Agenda a Chofnodion
Lleoliad: Ystafell Gynadledda A - Tŷ Hywel. Cyfarwyddiadau
Cyswllt: Daniel Hurford
Rhif | Eitem |
---|---|
Cyflwyniad y Cadeirydd (9.00 - 9.10) Papur 1 –
Cofnodion y cyfarfod a gynhaliwyd ar 6 Gorffennaf Cofnodion: § Croesawodd y Cadeirydd bawb i’r cyfarfod. Ymunodd Hugh Widdis a Mike
Redhouse yn rhithwir. § Soniodd y Cadeirydd am y cyfarfodydd a gynhaliwyd â’r Penaethiaid Staff ac
Aelodau o’r Senedd ar 11 Hydref, a’r adborth cadarnhaol a gafwyd gan y rhai a
oedd yn bresennol. § Rhoddodd Anna Daniel (Uwch-gynghorydd i'r Bwrdd) ddiweddariad ar y Bil
Diwygio’r Senedd. § Rhoddodd Daniel Hurford (Clerc i’r Bwrdd) ddiweddariad ar gyfarfod cyntaf y
rhwydwaith ‘Cross-UK Network’ a gynhaliwyd ym mis Medi. Grŵp yw’r
‘Cross-UK Network’ sy’n cynnwys swyddogion o’r Awdurdod Safonau Seneddol
Annibynnol (IPSA), Comisiwn Cynulliad Gogledd Iwerddon (NIAC), Comisiwn y
Senedd a Chorfforaeth Seneddol yr Alban (SPCB). § Cytunwyd ar gofnodion y cyfarfod a gynhaliwyd ar 6 Gorffennaf. Cam i’w
gymryd: § Cyhoeddi cofnodion y cyfarfod a gynhaliwyd ar 6 Gorffennaf |
|
Ailwerthusiad Adran Actiwari'r Llywodraeth (GAD) o gyfraniadau i Gynllun Pensiwn yr Aelodau (9.10 - 9.30) Papur 2 – Cynllun
Pensiwn Aelodau o'r Senedd – Prisio Actiwaraidd 2023 Cofnodion: § Croesawodd y Bwrdd Memet Pekacar (Actiwari Cynllun Pensiwn yr Aelodau,
Adran Actiwari’r Llywodraeth) i drafod y prisiant diweddar o Gynllun Pensiwn yr
Aelodau a’r opsiynau i’w trafod gan y Bwrdd o ran cyfraniadau at y Cynllun. § Cytunodd y Cadeirydd i ysgrifennu at y Pwyllgor Cyllid am effaith debygol
36 o Aelodau o’r Senedd ychwanegol ar y Cynllun Pensiwn, o fod wedi trafod hyn
gydag Actiwari’r Cynllun. Camau i’w
cymryd: § Roedd y Bwrdd yn fodlon ar gynnig Adran Actiwari'r Llywodraeth y
dylai cyfradd gyfrannu y Comisiwn at y Cynllun gael ei leihau o 19.9 y cant i
18 y cant, a chytunodd y gallai’r Adran lywio barn y Comisiwn ac Ymddiriedolwyr
y Bwrdd pan ymgynghorir â hwy fel rhan o gamau nesaf yr Adran. § Cytunodd y Cadeirydd i ysgrifennu at y Pwyllgor Cyllid am effaith debygol
36 o Aelodau o’r Senedd ychwanegol ar Gynllun Pensiwn yr Aelodau, wedi i’r
mater gael ei godi gyda’r Cadeirydd yn ystod sesiwn dystiolaeth y Pwyllgor
Biliau Diwygio ar 11 Hydref. |
|
Diweddariadau ar Adolygiad Thematig y Rhaglen Waith Strategol (9.30 - 10.00) Y wybodaeth
ddiweddaraf, ar lafar: - Ffyrdd o weithio - Cymorth Staffio - Lwfans Cymorth i Bleidau Gwleidyddol - Taliadau a Chymorth Personol i’r Aelodau Cofnodion: § Cyflwynodd aelodau'r Bwrdd ddiweddariadau ar yr adolygiadau thematig sy'n
cael eu cynnal fel rhan o Raglen Waith Strategol y Bwrdd. § Nododd Syr David Hanson (Arweinydd y Bwrdd o ran Ffyrdd o Weithio) fod cam
cyntaf yr adolygiad thematig hwn yn tynnu tua’i derfyn. Rhan o’r gwaith ar
gyfer y cam cyntaf hwn oedd adolygu’r lwfansau a ddarperir i’r Aelodau a’u
staff cymorth mewn perthynas â gweithio gartref a gweithio hybrid, a chyhoeddir
diweddariad ar hyn yn fuan. Cam i’w
gymryd: § Y Bwrdd i anfon nodyn at yr Aelodau a’u staff cymorth i godi ymwybyddiaeth
o’r darpariaethau sydd ar waith i gefnogi gweithio gartref a gweithio hybrid. |
|
Diweddariad ar yr Adolygiad Thematig Symleiddio (10.00 - 10.30) Papur 3 – Adolygiad
