis ddull o weithredu yn y cyfarfod nesaf. Byddai swyddogion yn darparu modelu pellach i lywio ymgynghoriad â grwpiau.

Y Swyddfa Gyflwyno

Gofynnodd y Trefnydd i’r trefniant bod y Swyddfa Gyflwyno yn aros ar agor ar nos Wener at ddibenion penodol gosod rheoliadau Covid yn parhau. Cytunodd y Pwyllgor Busnes.