Thematig Symleiddio Cofnodion: § Trafododd y Bwrdd bapur ar y gwaith o symleiddio’r adolygiad thematig hyd
yma, a’r penderfyniadau y mae angen i’r Bwrdd eu gwneud yn hyn o beth. §
Trafododd y Bwrdd y graddau yr
oedd testun esboniadol yn briodol ar gyfer ei gynnwys yn y Penderfyniad. § Mae’r Bwrdd yn cytuno bod gwaith yn parhau, yn y gobaith y gellir drafftio
opsiynau ar gyfer Penderfyniad wedi’i symleiddio ymhellach ar gyfer y Seithfed
Senedd. Gofynnodd y Bwrdd am gael parhau â deialog ymchwiliol pellach gyda’r
Comisiwn ar y mater hwn. |
|
Diweddariad Economaidd (10.45 - 12.00) Papur 4 – Rhagolygon
Economaidd Papur 5 – Cefnogaeth
o ran Costau Byw i Staff Cymorth 2023 Cofnodion: § Cafodd y Bwrdd ddiweddariad llafar gan Martin
Jennings (Pennaeth Uned Craffu Ariannol y Tîm Ymchwil) ar yr hinsawdd
economaidd bresennol a’r rhagolygon, gan gynnwys dyfarniadau cyflog yn y sector
cyhoeddus yng Nghymru. Trafododd y Bwrdd y goblygiadau posibl i'r Penderfyniad.
§ Cytunodd y Bwrdd i ystyried y chwyddiant a’r
cyfraddau llog uchel fel rhan o’i ystyriaeth o’r cymorth ariannol i staff
cymorth, gan gynnwys addasiadau cyflog ar gyfer 2024-25. Cam i’w
gymryd: § Bydd y Bwrdd yn ystyried y dewisiadau sydd ar gael i gefnogi staff cymorth
drwy’r argyfwng costau byw parhaus, a hynny yn ei gyfarfod ym mis Tachwedd. |
|
Ystyriaeth Gychwynnol o Adolygiad Blynyddol o'r Penderfyniad ar gyfer 2024/25 (12.00 - 13.15) Papur 6 – Ymgynghoriad
ar yr Adolygiad Blynyddol o'r Penderfyniad ar gyfer 2024/25 Cofnodion: § Adolygodd y Bwrdd y cwmpas arfaethedig ar gyfer yr ymgynghoriad ar yr
adolygiad blynyddol. § Trafododd y Bwrdd nifer o gwestiynau
allweddol yn ymwneud â’r materion sydd i’w cynnwys yn yr ymgynghoriad, a
chytunodd y dylid darparu rhagor o wybodaeth cyn bod modd iddo wneud
penderfyniad yn y cyfarfod ym mis Tachwedd. § Nododd y Bwrdd hefyd y byddai angen i unrhyw benderfyniad gael ei osod yng
nghyd-destun y cyfyngiadau cyllidebol ehangach y mae’r Comisiwn a Chronfa
Gyfunol Cymru yn eu hwynebu. Camau i’w cymryd: § Cytunodd y Bwrdd â chwmpas a dull gweithredu
yr ymgynghoriad ar yr adolygiad blynyddol. §
Cytunodd aelodau’r Bwrdd ar amserlen yr
ymgynghoriad ar yr Adolygiad Blynyddol, gyda’r ymgynghoriad yn cael ei gynnal
rhwng 15 Rhagfyr a 26 Ionawr, gyda thrafodaeth ar yr ymatebion yng nghyfarfod y
Bwrdd ar 22 Chwefror. Byddai unrhyw newidiadau i’r Penderfyniad yn cael eu
cytuno ar 14 Mawrth 2024. §
Bydd Ysgrifenyddiaeth y Bwrdd yn trefnu
cyfarfod â’r Penaethiaid Staff a Chynrychiolwyr Undeb yn dilyn cyfarfod y Bwrdd
ar 30 Tachwedd, i ddarparu cyfeiriad clir ar y newidiadau i’r Penderfyniad a
gynigir fel rhan o’r ymgynghoriad. |
|
Tâl Cadeiryddion - Pwyllgor Diben Arbennig Ymchwiliad Covid-19 Cymru a'r Pwyllgor Biliau Diwygio (14.00 - 14.25) Papur 7 –
Cydnabyddiaeth i Gadeiryddion Pwyllgor Cofnodion: § Trafododd y Bwrdd y penderfyniad y mae’n
ofynnol iddo ei wneud ar y cyflog ychwanegol sydd i’w dalu i Gyd-gadeiryddion
Pwyllgor Diben Arbennig Ymchwiliad Covid-19 Cymru ac i Gadeirydd y Pwyllgor
Biliau Diwygio. § Nododd y Bwrdd y wybodaeth am raglen waith y
Pwyllgor ac am gyfrifoldebau cyd-Gadeiryddion, a nododd mai rolau cyd-gadeirio
yw’r rhain, yn hytrach na rolau ‘rhannu swyddi’.
Nododd y Bwrdd hefyd y bydd gwaith y Pwyllgor
Covid yn gymhleth, yn hollol newydd ac o ddiddordeb mawr i’r cyhoedd. § Nododd y Bwrdd y byddai taliad cyflogau Cadeiryddion Pwyllgor yn gymwys o’r dyddiad yr etholir yr
Aelod yn Gadeirydd. § Nododd y Bwrdd fod un o gyd-Gadeiryddion y Pwyllgor Covid, a Chadeirydd y
Pwyllgor Biliau Diwygio, eisoes yn cael cyflog ychwanegol. § Nododd y Bwrdd yr amgylchiadau eithriadol a arweiniodd at Gomisiwn y Senedd
yn penodi cyd-Gadeiryddion ar gyfer Pwyllgor Diben Arbennig Ymchwiliad Covid-19
Cymru. Bu’r Bwrdd hefyd yn trafod cost ganlyniadol y penderfyniad hwn i’r pwrs
cyhoeddus yn sgil bod cyfran uchel o’r Aelodau yn dal swyddi ychwanegol yn y
Senedd. Camau i’w
cymryd: § Cytunodd y Bwrdd ar lefel gyflog uwch ar gyfer pob cyd-Gadeirydd Pwyllgor
Diben Arbennig Ymchwiliad Covid-19 Cymru ac i Gadeirydd y Pwyllgor Biliau
Diwygio § Cytunodd y Bwrdd y bydd y taliad o ran cyflogau deiliaid swyddi ychwanegol,
ble bo’n briodol, yn weithredol o’r dyddiad yr etholir y Cadeiryddion. § Y Bwrdd i ysgrifennu at y Llywydd i roi gwybod am ei benderfyniad. |
|
Papur Diweddaru (14.25 - 14.40) Papur 8 – Papur
diweddaru Cofnodion: § Nododd y Bwrdd y diweddariadau ar amrywiol faterion sy'n berthnasol i'w
waith a hefyd ei flaenraglen waith. §
Nododd y Bwrdd y diweddariad ar y rhwymedi McCloud
ar gyfer Cynllun Pensiwn yr Aelodau, a recriwtio Cadeirydd newydd i’r Bwrdd
Pensiynau. §
Cafodd
y Bwrdd ddiweddariad gan y Tîm Cymorth Busnes i Aelodau a chaiff ddiweddariad
maes o law ynghylch dychwelyd cyfarpar ac asedau. §
Cafodd
y Bwrdd ddiweddariad gan Syr David Hanson ar yr ymweliadau â swyddfeydd
etholaethol a gynhaliwyd ganddo ym mis Medi, pan fu’n ymweld â’r Aelodau a’u
staff cymorth. § Croesawodd y Cadeirydd Natasha Davies (Uwch-ymchwilydd) i’r tîm a nododd
strwythur newydd y tîm o ran Ysgrifenyddiaeth y Bwrdd. §
Nododd
y Bwrdd yr ohebiaeth a ddaeth i law gan y Prif Weithredwr a’r Clerc yn ymwneud
â chynllunio cyllidebau ar gyfer 2024-25. §
Trafododd
y Bwrdd yr adroddiad cyllidebol diweddaraf ar gyfer mis Hydref 2023 gyda Lisa
Bowkett (y Pennaeth Cyllid Dros Dro) a Craig Griffiths (Pennaeth Cymorth Busnes
ac Ymgysylltu â’r Aelodau). |
|
Papur i'w nodi: Diweddariad Blynyddol gan Dîm Diogelwch y Senedd Papur 9 – Diweddariad
ysgrifenedig gan James Attridge Cofnodion: § Nododd y Bwrdd y papur diweddaru blynyddol gan Dîm Diogelwch y Senedd. Unrhyw
faterion eraill § Rhoddodd y Cadeirydd wybod i’r Bwrdd am y cyfarfodydd sydd i’w cynnal ym
mis Hydref gyda’r Llywydd a Chadeirydd yr Awdurdod Safonau Seneddol Annibynnol
(IPSA). § Dywedodd y Cadeirydd y cynhelir cyfarfod nesaf y Bwrdd ar 30 Tachwedd, a
chynhelir cyfarfodydd y Grŵp Cynrychiolwyr a sesiynau galw heibio ar 29
Tachwedd. |